Byggðarráð Borgarbyggðar

Framlagður tölvupóstur frá Sambandi ísl. sveitarfélaga varðandi stöðu í kjarasamningsmálum.

Byggðaráð lýsir yfir áhyggjum af stöðu mála og því hversu mörg félög hafa nú boðað til verkfallsaðgerða. Mikilvægt er að fylgst sé vel með stöðu mála hverju sinni og upplýsingar veittar til þeirra sem verkfallið snertir ef til þess kemur.

Framlagðar leiðbeiningar Sambands íslenskra sveitarfélaga varðandi yfirvofandi verkfall aðildarfélaga BSRB.

Ef af verkfalli verður innan BSRB þýðir það miklar truflanir og skerðingar inni á mörgum stofnunum sveitarfélagsins. Sveitarfélagið mun setja upplýsingar inn á heimasíðu sveitarfélagsins varðandi þær skerðingar sem verða á starfsemi sveitarfélagsins.

Framlagt fundarboð á XXXV. landsþing Sambands íslenskra sveitarfélaga
Kjörnir fulltrúar Borgarbyggðar eru: Guðveig Lind Eyglóardóttir, Halldóra Lóa Þorvaldsdóttir og Lilja Björg Ágústsdóttir. Einnig mun Þórdís Sif Sigurðardóttir mæta á þingið sem sveitastjóri Borgarbyggðar.

Framlögð tilkynning Samtaka sveitarfélaga á Vesturlandi um ráðstefnu um sameiningar sveitarfélaga sem haldin verður á Laxárbakka 12. mars n.k.
Byggðaráð hvetur kjörna fulltrúa til að mæta á ráðstefnuna.

Framlagt kynningarefni frá Sambandi íslenskra sveitarfélaga um fyrirhugaða námsferð til Bergen í haust.
Stefnt er á að senda tvo fulltrúa í þessa námsferð.

Framlagt minnisblað frá framkvæmdastjóra Brákarhlíðar - hjúkrunarheimilis vegna biðlista.

Ljóst er að biðlistar í Borgarbyggð fyrir hjúkrunarrýmum er lengri en almennt getur talist gott. Byggðaráð leggur áherslu á að horft verði til hvers upptökusvæðis fyrir sig og biðlista þess svæðis miðað við íbúafjölda. Það er gott til þess að vita að víða um Vesturland er ekki löng bið eftir hjúkrunar- og dvalarýmum en því miður er því ekki fyrir að fara í Borgarbyggð og á Akranesi.

Rætt um skýrslu Capacent um þjónustuferli.

Fulltrúar meirihlutans í byggðarráði telja að skýrsla sem unnin var í tengslum við ferlagreiningu Capacent við lok árs 2019 sé á þessu stigi vinnugagn þar sem vinnu við ferlagreiningu og úrbótaáætlun er ekki lokið. Skýrslan verður birt ásamt öðrum fylgigögnum þegar vinnunni er lokið og úrbótáætlun liggur fyrir.

Lögð fram niðurstaða útboðs á raforku sem Ríkiskaup sá um og Borgarbyggð var þátttakandi í.

Borgarbyggð hefur borist tillaga að vali bjóðanda í örútboði nr. 21075 RS raforka sveitarfélög.
Borgarbyggð hefur ákveðið að fara að tillögu Ríkiskaupa og mun tilkynning um val tilboðs verða send bjóðendum í útboðskerfinu. Tilkynnt verður um töku tilboðs þegar biðtíma er lokið, ef engin kæra berst til kærunefndar útboðsmála. Við töku tilboða er komið á samningssambandi milli kaupenda og seljenda.

Margrét Vagnsdóttir og Davíð Sigurðsson eru skipuð fulltrúar Borgarbyggðar í nefndina og þeirri ákvörðun vísað til sveitastjórnar.

Lögð fram afgreiðsla fræðslunefndar á beiðni Hjallastefnunnar um gerð viðauka við samning um rekstur leikskólans Hraunborgar
Ekki hefur verið gert ráð fyrir breytingum á barngildum í leikskólanum Hraunborg fyrir yfirstandandi fjárhagsár. Byggðaráð hafnar því að breyta samningnum vegna ársins 2020 en vísar erindinu til fjárhagsáætlunar ársins 2021.

Umræða um stofnun starfshóps um Gámasvæði.
Byggðaráð tilnefnir Ragnar Frank Kristjánsson og Hrafnhildi Tryggvadóttur sem fulltrúa Borgarbyggðar inn í vinnuhópinn og vísar þeirri ákvörðun til sveitastjórnar. Einnig er óskað eftir tilnefningu tveggja fulltrúa frá Íslenska Gámafélaginu.

Lögð fram beiðni Nökkva Páls Jonssonar um framkvæmdaleyfi vegna slóða í landi Hítarneskots.
Byggðaráð samþykkir að beiðnina og felur skipulagsfulltrúa að veita framkvæmdaleyfi fyrir verkinu.

Byggðaráð tekur jákvætt í erindið en kallar eftir því að Safnahúsið setji fram áætlun um hvernig laugardagsopnun yrði nýtt og þeim tækifærum sem myndast við slíkar breytingar, meðal annars hver er markhópurinn og hvernig myndi þetta stuðla að fjölbreyttari hópi inn á Safnahúsið og hvað yrði boðið upp á við slíkar opnanir.
Endanlegri afgreiðslu frestað.

Tilnefningu fulltrúa í stjórn er vísað til sveitarstjórnar.

Lögð fram beiðni um fjármagn vegna utanumhalds, vinnu og viðhalds vegna landsmóts UMFÍ 50 . Byggðarráð samþykkir framkomna áætlun og vísar til gerðar viðauka við fjárhagsáætlun 2020 og staðfestingar sveitarstjórnar.

Byggðarráð samþykkir að gengið verði að tilboði VÍS á grundvelli tilboðs þeirra og leggur þá ákvörðun fyrir sveitarstjórn til staðfestingar.

Eiríkur Ólafsson sviðsstjóri gegnir starfi sveitarstjóra þar til Þórdís Sif Sigurðardóttir kemur til starfa þann 26. mars 2020.

Framlagður samningur milli Borgarbyggðar, Unicef og Félagsmálaráðuneytisins um verkefnið "Barnvænt samfélag". Byggðarráð samþykkir samninginn og vísar þeirri ákvörðun til staðfestingar sveitarstjórnar.