Byggðarráð Borgarbyggðar

Byggðarráð samþykkir að veita sveitarstjóra umboð til þess að ganga til samninga við Sigfríði Björnsdóttur til þess að gegna starfi skólastjóra Tónlistarskóla Borgarfjarðar.

Byggðarráð samþykkir tillögu um að auka stöðugildi hjá félagsþjónustu sveitarfélagsins í fötlunarmálum úr 80% í 100%.

Byggðarráð vísar drögum að þarfagreiningu til umsagnar í fræðslunefnd og til umsagnar hjá skólastjórnendum Grunnskóla Borgarfjarðar.

Lagt fram til kynningar.

Farið yfir niðurstöðu skýrslu Byggðastofnunar. Hefur það verið markmið sveitarstjórnar á þessu kjörtímabili að leitast við að lækka fasteignagjöld. Heildar fasteignagjöld standa saman af nokkrum þáttum þ.e. fasteignaskatti, lóðarleigu, fráveitugjaldi, vatnsgjaldi og sorpgjaldi og hefur sveitarfélagið áhrif á tiltekin gjöld.

Það sem hefur m.a. verið gripið til er lækkun á álagningarhlutfalli fasteignarskatts enda er sveitarfélagið rétt fyrir neðan miðju listans ef aðeins er horft til þess liðar. Töluverð hlutfallsleg hækkun hefur verið á fasteignamati í Borgarbyggð frá 2014 skv. skýrslunni og þó það sé á heildina litið jákvætt þá hefur það áhrif til hækkunar á krónutölu fasteignaskattsins. Þá eru virkar umræður í gangi við Orkuveitu Reykjavíkur í því skyni að leita leiða til þess að lækka gjaldskrá en gjöld vegna vatns- og fráveitu vega inn í heildarfasteignagjöld.

Þá fór Borgarbyggð í innleiðingu á flokkun lífræns úrgangs í öllu sveitarfélaginu til að uppfylla lögbundnar skyldur og hafði sú breyting einnig áhrif á krónutölu fasteignagjalda. Á það er bent að enn eiga einhver sveitarfélög eftir að fara í þessa innleiðingu.

Byggðarráð ítrekar þann vilja að leita leiða til að lækka fasteignagjöld í sveitarfélaginu og felur sveitarstjóra láta vinna greiningu á þeim þáttum sem fasteignagjöld sveitarfélagsins standa saman af og bera saman við samanburðarsveitarfélög.

Byggðarráð þakkar fyrir kynningu á fyrirhugaðri lýðheilsustöð og lýsir yfir áhuga á því að koma að verkefninu með einhverjum hætti. Er sveitarstjóra falið að vinna áfram með Golfklúbbi Borgarness að mótun hugmyndarinnar.

Byggðarráð tekur vel í erindi Ágústs Helga og Hrafns Sölva um fyrirhugaða söfnun. Lýsir byggðarráð því að sveitarfélagið geti komið að verkefninu með sama hætti og gert var við sambærilega söfnun barna á Hvanneyri fyrir aparólu, þar sem áhaldahús Borgarbyggðar sá um vinnu við að setja niður leiktækið.

Í girðingalögum nr. 135/2001 er fjallað um það hlutverk landeigenda að girða fjárheldar girðingar og hvernig kostnaði er skipt.

Lausaganga búfjár er ekki bönnuð í Borgarbyggð utan þess sem tiltekið er í 6. gr. laga um búfjárhald nr. 38/2013. Í 8. gr. sömu laga segir svo:
„Umráðamanni lands er heimilt að ákveða að tiltekið og afmarkað landsvæði sé friðað svæði og er þá umgangur og beit búfjár þar bönnuð. Slík ákvörðun skal tilkynnt viðkomandi sveitarfélagi og skal liggja fyrir umsögn búnaðarsambands um að vörslulínur séu fullnægjandi og uppfylli ákvæði laga þessara, sbr. 3. gr. Sveitarstjórn skal auglýsa slíka ákvörðun í Stjórnartíðindum. Umráðamaður lands skal fyrir 15. júní á hverju vori framvísa til sveitarstjórnar umsögn búnaðarsambands um að vörslulína sé fullnægjandi. Um skiptingu kostnaðar við vörslulínu á landamerkjum fer eftir ákvæðum girðingar- og vegalaga.“

Hér er umráðamanni lands gefin heimild til að taka ákvörðun um að friða tiltekið og afmarkað landssvæði. Sveitarstjórn skal styðja við slíka ákvörðun með auglýsingu. Árlega skal hafa eftirlit með að vörslulínur séu fullnægjandi. Kostnaður við girðingar deilist eftir ákvæðum girðinga- og vegalaga ef þær liggja á landamerkjum.

Byggðaráð telur óframkvæmanlegt að skylda sauðfjáreigendur til að reka fé sitt í afrétt skv. 6.gr. fjallskilasamþykktar nr. 683/2015, enda eru afréttir ekki að fullu afgirtir.

Erindum er varða aðkomu sveitarstjórnar að smölun heimalanda er því hafnað.

Byggðaráð, í umboði sveitarstjórnar Borgarbyggðar, samþykkir að Þuríður Guðmundsdóttir taki sæti í fjallskilanefnd Borgarbyggðar sem formaður fjallskilanefndar Þverárréttar. Um er að ræða fullnaðarákvörðun.

Byggðaráð í umboði sveitarstjórnar samþykkir fyrir sitt leyti að flýta göngum og þar með réttum í Þverárrétt um eina viku og leggur þá tillögu fyrir stjórn fjallskilaumdæmis Akraneskaupstaðar, Borgarbyggðar, Hvalfjarðarsveitar og Skorradalshrepps til staðfestingar. Um er að ræða fullnaðarákvörðun innan sveitarfélagsins.

Framlagður rökstuðningur Matvælastofnunar lagður fram til kynningar. Matvælastofnun er helsti sérfræðingur í forvörnum við riðusjúkdómum og ber ábyrgð á því að framkvæmdir í tengslum við riðusmit í sveitarfélaginu Borgarbyggð teljist fullnægjandi. Byggðarráð telur að ekki hafi verið samræmi í þeim aðgerðum sem gripið var til þar sem riðusmit kom upp, en þar var gripið til harkalegra aðgerða, niðurskurðar og þrifa. Jafnframt hafi verið viðamiklar aðgerðir í öðru sveitarfélagi, þar sem flutningabifreiðin stöðvaði för, en jarðvegsskipt var á staðnum sem blóðvökvi lak úr umræddum flutningabíl og umrætt svæði afgirt. Í Borgarbyggð hafi hins vegar ekki verið gripið til neinna aðgerða af hálfu Matvælastofnunar á þeim svæðum sem blóðvökvi úr riðusmituðu fé sannanlega lak úr umræddri flutningabifreið.

Byggðarráð samþykkir stofnfjárstyrk fyrir Ferðafélag Borgarfjarðarhéraðs að fjárhæð kr. 350.000.

Starf félagsins hefur farið kröftuglega af stað, þar sem stofnmeðlimir félagsins eru á annað hundrað. Þá falla markmið þess og starfsemi vel að stefnumörkun sveitarfélagsins um heilsueflandi samfélag.

Tvö stærstu verkefni ferðafélagsins innan sveitarfélagsins Borgarbyggðar eru uppbygging gönguleiðar um svokallaða Vatnaleið og hins vegar uppbygging göngustíga frá Einkunnum að Borg. Styrkur sveitarfélagsins er bundinn því að fjárhæðin renni í annað hvort þessara verkefna eða þau bæði eftir ákvörðun Ferðafélagsins. Styrkurinn skal greiðast í tvennu lagi, 50% við tilkynningu um styrkveitingu og 50% þegar lokaskýrsla um verkefnið hefur borist sveitarfélagsinu. Framvindu eða lokaskýrslu skal skila eigi síðar en 30. nóvember 2021. Heimilt er að gefa frest á skilum á lokaskýrslu um eitt ár ef fram kemur rökstudd beiðni þar um fyrir 30. nóvember.

Niðurstöðum úr úttekt Húsnæðis- og Mannvirkjastofnunar frá 1. júní sl. um starfsemi Slökkviliðs Borgarbyggðar er vísað til umsagnar til fagráðs slökkviliðs Borgarbyggðar. Jafnframt er þeim hluta athugasemda sem útheimtir aukið fjármagn til fjárhagsáætlunargerðar, fyrir árið 2022 og 10 ára áætlunar slökkviliðsins. Að umsögn fagráðs fenginni er sveitarstjóra falið að senda erindi til Húsnæðis og Mannvirkjastofnunar með rökstuddri úrbótaáætlun sveitarfélagsins til næstu ára.

Byggðarráð felur sveitarstjóra að vinna breytingar að gjaldskrá um dýraleifar og leggja fyrir byggðarráð til samþykktar.

Byggðarráð, í umboð sveitarstjórnar felur sveitarstjóra að undirrita viljayfirlýsingu um stofnun Nýsköpunar- og þróunarseturs við háskólana í Borgarbyggð f.h. sveitarfélagsins.

Byggðarráð f.h. sveitarstjórnar staðfestir fyrirliggjandi samstarfssamninga vegna Reykholtshátíðar og Plan B.

Fulltrúum vatnsveitu Hraunhrepps er þakkað erindið og þess óskað að þeir verði í sambandi við forseta sveitarstjórnar varðandi næstu skref er varða málefni Vatnsveitunnar.

Byggðarráð, f.h. sveitarstjórnar, samþykkir framlagða vinnslutillögu að breytingu á Aðalskipulagi Borgarbyggðar 2010-2022 vegna Húsafells og felur skipulagsfulltrúa að kynna vinnslutillöguna í samræmi við 2. mgr. 30. gr. skipulagslaga nr. 123/2010 fyrir íbúum og hagsmunaaðilum og leita umsagna lögbundinna umsagnaraðila. Um fullnaðarákvörðun innan sveitarfélagsins er að ræða.

Byggðarráð í umboði sveitarstjórnar Borgarbyggðar samþykkir að fela skipulagsfulltrúa að gefa út framkvæmdaleyfi fyrir endurheimt votlendis í landi Brúarlands L135993 skv. 5. gr. reglugerðar nr. 772/2012 um framkvæmdaleyfi. Um fullnaðarákvörðun innan sveitarfélagsins er að ræða.

Byggðarráð, f.h. sveitarstjórnar, samþykkir að stofnuð verði 3404,8 fm lóð úr Hreðavatni L134772 og 203,3 fm lóð úr Hreðavatnslandi L173088. 3404,8 fm lóðin mun eftir stofnun renna saman við L173088 og lóðin sem er 203,3 fm mun eftir stofnun renna saman við L134772.

Byggðarráð felur sveitarstjórna að stofna lóðirnar og afgreiða samruna þeirra.

Um fullnaðarákvarðanir innan sveitarfélagsins er að ræða.

Byggðarráð samþykkir að úthluta lóðinni við Fjóluklett 10 til Nataliu Báru Sergeisdóttur.

Byggðarráð samþykkir að úthluta lóðinni við Fjóluklett 15 til Thelmu Rutar Guðmundsdóttur.

Lagt fram til kynningar.

Lagt fram til kynningar.

Magnúsi Smára Snorrasyni er falið umboð til þess að mæta f.h. Borgarbyggðar á aðalfund Faxaflóahafna, þann 25. júní nk.