Byggðarráð Borgarbyggðar

Framlögð þjónustustefna er unnin út frá gildum sveitarfélagsins í starfsmannamálum: Virðing, áreiðanleiki og metnaður. Leitað var til starfsfólks Borgarbyggðar um áherslur í stefnunni, sem var síðan sett saman af gæða- og mannauðsstjóra. Stefnan var síðan send til rýningar hjá framkvæmdaráði, forstöðumönnum og starfsfólki. Markmið stefnunnar er m.a. að þjónusta og viðmót starfsfólks endurspegli gildi í starfsmannamálum, auka traust íbúa á starfsemi sveitarfélagsins og efla jákvæða ímynd Borgarbyggðar.

Byggðarráð leggur til við sveitarstjórn að samþykkja þjónustustefnuna og fela sveitarstjóra að innleiða hana i starfsemi sveitarfélagsins.

Byggðarráð felur sveitarstjóra að koma á framfæri við ráðuneytið leiðréttingum um fjölda fulltrúa byggingarnefndum og viðbótarupplýsingum varðandi verkstöðu miðað við áramótin 2020-2021.

Byggðarráð felur sveitarstjóra að koma á fundi byggðarráðs með leigutökum Brákarbrautar 25-27 til þess að kynna nánar efni skýrslunnar með fulltrúum frá skýrsluhöfundum. Stefnt sé að fundi þann 21. apríl nk.

Lagt fram til kynningar.

Byggðarráð felur sveitarstjóra að fá ástandsskoðun á fasteigninni að Digranesgötu 2 í samræmi við tilboðið og í kjölfar þess verði hönnun lokið í samstarfi við starfsfólk og kjörna fulltrúa. Enn fremur er sveitarstjóra falið að gera áætlun um framkvæmdir, kostnað og flutninga ráðhúss í hið nýja húsnæði.

Byggðarráð samþykkir leigusamninginn að Bjarnabraut 8 og vísar honum til staðfestingar í sveitarstjórn.

Byggðarráð samþykkir að fara í þær mótvægisaðgerðir sem lagðar eru til í húsnæði sveitarfélagsins að Borgarbraut 14, að sem kosta 1 milljón króna og vísa því til staðfestingar sveitarstjórnar.

Byggðarráð felur sveitarstjóra að gera drög að viðauka við fjárfestingar og fjárhagsáætlun ársins vegna húsnæðismála ráðhússins sem lagður verður fyrir byggðarráð áður en hann er staðfestur í sveitarstjórn.

Þær mótvægisaðgerðir sem þegar hafa farið fram hafa kostað kr. 2.323.484,- og hafa verið teknar af viðhaldsfé eignasjóðs, en ekki hafði verið áætlað svo mikið fjármagn í viðhald Grunnskóla Borgarfjarðar, Kleppjárnsreykjadeild.

Byggðarráð óskar eftir því að fá mat starfsmanna sveitarfélagsins á því hvaða viðhald sé nauðsynlegt að leggja í fyrir næsta skólaár svo mögulegt verði að nýta þennan hluta skólahúsnæðisins undir starfsfólk og nemendur.

Byggðarráð felur sveitarstjóra að gera viðauka við fjárhagsáætlun vegna framkvæmdanna og leggja fram á næsta byggðarráðsfundi.

Byggðarráð fagnar því að skýrsla starfshóps sé tilbúin og þakkar Silju og Hlöðver fyrir kynninguna. Byggðarráð óskar eftir fundi þar sem Verkís kynnir skýrsluna ítarlega fyrir sveitarstjórnarfólki og starfsfólki í stjórnsýslu Borgarbyggðar.

Byggðarráð felur sveitarstjóra að láta gera verðkönnun á kostnaði við ný biðskýli með bættri lýsingu og möguleika á myndavélaeftirliti. Í kjölfar þess verði málið lagt að nýju fyrir byggðarráð.

Jafnframt verði málinu vísað til ungmennaráðs til umsagnar.

Byggðarráð felur sveitarstjóra að leitast eftir því við Vegagerðina að verða við beiðni um vindmælingar við Kvígsstaði og Grjóteyrarhæðinni. Um er að ræða fjölfarinn veg með miklum og hættulegum hviðum.

Byggðarráð telur jákvætt að varðveislusetrið verði í Borgarbyggð. Ítrekar byggðarráð að sveitarfélagið sé tilbúið til þess að koma að verkefninum, til dæmis með því að leggja til lóð undir slíkt varðveislusetur.

Byggðarráð felur sveitarstjóra að óska eftir fundi með mennta- og menningarmálaráðherra um varðveislusetur í sveitarfélaginu.

Byggðarráð samþykkir þátttöku í átaki um tímabundin sumarstörf fyrir námsmenn. Byggðarráð felur sveitarstjóra að auglýsa tímabundin sumarstöf fyrir námsmenn 18 ára og eldri í samræmi við átakið og sumarstörf fyrir 17 ára ungmenni. Enn fremur er sveitarstjóra falið að kanna kostnað sveitarfélagsins á starfsmann, gera tillögu að fjölda sumarstarfsmanna og drög að viðauka við fjárhagsáætlun sem lagður verði fram á fundi byggðarráðs.

Byggðarráð samþykkir þátttöku í átakinu Hefjum störf. Byggðarráð felur sveitarstjóra að finna störf sem henta í átakið og áætla kostnað sveitarfélagsins af þátttöku í átakinu.

Samkvæmt 2. mgr. 17. gr. reglugerðar um skráningu staðfanga nr. 577/2017, ber sveitarfélag einungis ábyrgð á merkingu hverfa og götuheita en fasteignareigandi ber ábyrgð á merkingu bæjar- og staðarheita. Enn fremur er vísað til samþykktar um skilti í Borgarbyggð, frá 17. apríl 2008 um umsóknir um skilti o.fl. Með tilliti til framangreinds er ekki forsenda fyrir þátttöku sveitarfélagsins í kostnaði við uppsetningu vegvísa við aðrar fasteignir í dreifbýli en nýjum lögbýlum.

Erindinu er því hafnað.

Byggðaráð samþykkir að leigja Ferðafélagi Borgarfjarðarhéraðs gangnamannaskála á Vatnaleið; Torfhvalastaði og Hítarhólma og felur sveitarstjóra að ganga til samninga við ferðafélagið um útleigu á gangnamannaskálum þar sem kveðið yrði skýrt á um réttindi og skyldur beggja aðila vegna gangnamannaskálanna.

Byggðarráð samþykkir að ráða Sigurgarða í verkefnið hellulögn við Borgarbraut 44-55. Byggðarráð felur sveitarstjóra að ganga frá verksamningi við Sigurgarða um verkið. Áætlað er fyrir verkinu í fjárfestingaráætlun Borgarbyggðar.

Byggðarráð þakkar erindið og tekur jákvætt í að fyrirhuguð byggð verði íbúðarbyggð í aðalskipulagi Borgarbyggðar. Fagnar byggðarráð þeirri uppbyggingu sem fyrirhuguð er á svæðinu.

Byggðarráð vísar málinu til skipulags- og byggingarnefnd til frekari umræðu og meðferðar.

Byggðarráð samþykkir að úthluta lóðinni að Fjólukletti 9-11 til umsækjanda, Fjólukletts ehf.

Byggðarráð Borgarbyggðar felur sveitarstjóra að framlengja samning um sameiginleg afnot af lóðinni Borgarbraut 56 við Borgarland ehf., með þeim fyrirvara að Borgarland ehf. leggi áður inn umsókn um breytingu á deiliskipulagi og stækkun lóðarinnar að Borgarbraut 58-60 svo það nái að fullu utan um viðbyggingu Borgarbrautar 58-60.

Byggðarráð veitir Þórdísi Sif Sigurðardóttur, sveitarstjóra, umboð til að mæta til fundarins f.h. Borgarbyggðar og fara með atkvæði sveitarfélagsins á fundinum.

Lagt fram til kynningar.

Lagt fram til kynningar. Sveitarstjórnarfulltrúar eru hvattir til þátttöku á fundinum.