Byggðarráð Borgarbyggðar

Eiríkur Ólafsson sviðsstjóri fjármálasviðs fór yfir stöðuna varðandi vinnuna við fjárhagsáætlun. Vinnufundur sveitarstjórnar er 7. okt. n.k.

Framlögð gögn vegna lántöku hjá Lánasjóði sveitarfélaga í samræmi við áður samþykktan viðauka við fjárhagsáætlun. Endanlegri afgreiðslu vísað til sveitarstjórnar.

Guðveig leggur fram svohljóðandi bókun: "Fyrir liggur 150 mkr lántaka til að bregðast við rekstrarhalla næstu vikurnar. Fulltrúi Framsóknarflokksins leggst ekki gegn lántökunni en telur grundvallaratriði að upplýsingar og áætlanir liggi fyrir frá meirihluta með hvaða hætti eigi að bregðast við rekstarhalla til lengri tíma. Lántaka er skammgóður vermir til að bregðast við rekstrarvanda."

Lilja Björg leggur fram svohljóðandi bókun: "Fulltrúar meirihlutans ítreka að lántakan er hluti af viðauka sem þegar hefur verið samþykktur í sveitarstjórn. Umrædd lántaka er til að fjármagna framkvæmdir sem áætlað var að fjármagna með tekjum en vegna tekjufalls í kjölfari Covid 19 efnahagsáhrifa er nauðsynlegt að taka lán til að kára fjármagna framkvæmdirnar. Ekki er um að ræða lántöku til að rétta af hallarekstur."

Framlögð skýrsla Miracle ehf um upplýsinga - og tölvumál sveitarfélagsins. Sveitarstjóri kynnti efni skýrslunnar og helstu niðurstöður. Sveitarstjóri mun halda áfram að vinna að þessum málum.

Ester Alda Hrafnhildar- og Bragadóttir háskólanemi í Hollandi og Portúgal og sumarstarfsmaður Borgarbyggðar kynnti verkefni sem hún vann að í sumar um sjálfbærni sveitarfélaga og tengingu við heimsmarkmið Sameinuðu þjóðanna. Byggðarráð þakkar Ester Öldu fyrir afar áhugaverða og gagnlega kynningu. Byggðarráð telur að verkefnið muni nýtast í framtíðarstefnumótun sveitarfélagsins.

Sveitarstjóri fór yfir erindi Neyðarlínunnar varðandi aðgangsmál að ljósleiðarakerfi Borgarbyggðar. Sveitarstjóra falið að vinna áfram að úrvinnslu erindisins og leggja fyrir næsta fund byggðarráðs.

Sveitarstjóra falið að tilnefna tengilið við starfshópinn í samræmi við erindið.

Sveitarstjóra falið að senda andmæli gegn fyrirhugaðri niðurfellingu vegarins þar sem atvinnurekstur er til staðar í Hítarneskoti með gilt rekstrarleyfi og fellur því undir skilgreiningu á héraðsvegum.

Lögð fram til kynningar.

Lagðir fram til kynningar.

Sveitarstjóri kynnti rammasamninga Ríkiskaupa og þær reglur sem um þá gilda og skyldur sveitarfélagsins. Byggðarráð felur sveitarstjóra að skipuleggja kynningarfund um rammasamninga fyrir sveitarstjórn, embættismenn og hagsmunaaðila.