Byggðarráð Borgarbyggðar

Rætt um stöðu vinnu við fjárhagsáætlun Borgarbyggðar vegna ársins 2021. Eiríkur Ólafsson, sviðsstjóri fjármálasviðs fór yfir mögulegar sviðsmyndir vegna fjárhagsáætlunar. Sveitarstjóri fór yfir viðhaldsáætlun og áætlun vegna endurnýjunar og viðhalds á götum og gangstéttum. Áætlað er að halda vinnufund sveitarstjórnar vegna fjárhagsáætlunarvinnu í komandi viku.

Fjallað um kostnað vegna skólaaksturs í sveitarfélaginu. Eiríkur Ólafsson, sviðsstjóri fjármálasviðs og Hlöðver Gunnarsson, sviðsstjóri fjölskyldusviðs, mættu til fundar byggðarráðs og fóru yfir skýringar á auknum kostnaði við tilteknar leiðir í skólaakstri. Rætt var um tilhögun akstursleiða til framtíðar vegna skólaaksturs, möguleika til hagræðingar og þann möguleika að taka upp samninga vegna akstursleiða ef forsendur útboðs breytast mikið vegna breytinga á akstursleiðum.

Byggðarráð felur sviðsstjóra fjölskyldusviðs að endurskoða þær reglur sem gilda um skólaakstur, skilgreind yrðu upptökusvæði skólanna og það yrði framkvæmt áður en skólaakstur yrði boðinn út að nýju.

Sviðsstjóri fjölskyldusviðs fór yfir stöðu á mönnun vegna vinnslu barnaverndarmála hjá sveitarfélaginu. Lýsti hann því að greiningarvinna standi yfir á sviðinu. Lagði hann til að slíkri skýrslu yrði skilað fyrir 1. febrúar 2021.

Byggðarráð tekur undir hugmyndir sviðsstjóra og telur rétt að ljúka þeirri vinnu áður en ákveðið verði að fjölga stöðugildum og þá hvaða fagþekkingar er þörf innan sviðsins.

Á fundinum var rætt um samning Borgarbyggðar við Hvalfjarðarsveit um aðild Hvalfjarðarsveitar að barnaverndarnefnd sveitarfélagsins. Byggðarráð leggur til að sviðsstjóri fjölskyldusviðs sendi samninginn til yfirlestrar hjá Sambandi íslenskra sveitarfélaga og fái nánari rýni á samninginn. Leggur byggðarráð til að afgreiðslu málsins verði frestað fram á næsta fund byggðarráðs.

Fjallað var um niðurstöður Trivium vegna hljóðmælinga við Ölduhrygg. Byggðarráð telur að kanna þurfi hvort breyta þurfi deiliskipulagi áður en leyfi yrði veitt vegna starfrækslu skotsvæðis. Leggur Byggðarráð til að málið verði aftur sett á dagskrá byggðarráðs þegar þær upplýsingar liggja fyrir.

Byggðarráð samþykkir að taka þátt í verkefni um stafrænt ráð sveitarfélaga. Sveitarstjóra er falið að gera ráð fyrir kostnaði vegna verkefnisins í fjárhagsáætlun og vísa ákvörðuninni til sveitarstjórnar.

Byggðarráð fjallaði um erindi leikskólans Uglukletts. Lagt var til að erindinu yrði vísað til vinnuhópa um styttingu vinnuvikunnar.

Umsókn um lóðina Fjóluklett 6, Borgarnesi, er samþykkt.

Umsókn um lóðina Fjóluklett 9 og 11, Borgarnesi, er samþykkt.

Byggðarráð staðfestir að ekki er fyrirhugaða að fara í vatnsveituframkvæmdir á umræddu svæði og felur sveitarstjóra að svara erindinu.

Byggðarráð staðfestir að ekki er fyrirhugaða að fara í vatnsveituframkvæmdir á umræddu svæði og felur sveitarstjóra að svara erindinu.

Framlögð ársskýrsla Jöfnunarsjóðs sveitarfélaga.

Framlögð ársskýrsla Persónuverndar vegna ársins 2019.

Rætt var um frumvarpið og felur Byggðarráð sveitarstjóra að kynna sér efni frumvarpsins og meta hvort senda þurfi umsögn vegna frumvarpsins.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.