Byggðarráð Borgarbyggðar

Eiríkur Ólafsson sviðsstjóri fjármála - og stjórnsýslusviðs kynnti samanburð rekstrar fyrstu fjóra mánuði ársins 2020 við fjárhagsáætlun ársins. Í heildina er reksturinn undir áætlun sem nemur 94 millj. kr.

Benedikt Magnússon byggingarstjóri Grunnskólans í Borgarnesi fer yfir stöðu framkvæmdarinnar í gegn um fjarfundabúnað.Byggingarkostnaður stefnir í að fara fram úr áætlun og er byggingarstjóra falið að taka saman nánari greiningu á ákveðnum liðum.

Lögð fram umsókn Ragnheiðar Guðnadóttur um stofnun tveggja lóða úr landi Arnbjarga lnr. 205886
Byggðarráð samþykkir að lóðirnar Sjávarfoss og Holtið verði stofnaðar í samræmi við fyrirliggjandi umsókn. Fyrir liggur jákvæð umsögn umhverfis ? og skipulagssviðs.

Lögð fram umsókn Magnúsar Tómassonar um stofnun lóðar úr landi Akra 3 lnr. 135987
Byggðarráð samþykkir að eignin Akraós verði stofnuð í samræmi við fyrirliggjandi umsókn. Fyrir liggur jákvæð umsögn umhverfis- og skipulagssviðs.

Lögð fram til kynningar uppfærð gögn frá Vinnumálastofnun með upplýsingum um minnkandi starfshlutfall og atvinnuleysi.

Lagt fram uppfært fundarboð á aðalfund Lánasjóðs sveitarfélaga sem haldinn verður þann 12.6.2020.
Samþykkt að sviðsstjóri fjármála- og stjórnsýslusviðs verði fulltrúi Borgarbyggðar á fundinum.

Lagt fram fundarboð á ársfund Brákarhlíðar sem haldinn verður þann 4. júní 2020. Ennfremur er framlögð skipulagsskrá.
Allir sveitarstjórnarfulltrúar eru velkomnir á fundinn.

Lagt fram til kynningar minnisblað vegna innleiðingar verkefnisins Barnvænt samfélag ásamt erindisbréfi fyrir stýrihóp.
Samþykkt að fresta til næsta fundar að tilnefna fulltrúa í stýrihóp.

Lagt fram fundarboð á aðalfund Menntaskóla Borgarfjarðar sem fram fer 3. júní n.k. ásamt samþykktum félagsins og ársreikningi fyrir árið 2019.

Lögð fram umsókn Hafþórsstaða ehf um framkvæmdaleyfi fyrir framkvæmdum við Snaga í Norðurárdal, ásamt fylgigögnum.
Fyrir liggur jákvæð umsögn umhverfis- og skipulagssviðs Borgarbyggðar. Byggðarráð samþykkir að fela skipulagsfulltrúa að gefa út umrætt framkvæmdaleyfi í samræmi við umsókn og vísar þeirri ákvörðun til sveitarstjórnar til staðfestingar.

Lögð fram tillaga að tengigjöldum fyrir Vatnsveitu á Varmalandi.
Sviðsstjóri umhverfis- og framkvæmdasviðs mætti til fundarins og gerði grein fyrir tillögum að tengigjöldum fyrir Vatnsveitu á Varmalandi.
Byggðarráð samþykkti að fela sveitarstjóra að hefja viðræður við Veitur um fyrirkomulag vatnsveitu á Varmalandi.

Lagt fram bréf björgunarsveitanna í Borgarbyggð þar sem lagðar eru til aðgerðir til að bæta fjarskipti á afréttum í Borgarbyggð.
Byggðarráð þakkar erindið og felur sveitarstjóra að vinna með tillögur að úrbótum á fjarskiptum á afréttum í Borgarbyggð í tengslum við ljósleiðaravæðingu sveitarfélagsins.

Lögð fram beiðni umhverfis - og skipulagssviðs um framkvæmdaleyfi fyrir göngustíg frá Dílatanga að Borg.
Byggðarráð samþykkir að gefið verði út umbeðið framkvæmdaleyfi og leggur þá ákvörðun fyrir sveitarstjórn til staðfestingar.

Lagt fram fundarboð Sorpurðunar Vesturlands hf. á aðalfund félagsins sem haldinn verður miðvikudaginn 15. júní 2020 kl. 13:00 á Hótel Hamri í Borgarbyggð.
Samþykkt var að tilnefna Halldóru Lóa Þorvaldsdóttur og Finnbogi Leifsson í stjórn Sorpurðunar Vesturlands hf. f.h. Borgarbyggðar.

Lagt fram bréf Katrínar Huld Bjarnadóttur um kynningu á fyrirtækjum í "gamla bænum".
Byggðarráð tekur jákvætt í erindið og leggur til við atvinnu-, markaðs- og menningarmálanefnd að taka afstöðu til beiðninnar og hugi að heildaryfirsýn varðandi skiltamál í sveitarfélaginu.

Rætt um styrk til Neista, félags slökkviliðsmanna í Borgarbyggð.
Byggðarráð samþykkti að styrkja félagið um kr. 100.000 með kaupum á þrifum á bílastæðum í eigu sveitarfélagsins. Sveitarstjóra falið að setja sig í samband við félagið.

Lagðar fram fundargerðir þriggja stjórnarfunda Sorpurðunar Vesturlands dags. 26.2., 17.4. og 25.5.2020

Lögð fram fundargerð 884. fundar stjórnar Sambands íslenskra sveitarfélaga.

Lagðar fram fundargerðir stjórnar Orkuveitu Reykjavíkur nr. 285 til og með 290.

Lögð fram tilkynning um kjarasamninga sex félaga innan BHM og kynning þeirra.
Byggðarráð óskar eftir upplýsingum um hvort þessar breytingar rúmist innan fjárhagsáætlunar.