Byggðarráð Borgarbyggðar

Framlagt bréf Heilbrigðiseftirlits Vesturlands ásamt greiðsluyfirliti fyrir árið 2020.

Framlagt erindi Creditinfo ehf um innbundið fjölmiðlahefti um Borgarbyggð.
Byggðarráð hafnar erindinu.

Byggðarráð þakkar fyrir fram komin drög, samþykkir þau og leggur þá ákvörðun fyrir sveitarstjórn til staðfestingar.

Rætt um B - hluta stofnanir sveitarfélagsins m.a. félagslegt húsnæði, fjallskilasjóði og Hjálmaklett. Byggðarráð óskar eftir afstöðu velferðarnefndar til húsaleigu félagslegs húsnæðis og ákveður að kalla fjallskilanefnd Borgarbyggðar til fundar.

Rætt um húsnæðismál stjórnsýslunnar og möguleika á að bæta starfsaðstöðu og nýta samlegð. Samþykkt að fela sveitarstjóra og sviðsstjóra fjármála - og stjórnsýslusviðs að hefja vinnu við þarfagreiningu.

Byggðarráð samþykkir að haldinn verði íbúafundur um fjárhagsáætlun og kynntar nýjar reglur um sorphirðu í sveitarfélaginu og að fundurinn fari fram 28. janúar kl. 20.00 í Hjálmakletti. Í kjölfarið verður fyrirkomulag sorphirðu kynnt víðar í sveitarfélaginu.

Framlagt yfirlit slökkviliðsstjóra um verkefni slökkviliðs Borgarbyggðar á árinu 2019.
Byggðarráð þakkar fyrir yfirlitið.

Byggðarráð samþykkir að úthluta lóðinni Fjólukletti 12 til Gests A. Grjetarssonar.

Byggðarráð samþykkir að veita Búsetuþjónustunni styrk vegna náms og kynnisferðar starfsfólks haustið 2020 í samræmi við reglur Borgarbyggðar.

Framlagt bréf Umhverfisstofnunar vegna viðbótar við fyrri umsögn um skotæfingarsvæði í landi Hamars.
Byggðarráð ræðir framkomna umsögn frá Umhverfisstofnun og frestar frekari umræðu til næsta fundar.

Framlagt bréf Ljómalindar v. Upplýsingamiðstöð Vesturlands
Byggðarráð ræðir framtíðarskipan upplýsingamála í sveitarfélaginu.
Byggðarráð þakkar þann áhuga sem hefur verið sýnt á rekstri upplýsingamiðstöðvar. Afstaða verður tekin til erindisins þegar ákvörðun um skipan upplýsingamála í sveitarfélaginu hefur verið tekin á næsta fundi sveitarstjórnar þann 13. febrúar.

Framlagt bréf til JS lögfræðistofu vegna starfsloka fv. sveitarstjóra.
Byggðarráð samþykkir framkomin drög að bréfi og felur Oddi Ástráðssyni lögmanni að vinna málið áfram.

Framlögð umsókn eigenda Hafþórsstaða og Sigmundarstaða um framkvæmdaleyfi fyrir uppsetningu masturs vegna vindorkurannsókna.
Byggðarráð samþykkir að veita umbeðið framkvæmdaleyfi og leggur þá ákvörðun fyrir sveitarstjórn til staðfestingar.

Byggðarráð tekur vel í að skrifstofa Borgarbyggðar sjái um umsýslu stjórnar fjallskilaumdæmis Akraneskaupstaðar, Borgarbyggðar, Hvalfjarðarsveitar og Skorradalshrepps og óskar eftir fundi með fulltrúum stjórnar þar sem farið verði betur yfir fjármál nefndarinnar.