Byggðarráð Borgarbyggðar

Framlögð skýrsla yfirkjörstjórnar Borgarbyggðar um niðurstöðu sveitarstjórnarkosningar þann 26. maí 2018. Sviðsstjóri stjórnsýslu- og fjármálasviðs fór yfir framkvæmd kosninganna og niðurstöður þeirra.

Framlögð áskorun íbúa við Helgugötu um aðgerðir í gangstéttarmálum í tengslum við lagningu ljósleiðara í götunni. Sveitarstjóri skýrði frá tilhögun framkvæmda í götunni. Byggðarráð þakkar bréfið og mun Borgarbyggð kosta nýja hellulögn gangstéttar.

Framlagt fundarboð v. aðalfundar Faxaflóahafna sf. Sem verður haldinn þann 27. Júní 2018 í Hafnarhúsinu við Tryggvagötu. Byggðarráð fól sveitarstjóra að sækja fundinn f.h. Borgarbyggðar.

Framlagt fundarboð á aðalfund Límtré Vírnet ehf. þann 11. júní 2018 að Lynghálsi 2. Byggðarráð fól sveitarstjóra að sækja fundinn f.h. Borgarbyggðar.

Framlagður tölvupóstur frá eigendum Furuhlíðar 2 og 4, Varmalandi dags 23. maí 2018, þar sem farið var fram á ákveðnar endurbætur og lagfæringar á götunni. Byggðarráð vísaði erindinu til umhverfis- og skipulagssviðs.

Framlögð reglugerð fyrir Fasteignasjóð Jöfnunarsjóðs dags. 18. maí 2018.

Framlögð tillaga að svarbréfi til IKAN ehf. vegna bréfa Ikan ehf dags. 22.3. og 22.4.2018. Byggðarráð samþykkti bréfið og fól sveitarstjóra að senda það.

Framlagður samningur milli Eyja - og Miklaholtshrepps og Borgarbyggðar, dags. 16. Maí 2018, vegna nemenda sem stunda nám í Laugargerðisskóla. Byggðarráð samþykkti samninginn.

Framlagður tölvupóstur, dags. 29. Maí 2018, frá Samtökum sveitarfélaga á Vesturlandi um framlengingu á samningi um Vesturlandsstofu. Byggðarráð samþykkti erindið og fól sveitarstjóra að afgreiða það.

Framlög umsókn Vegagerðarinnar um framkvæmdaleyfi fyrir gerð brúar yfir Norðlingafljót. Byggðarráð samþykkti að gefa út framkvæmdaleyfi vegna verksins. Byggðarráð leggur áherslu á að merkingum fyrir ferðamenn verði komið upp.

Framlagt yfirlit um úthlutun lóða í Borgarbyggð síðustu misseri.
Byggðarráð leggur áherslu á að unnið sé eftir reglum um úthlutun lóða í Borgarbyggð hvað varðar byggingarfrest sem er 8 mánuðir frá því að lóð er tilbúin fyrir byggingarframkvæmdir.