Byggðarráð Borgarbyggðar

Kristján Finnur Kristjánsson, starfsmaður eignasjóðs, mætir til fundarins. Hann gerir grein fyrir þeim umbótum og mótvægisaðgerðum sem hafa verið framkvæmdar á þeim hluta grunnskólans á Kleppjárnsreykjum sem raki og mygla fannst í fyrir jól.

Á 548. fundi Byggðarráðs var samþykkt að fara í mótvægisaðgerðirnar og sveitarstjóra falið að gera viðauka við fjárhagsáætlun vegna aðgerðanna, gerðist þess þörf. Mat sveitarstjóra er að aðgerðirnar sem framkvæmdar hafa verið rúmist innan fjárhagsáætlunar og ekki sé þörf á gerð viðauka vegna málsins.

Rætt er um möguleika til þess að fá verktaka eða söluaðila til þess að leigja sveitarfélaginu færanlegar kennslustofur að minnsta kosti til tveggja ára. Leggur byggðarráð til við sveitarstjóra að undirbúa verðfyrirspurn og óskar eftir því að málið verði lagt fyrir byggðarráð að nýju þegar þeirri vinnu er lokið.

Í fjárhagsáætlun Borgarbyggðar fyrir árið 2021 er gert ráð fyrir að sveitarfélagið og undirstofnanir þess taki allt að 400 milljóna króna lán á árinu. Byggðaráð samþykkir að sótt sé um lán, að þessu sinni, upp á 200 milljónir króna. Byggðaráð felur sveitarstjóra að leggja lánsskilmálana fyrir sveitarstjórn til samþykktar, þegar lánsumsókn hefur verið samþykkt.

GLE situr hjá við afgreiðslu málsins.

KPMG gerir 5 athugasemdir eða ábendingar tengdar innra eftirliti og fjárhagskerfi Borgarbyggðar. Byggðarráð felur sveitarstjóra að gera úrbætur í samræmi við skýrslu KPMG en fyrir liggur að úrbætur eru þegar hafnar með nýju skipuriti og vinnu við gerð gæðahandbókar.

Byggðarráð felur sveitarstjóra að leita frekari upplýsinga um efni skýrslunnar og er umræðu um málið frestað til næsta fundar byggðarráðs.

Byggðaráð felur sveitarstjóra að ganga til samninga við innheimtufyrirtæki um alla innheimtu sveitarfélagsins. Undirritaður samningur verður lagður fyrir byggðarráð þegar hann liggur fyrir.

Byggðaráð felur sveitarstjóra að undirbúa endurbætur á ráðhúsinu í samræmi við tillögu starfsmanns ráðhússins að fjárhæð kr. 1.500.000 og gera viðauka við fjárhagsáætlun rúmist endurbæturnar ekki innan áætlunarinnar.

Með erindi sýslumannsins á Vesturlandi, dags. 6. nóvember 2020, var óskað eftir umsögn sveitarstjórnar vegna umsóknar Kría Services sf. til reksturs gististaðar í flokki II minna gistiheimili sem rekið er sem Kría Guesthouse að Kveldúlfsgötu 27. Ákveðið hefur verið að senda heildarumsögn sveitarfélagsins í samræmi við lög nr. 85/2007, um veitingastaði, gististaði og skemmtanahald. 1. janúar 2017 tóku gildi lög um breytingu á lögunum, þar sem verulegar breytingar voru gerðar á ákvæðum er varða heimagistingu og gististaði í flokkum I-IV, enn fremur var sett ný reglugerð um veitingastaði, gististaði og skemmtanahald nr. 1277/2016 sem útfærir nánar þær kröfur sem gerðar eru í lögunum.

Fyrir liggur að húsnæði Kría Services sf. uppfyllir ekki þær kröfur sem koma fram í ákvæði 4. mgr. 2. gr. reglugerðarinnar um að allir gististaðir utan heimagistingar og orlofshúsa félagasamtaka skuli vera í samþykktu atvinnuhúsnæði til þeirra nota sem fyrirhuguð eru, en fasteignin er skráð sem íbúðarhúsnæði.

Enn fremur liggur fyrir að húsnæðið er á svæði sem flokkað er sem íbúðarsvæði í Aðalskipulagi Borgarbyggðar. Samkvæmt skilgreiningunni er takmarkað hvaða atvinnustarfsemi er heimil á íbúðarsvæði.

Umsækjanda hefur verið veittur andmælaréttur við fyrirhugaða umsögn sveitarfélagsins.

Sveitarstjóri óskar eftir aðkomu byggðaráðs við ákvörðun um umsögn Borgarbyggðar á umsókn um endurnýjun rekstrarleyfis til fullnaðarafgreiðslu í samræmi við 2. mgr. 52. gr. samþykkta um stjórn Borgarbyggðar.

Byggðarráð staðfestir að með vísan til alls framangreinds beri sveitarfélaginu að veita neikvæða umsögn við umsókn Kría Services sf., dags. 6. nóvember 2020, um rekstrarleyfi fyrir gististaði í flokki II að Kveldúlfsgötu 27.

Byggðarráð samþykkir framlagða umsókn um lóðina að Rjúpuflöt 1-3, Hvanneyri.

Byggðarráð samþykkir framlagða umsókn um lóðina að Rjúpuflöt 2-4, Hvanneyri.

Byggðarráð samþykkir framlagða umsókn um lóðina að Rjúpuflöt 5-7, Hvanneyri.

Byggðarráð samþykkir framlagða umsókn um lóðina að Rjúpuflöt 6-8, Hvanneyri.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.