Byggðarráð Borgarbyggðar

Framlagt yfirlit um ástand afréttargirðinga byggt á upplýsingum frá formönnum fjallskilasjóða í nóvember 2019. Ástand fjallgirðinga er víða mjög lélegt og því mikil þörf á viðhaldi þeirra og endurbótum á komandi árum. Framlagt yfirlit er gagnlegt til að skipuleggja það starf til einhverra ára. Samþykkt að halda vinnufund með fjallskilanefnd Borgarbyggðar.

Framlögð vinnugögn vegna undirbúnings fjárhagsáætlunar fyrir árið 2020. Sviðsstjóri stjórnsýslu- og fjármálasviðs fór yfir framlögð gögn og skýrði þau. Undirbúningur fyrir framlagningu fjárhagsáætlunar fyrir árið 2020 er vel á veg kominn. Einungis er eftir að fara yfir örfá atriði sem varða rekstur og fjárfestingar.
Byggðarráð samþykkir framkomna áætlun með ákveðnum breytingum og leggur hana fram til fyrri umræðu í sveitarstjórn þann 14. nóvember n.k.

Framlögð drög að ferlagreiningu Capacent á þjónustuferli Borgarbyggðar. Snædís Helgadóttir, starfsmaður Capacent, mætti til fundarins. Niðurstöður verða teknar til umræðu á vinnufundi sveitarstjórnar.

Framlagt minnisblað Sambands íslenskra sveitarfélaga, dags. 1. nóvember 2019, sem fjallar um endurskoðaða þjóðhagsspá og breyttar forsendur fyrir vinnslu fjárhagsheimilda.
Byggðarráð þakkar framlagðar upplýsingar sem nýtast vel við endanlega gerð fjárhagsáætlunarinnar.

Framlagt bréf Heilbrigðiseftirlits Vesturlands, dags. 30. október 2019, þar sem farið er fram á hækkun framlags sveitarfélaganna á Vesturlandi til reksturs heilbrigðiseftirlitsins um kr. 10.000.000.-. Ástæða þess að farið er fram á aukaframlag er mikil aukning á launakostnaði vegna langtímaveikinda. Hlutur Borgarbyggðar í umbeðinni hækkun er 2.306.294.-
Byggðarráð samþykkti að óska eftir fundi með fulltrúum heilbrigðiseftirlits um erindið.

Framlagður samstarfssamningur milli UMSB, Borgarbyggðar og UMFÍ um landsmót 50 sem haldið verður í Borgarnesi í júní 2020.
Byggðarráð samþykkir samninginn og leggur þá ákvörðun fyrir sveitarstjórn til staðfestingar.

Framlagt bréf Vegagerðarinnar, dags. 30. október 2019, þar sem fram kemur að vegagerðin muni færa Borgarbraut (531-01) til Borgarbyggðar fyrir lok ársins. Tilfærslan er gerð á grundvelli bráðabirgðaákvæðis í vegalögum nr. 14/2015 sem Einnig voru framlögð nokkur gögn frá Sambandi íslenskra sveitarfélaga sem varða útfærslu fyrrgreindra ákvæða. Þau eru:
a.
Minnisblað frá Juris slf., AÁ lögm., hrl., frá 28. febrúar 2018 sem lögmannsstofan vann fyrir Hafnarfjarðarkaupstað.
b.
Minnisblað frá lögfræðideild Vegagerðarinnar, dags. 8. apríl 2019 er varðar skilavegi.
c.
Minnisblað frá lögfræðingi sambands íslenskra sveitarfélaga, dags. 8. apríl 2017, sem varðar niðurfellingu vega af vegaskrá
d.
Bréf til annarra sveitarfélaga um sama efni.

Byggðarráð felur sveitarstjóra og sviðstjórum Umhverfis- og skipulagssviðs og og fjármála - og stjórnsýslusviðs að ganga til samninga við Vegagerðina um yfirfærslu Borgarbrautar til sveitarfélagsins frá Vegagerðinni. Einnig verði leitað fyrirmynda að hliðstæðum samningum. Niðurstöður viðræðnanna verða kynntar fyrir byggðarráði strax og mögulegt er.

Framlagður tölvupóstur frá Ellert Þór Haukssyni, dags. 31. október 2019, þar sem hann lýsir því yfir að hann óski eftir að skila lóðinni að Arnarflöt 3 að Hvanneyri.
Byggðarráð samþykkir skilin og felur skipulagsfulltrúa að skrá lóðina lausa til umsóknar á kortasjá sveitarfélagsins.

Framlagt minnisblað sviðsstjóra skipulags- og framkvæmdasviðs, dags. um umferðaröryggi í eldri hluta Borgarness. Lagt er til að óheimilt verði að leggja bifreiðum og öðrum ökutækjum gangstéttarmegin á eftirförnum götum: Böðvarsgötu, Gunnlaugsgötu, Kjartansgötu, Skallagrímsgötu og Þorsteinsgötu. Ástæða þessarar tillögu er hve erfitt er að moka viðkomandi götur þegar bílum er lagt beggja vegna á þeim.
Byggðarráð samþykkir framkomna tillögu og leggur þá ákvörðun fyrir sveitarstjórn til staðfestingar.

Framlagt bréf frá Svanhildi Skarphéðinsdóttur, Kvíaholti 15, 310 Borgarnesi, dags. 3. október 2019, þar sem farið er fram á stækkun lóðanna Kvíaholts 15 og 17 sem svarar þriggja metra breiðri landræmu sem liggur milli þeirra.
Byggðarráð samþykkir erindið.

Framlagt erindi forstöðumanns Safnahúss Borgarfjarðar, dags. 30. október 2019, þar sem farið er fram á að eftirfarandi svæði í Borgarnesi verði gerð að verndarsvæði í byggð skv. lögum nr. lög nr. 87/2015:
a.
Suðurnesklettar, byggð og minjar um atvinnulíf, s.s. fiskreitir og bryggja.
b.
Englendingavík og Vesturnes: Verslunarhús, bryggjusvæði og Bjössaróló.
c.
Merkar byggingar á nærsvæði þessa sem talið er rétt að falli einnig undir verndun.
Byggðarráð vísar erindinu til skipulags - og byggingarnefndar til umfjöllunar og óskar eftir upplýsingum um hvaða þýðingu slíkt verkefni hefur fyrir sveitarfélagið.

Skipun eins fulltrúa í Vatnasvæðanefnd. Byggðarráð skipaði Margréti Vagnsdóttur í nefndina.

Skipun eins varamanns í stjórn Brákarhlíðar í stað Maríu Júlíu Jónsdóttur. Byggðarráð skipaði Halldóru Lóu Þorvaldsdóttur í stöðu varamanns í stjórn Brákarhlíðar.

Framlögð umsókn eigenda lögbýlisins Hvítárholts 2, dags. 22. október 2019 um uppsetningu ljósastaura.
Byggðarráð samþykkti erindið.

Framlögð til kynningar skýrsla Samtaka atvinnulífsins "Menntun og færni við hæfi".

Framlögð fundargerð Byggingarnefndar Grunnskólans í Borgarnesi frá 5.11.2019