Byggðarráð Borgarbyggðar

Byggðarráð ræðir niðurstöður Gallup könnunar og lýsir yfir ánægju með það að heilt yfir eru niðurstöður Borgarbyggðar að hækka milli ára. Einnig er það jákvætt að það dregur töluvert úr óánægju með skipulagsmál og ánægja með gæði umhverfis eykst.
Skýrslunni er vísað til frekari umræðu í fastanefndum og sveitarstjóra falið að kynna niðurstöður fyrir stjórnendum stofnana sveitarfélagsins.

Bragi Þór Svavarsson skólameistari Menntaskóla Borgarfjarðar mætti á fund byggðarráðs. Rætt um starfsemi skólans og samstarf skólanna í sveitarfélaginu.
Byggðarráð þakkar skólameistara fyrir komuna og óskar honum og skólanum velfarnaðar á komandi tímum.

Byggðarráð samþykkir framlagðan lánsssamning og leggur þá ákvörðun fyrir sveitarstjórn. Sveitarstjóra er falið að undirrita lánssamninginn.

Framlagður samningur við HSS-Verktak um söfnun dýraleifa. Sveitarstjóri fer yfir efni samningsins og hann ræddur.
Byggðarráð samþykkir framlagðan samning og leggur þá ákvörðun fyrir sveitarstjórn.

Til fundar mættu Benedikt Gíslason, Sigurgeir Sindri Sigurgeirsson og Iða Brá Benediktsdóttir frá Arion banka hf. Kynntu þau áherslur bankans hvað varðar þjónustu hans og vöruframboð. Ennfremur fóru nefndarmenn yfir starfsemi sveitarfélagsins. Byggðarráð þakkar heimsóknina.

Framlagt erindi frá Lögreglustjóra Vesturlands vegna uppsetninga öryggismyndavéla við þéttbýlisstaði Borgarbyggðar. Rætt hefur verið á samstarfsvettvangi lögreglu og sveitarfélaga að setja upp eftirlitsmyndavélar. Hafa sveitarfélög á Vesturlandi tekið jákvætt í erindið og nú er komið að því að ýta verkefninu á stað og útbúa samning á milli sveitarfélaga, Neyðarlínu og lögreglu.
Byggðarráð tekur jákvætt í erindið og ákveður tilnefna sveitarstjóra sem sinn tengilið inn í verkefnið.

Framlagt bréf Húsnæðis- og mannvirkjastofnunar varðandi þörf á því að uppfæra húsnæðisstefnu Borgarbyggðar.
Nauðsynlegt er að hefja vinnu við uppfærslu húsnæðisáætlunar. Byggðarráð samþykkir að vísa áætlunni til umfjöllunar í skipulags - og byggingarnefnd og óskar eftir innleggi nefndarinnar um þá þætti sem ábendingar lúta að.

Lögð fram tillaga að reglum um greiðslur framlaga til stjórnmálaflokka. Sviðsstjóri stjórnsýslu- og fjármálasviðs fer yfir reglurnar og efni þeirra.
Byggðarráð samþykkir reglur um framlög Borgarbyggðar til stjórnmálaflokka og leggur þá ákvörðun fyrir sveitarstjórn til samþykktar.

Staða málsins rædd.
Byggðarráð hefur áhuga á því að kynna sér betur aðstæður og umhverfi þar sem fyrirhugað er að koma upp skotæfingasvæði í Einkunnum. Formanni byggðarráðs falið að vinna málið áfram.

Framlagður úrskurður Úrskurðarnefndar um umhverfis - og auðlindamál um niðurfellingu byggingarleyfis fyrir Egilsgötu 6 í Borgarnesi.
Sveitarstjóra falið að vinna málið áfram.

Framlögð verðmöt á Félagsheimilinu Valfelli.
Byggðarráð samþykkir að haldið verði áfram með söluferli á félagsheimilinu Valfelli og er Inga Tryggvasyni lögmanni falið að vinna málið áfram.

Framlögð tilkynning Samgöngu - og sveitarstjórnarráðuneytis vegna stjórnsýslukvörtunar.
Sveitarstjóra falið að vinna málið áfram.

Fulltrúar stjórnar fjallskilaumdæmis Akraneskaupsstaðar, Borgarbyggðar, Hvalfjarðarsveitar og Skorradalshrepps, Finnbogi Leifsson og Ólafur Jóhannesson kemur til fundar sbr. bókun á 512. fundi byggðarráðs. Rætt um innheimtu og greiðslur vegna fjallskilaumdæmisins. Byggðarráð tekur jákvætt í það að vera með fjárhagslega umsjón fyrir fjallskilaumdæmið og felur sviðsstjóra stjórnsýslu - og fjármálasviðs að undirbúa það.