Byggðarráð Borgarbyggðar

Fjárhagsáætlun fyrir árið 2020. Framlögð tímalína fyrir vinnslu fjárhagsáætlunar fyrir árið 2020 og gerð fjárheimilda fyrir árin 2021-2023. Rætt um skipulag vinnunnar sem er framundan, fyrirkomulag vinnufunda sveitarstjórnar og fyrirhugaðra funda með forstöðumönnum stofnana sveitarfélagsins. Sveitarstjóri mun boða til fundar með forstöðumönnum stofnana innan skamms þar sem farið verður yfir forsendur fjárhagsáætlunar og vinnulag við verkið.

Afgreiðsla þessa fundar:

Framlögð til kynningar mat Skipulagsstofnunar á tillögu Sorpurðunar Vesturlands vegna fyrirhugaðrar aukinnar urðunar í landi Fíflholta, dags. 8. ágúst 2019. Skipulagsstofnun féllst á tillögu framkvæmdaaðila að matsáætlun með allnokkrum athugasemdum og ábendingum.
Byggðarráð óskar eftir því að viðbrögð stjórnar Sorpurðunar Vesturlands ehf verði kynnt fyrir byggðarráði.

Framlögð til kynningar auglýsing vegna fundar Tækniþróunarsjóðs sem haldinn verður í Borgarnesi 29. ágúst n.k. kl. 12:00-13:00 í húsi Símenntunar, Bjarnarbraut 8.

Framlagt til kynningar fundarboð á landsfund um jafnréttismál sveitarfélaga sem haldinn verður í Garðabæ dagana 4. og 5. sept. 2019. Byggðaráð hvetur kjörna fulltrúa til að mæta.

Framlagt fundarboð á aukalandsþing sambands Íslenskra sveitarfélaga sem haldið verður 6. sept. n.k. Fundarefni verður tillaga starfshóps og tillaga til þingsályktunar að styrkingu sveitarstjórnarstigsins sem unnin hafa verið á vegum samgöngu- og sveitarstjórnarráðuneytisins. Meðal annars hafa verið lagðar fram tillögur um ákveðin lágmörk á íbúafjölda sveitarfélaga. Fundinn sækja f.h. Borgarbyggðar Halldóra Lóa Þorvaldsdóttir formaður byggðarráðs, Guðveig Lind Eyglóardóttir, Silja Eyrún Steingrímsdóttir og Gunnlaugur A. Júlíusson sveitarstjóri.

Framlagðar framkomnar beiðnir nokkurra foreldra barna sem stunda nám á Kleppjárnsreykjum um að sett verði upp skólasel á Kleppjárnsreykjum. Byggðarráð lýsir vilja sínum til þess að stofna skólasel leysi það úr þeirri stöðu sem uppi er. Byggðarráð vísar erindinu til umfjöllunar í fræðslunefnd til frekari umfjöllunar.

Framlögð drög að umsóknareyðublöðum fyrir tengingu við ljósleiðara við styrkhæfa tengistaði annars vegar og við frístundahús hinsvegar.
Byggðarráð samþykkti að gefa kost á greiðsludreifingu tengigjalds á eftirfarandi hátt: Gefinn verður kostur á að dreifa greiðslu tengigjalds að fjárhæð 250.000 kr. í 10 jafna hluta. Sérstaklega er bent á að þeir sem ekki eru styrkhæfir skv. reglum Fjarskiptasjóðs greiða því sem næst raunkostnað við lagningu ljósleiðara. Byggðarráð gerir að öðru leyti ekki athugasemdir við uppsetningu umsóknareyðublaðanna.

Framlagður til kynningar samningur milli SH Leiðarans og Heflunar ehf. um framkvæmdir v. ljósleiðara í Borgarbyggð.

Framlögð umsókn Jóns Axels Jónssonar, kt. 0404664529, Sæunnargötu 4 um lóð að Kvíarholti 29.
Byggðarráð samþykkti að úthluta Jóni Axel Jónssyni lóð að Kvíarholti 29 Borgarnesi.

Framlagt erindi Umhverfisstofnunar um mat stofnunarinnar vegna fyrirætlana um að setja upp skotæfingasvæði í landi Hamars í Borgarbyggð. Í áliti stofnunarinnar koma fram margháttaðar athugasemdir við fyrrgreindar fyrirætlanir. Erindi Umhverfisstofnunar varða bæði deiliskipulag og aðalskipulag á fyrrgreindu svæði. Umhverfisstofnun lýsir því yfir að hún muni leggjast gegn fyrirætlunum um uppsetningu skotæfingasvæðis svo nærri friðlýstu svæði fólkvangs ef hljóðstig er óásættanlegt.
Byggðarráð fjallaði um erindi Umhverfisstofnunar og samþykkti að óska eftir fundum með Skotfélagi Vesturlands um málið og Umhverfisstofnun.

Framlögð fundargerð frá fundi fulltrúa Borgarbyggðar og Eyja- og Miklaholtshrepps þann 15. ágúst 2019 um endurskoðun samnings Slökkviliðs Borgarbyggðar við Eyja - og Miklaholtshrepps um brunavarnir í sveitarfélaginu. Sveitarstjóra falið að vinna málið áfram.

Framlögð umsókn Þorvaldar T. Jónssonar í Hjarðarholti, dags. 20 ágúst 2019, um tengingu Hjarðarholts og Fornastekks við vatnsveitu Varmalands í landi Stafholtsveggja.
Byggðarráð lýsti sig jákvætt gagnvart erindinu og vísaði því til Umhverfis- og skipulagssviðs til skoðunar. Óskað er eftir minnisblaði frá sviðinu um málið.

Framlögð fundargerð byggingarnefndar GB frá 20. ágúst 2019.