Byggðarráð Borgarbyggðar

Framlagður listi yfir umsækjendur um starf sveitarstjóra Borgarbyggðar en frestur til að sækja um rann út þann 28. des. s.l. 18 umsóknir bárust. Byggðarráð fagnar því að svo margir sýni áhuga á starfinu og áætlar að viðtöl hefjist í næstu viku.
Byggðarráð samþykkir að birta lista yfir umsækjendur í næstu viku.

Sviðsstjóri fjármála og stjórnsýslusviðs lagði fram lista yfir óinnheimtanlegar útistandandi kröfur.
Byggðarráð samþykkir að afskrifaðar verði kröfur að upphæð kr. 4.671.692.- og leggur þá ákvörðun fyrir sveitarstjórn til staðfestingar.

Lögð fram umsókn Skátafélags Borgarness um styrk á árinu 2019. Um nokkurra ára skeið hefur Borgarbyggð greitt upphæð til Ungmennasambands Borgarfjarðar sem starfsstyrk sem UMSB skiptir á milli aðildarfélaga sambandsins eftir ákveðnum reglum. Skátafélag Borgarness er ekki aðili að UMSB og fær því ekki starfsstyrk úr þessum sjóði. Engu en síður er eðlilegt að sömu reglur gildi við úthlutun styrks til Skátafélagsins og óskar byggðarráð eftir upplýsingum frá félaginu til að hægt sé að veita því styrk í samræmi við þær reglur. Afgreiðslu umsóknarinnar er því frestað þar til umbeðnar upplýsingar liggja fyrir.

Framlögð til kynningar greinargerð Guðrúnar Jónsdóttur um tilurð og stofnun félagsins Arfur Þorsteins frá Hamri.
Byggðarráð þakka fyrir góða greinargerð.

Framlagt bréf Úrskurðarnefndar umhverfis - og auðlindamála um framkomna kæru IKAN ehf vegna útgáfu lokaúttektarvottorðs vegna Egilsgötu 6.
Byggðarráð samþykkir að fela Ómari Jóhannessyni lögmanni hjá Pacta að senda umsögn um kæruna.

Framlögð umsókn Eggerts Ólafssonar kt. 040126-8819 um stofnun lóðar úr landi Kvía 1 í Þverárhlíð lnr. 134737 er fái heitið Oddar.
Byggðarráð samþykkir erindið og vísar þeirrii ákvörðun til sveitarstjórnar til staðfestingar.

Framlögð umsókn Þórarins H. Óðinssonar f.h. eig. Kvía II og Kvíalands um stækkun lóðarinnar Kvíalands L134738 ásamt umsókn um breytta skráningu hlöðu F210892.
Byggðarráð samþykkir erindið og vísar þeirri ákvörðun til staðfestingar sveitarstjórnar.

Byggðarráð samþykkir að tilnefna Ragnar Frank Kristjánsson sem fulltrúa Borgarbyggðar í stjórn Nemendagarða MB.

Framlögð til kynningar Ársskýrsla Landbúnaðarsafns íslands fyrir árið 2018.
Byggðarráð þakkar framlagða skýrslu.

Framlögð beiðni Upplifunargarðsins ehf um niðurfellingu stöðugjalda fyrir þrjá gáma sem staðsettir eru á Gámassvæði Borgarbyggðar að Sólbakka 29.
Byggðarráð samþykkir að fella niður stöðuleyfisgjöld á gámum sem nýttir eru undir muni sem heyra undir verkefnið og eru staðsettir á Gámasvæði Borgarbyggðar að Sólbakka 29.