Byggðarráð Borgarbyggðar

Lagt fram bréf Umhverfisstofnunar þar sem óskað er eftir að Borgarbyggð tilnefni fulltrúa í vatnasvæðanefnd í samræmi við lög nr. 36/2011 og 6. gr. reglugerðar nr 935/2011 um stjórn vatnamála.
Byggðarráð samþykkti að tilnefna Þóru Geirlaugu Bjartmarsdóttur í nefndina.

Lagt fram minnisblað Ingibjargar Guðmundsdóttur mannauðsstjóra varðandi samning við trúnaðarlækni fyrir Borgarbyggð.
Byggðarráð frestaði afgreiðslu til næsta fundar og óskar eftir að mannauðsstjóri kynni efni minnisblaðsins.

Lagt fram bréf stjórnar Veiðifélags Hítarár dags 18.12.2018 þar sem óskað er leyfa til að grafa í gegnum skriðu sem féll í Hítardal í sumar og endurheimta með því Hítará í sínum fyrri farvegi.
Byggðarráð samþykkti að óska eftir verkfræðiskýrslu sem veiðifélagið hefur látið gera og óskar eftir áliti umhverfis- skipulags - og landbúnaðarnefndar um erindið.

Lagt fram til kynningar bréf Íbúðalánasjóðs dags. 17.12.2018 þar sem tilkynnt er um stofnun Leigufélagsins Bríet ehf sem mun yfirtaka eignarhald og rekstur á fasteignum Íbúðalánasjóðs um land allt.

Lagt fram bréf Vegagerðarinnar dags 13.12.2018 þar sem tilkynnt er um áform um útvíkkun á skeringu við veg 508 Skorradalsvegur, í landi Syðstu-Fossa í Borgarbyggð. Ástæða framkvæmdarinnar er að í vissum veðurskilyrðum safnast snjór á veginn og munu þessar aðgerðir draga úr líkum að að það gerist.
Samþykkt að fela umhverfis- og skipulagssviði að gefa út leyfi vegna framkvæmdarinnar með fyrirvara um jákvæða umsögn skipulagssviðs. Endanlegri afgreiðslu er vísað til sveitarstjórnar.

Lagður fram úrskurður Úrskurðarnefndar umhverfis- og auðlindamála sem kveðinn var upp 20.12.2018 varðandi afhendingu gagna frá Borgarbyggð til Ikan ehf.
Samþykkt að fela sveitarstjóra að svara erindinu í samræmi við úrskurð nefndarinnar.

Lög fram drög að svari Borgarbyggðar við bréfi IKAN ehf. frá 20.11.2018 vegna grenndarkynningar byggingarleyfis fyrir Egilsgötu 6. Byggðarráð samþykkir að fela sveitarstjóra að senda bréfið með áorðnum breytingum.

Lögð fram drög að erindisbréfi fyrir Fagráð slökkviliðs Borgarbyggðar. Byggðarráð samþykkir erindisbréfið. Sviðsstjóra umhverfis - og skipulagssviðs falið að fylgja málinu eftir.

Rætt um uppsetningu öryggismyndavéla. Byggðarráð mun óska eftir því að fá fulltrúa frá lögreglustjóraembættinu til viðræðna um málið.

Framlagt yfirlit slökkviliðsstjóra Slökkvliðs Borgarbyggðar yfir útköll á árinu 2018. Byggðarráð þakkar gott yfirlit.