Byggðarráð Borgarbyggðar

Eiríkur Ólafsson, sviðsstjóri fjármálasviðs, mætti til fundarins og greindi frá niðurstöðum samanburðar á rekstrar- og framkvæmdakostnaði til samanburðar við áætlun fyrstu sex mánuði ársins. Eftirlit þarf að hafa með ákveðnum rekstrarliðum og verður það unnið áfram í góðu samstarfi við forstöðumenn.

Lögð fram tillaga að viðauka við fjárhagsáætlun Borgarbyggðar fyrir árið 2021. Í tillögunni er gert ráð fyrir að launakostnaðar slökkviliðs hækki um 7,5 millj vegna aukinna bakvaktargreiðslna, launakostnaður búsetuþjónustu hækki um 8,0 millj vegna veikinda starfsfólks og styttingar vinnuvikunnar, húsaleiga á skrifstofuhúsnæði aukist um 2,0 millj en á móti koma húsaleigutekjur sem nema 1,0 millj og að afskriftir og vaxtakostnaður hækki um 8,8 millj. Breytingar á vöxtum og afskriftum eru þar að auki um 300 þús vegna áhrifa frá fyrra ári. Breytingar á tekjum verða þannig að útsvarstekjur hækka um 50 milljónir. Við þessa breytingu verður 5 millj kr afgangur á rekstraráætlun ársins.
Gert er ráð fyrir hækkun á framkvæmdakostnaði við Grunnskólann í Borgarnesi um 9 millj, kaup á Digranesgötu 2 fyrir 241 millj og breytingum á því húsnæði fyrir 6 millj. Framkvæmdaáætlun ársins hækkar því um 256 millj frá því sem áður var áætlað.
Gert er ráð fyrir nýju langtímaláni fyrir 175 millj og skammtímaláni fyrir 83,5 millj til að fjármagna auknar fjárfestingar og framkvæmdir.
Byggðarráð, sem fer með fullnaðarákvörðunarvald sveitarstjórnar, samþykkir viðaukann samhljóða.

Byggðarráð samþykkir verkefnistillöguna og felur sveitarstjóra að undirbúa viðauka við fjárhagsáætlun vegna vinnunar. Gert er ráð fyrir að skýrslu verði skilað í september.

Á 564. fundi byggðarráðs var sveitarstjóra falið að ganga frá kaupasamningi við Arion banka, m.t.t. ástandsskoðunar og leggja fyrir sveitarstjórn auk þess að undirbúa viðauka vegna kaupann. Sveitarstjóra var jafnframt falið að ljúka hönnun húsnæðisins innandyra og kostnaðarmat á þeim framkvæmdum.
Þann 14. júlí sl. undirritaði sveitarstjóri kaupsamning við Arion banka vegna kaupanna á Digranesgötu 2, með fyrirvara um samþykki sveitarstjórnar, ásamt samkomulagi um leigu á hluta eignarinnar til Arion banka.
Byggðarráð, sem fer með fullnaðarákvörðunarvald sveitarstjórnar, samþykkir framlagðan kaupsamning og samkomulag um leigu á hluta eignarinnar við Digranesgötu 2 í Borgarnesi.

Byggðarráð samþykkir leigusamninginn og felur sveitarstjóra að undirrita hann fyrir hönd Borgarbyggðar.

Byggðarráð staðfestir að tímabundið starf verkefnastjóra atvinnu-, markaðs- og menningarmála nú samskiptastjóra verði haldið innan stjórnsýslu sveitarfélagsins. Byggðarráð felur sveitarstjóra að gera breytingar á starfslýsingu í samræmi við umræður á fundinum og auglýsa starfið í samráði við byggðarráð.

Byggðarráð vísar tillögu starfshóps um friðlýsingu Borgarvogs til umsagnar í umhverfis- og landbúnaðarnefnd og skipulags- og byggingarnefnd.

Byggðarráð fagnar framlagðri yfirlýsingu samgöngu- og sveitarstjórnarráðherra og borgarstjóra Reykjavíkur um uppbyggingu Sundabrautar. Byggðaráð leggur áherslu á að greiningarvinna klárist eins fljótt og verð má til að hægt verði að gera áætlanir og hefja undirbúning við framkvæmdina. Sundabraut mun bæta umferð til og frá höfuðboginni og auka umferðar- og almannaöryggi til mikilla muna. Byggðarráð ítrekar áskorun sveitarstjórnar frá 209. fundi sveitarstjórnar sem haldinn var 14. janúar sl. sem er svohljóðandi:
"Sveitarstjórn Borgarbyggðar skorar á Vegagerðina og Reykjavíkurborg að leggja fram hið fyrsta áætlanir um lagningu Sundabrautar svo raunhæfur undirbúningur og framkvæmdir geti hafist. Sundabraut mun bæta umferð til og frá höfuðborginni og auka umferðar- og almannaöryggi til mikilla muna. Verkefnið þolir ekki frekari bið og er mikilvægt að ýta því úr vör sem allra fyrst."

Byggðarráð samþykkir tillögu SSV að sameiginlegri umsögn sveitarfélaganna á Vesturlandi um Kerfisáætlun Landsnets varðandi uppbyggingu stofn- og svæðislínukerfis o.fl.

Lagt fram til kynningar.

Í janúar 2021 barst sveitarstjóra skýrsla, merkt trúnaðarmál frá KMPG sem fjallaði um skoðun á innra eftirliti og fjárhagskerfi Borgarbyggðar. Í umræddri skýrslu er að finna athugasemdir og ábendingar, í sumum tilvikum er um að ræða tilmæli um það sem mætti lagfæra en einnig er að finna ábendingar sem nauðsynlegt er að ráðast í strax. Um er að ræða vinnuskjal sem er leið fyrir endurskoðendur til að geta komið upplýsingum á framfæri við stjórnendur um hvað þyrfti að aðhafast vegna innri endurskoðunar eða fjárhagskerfi. Skýrslan er einnig hreinskiptin samskiptaleið frá endurskoðendum til stjórnenda þar sem ábendingar geta varðað einstaka starfsfólk og þar með viðkvæmar persónuupplýsingar. Vegna þessa samskiptaforms og upplýsinga sem geta komið fram í þeim var litið á skýrsluna sem trúnaðarskjal og vinnuskjal og ætti því ekki að birtast opinberleg í skilningi 8. gr. upplýsingalaga nr. 140/2012. Í endurskoðunarskýrslu með ársreikningi sveitarfélagsins koma fram ábendingar úr skýrslunni sem varða atriði þar sem nauðsynlegt er að bæta innra eftirlit vegna verulegra veikleika eða samansafn veikleika sem og þær ábendingar sem varða veikleika sem þarf að taka á og eru viðvarandi.
Þar sem sveitarfélagið skilgreindi skjalið sem trúnaðarskjal hafnaði sveitarfélagið beiðni um skjalið. Sú ákvörðun var kærð og niðurstöður úrskurðar úrskurðarnefndarinnar er að skýrslan innihéldi ekki viðkvæmar persónuupplýsingar og bæri að afhenda kæranda skýrsluna. Borgarbyggð hefur framfylgt niðurstöðunni og mun framvegis afhenda slíkar skýrslur, sé þess óskað og þær innihaldi ekki viðkvæmar persónuupplýsingar.

Byggðarráð samþykkir fyrir sitt leyti að heimila akstur á leiðinni að því tilskyldu að veginum verði skilað í sambærilegu ástandi og hann er.

Sveitarstjóri kynnir hugmyndir forsvarsmanna verkefnisins um staðsetningu Upplifunargarðsins.
Byggðarráð bendir á að um mikilvægan stað fyrir aðkomu, bæjarmynd og ásýn Borgarnes er að ræða og gera þarf strangar kröfur til hönnunar mannvirkja á svæðinu og leggja mikla alúð og rækta umhverfið, á það m.a. við um öll mannvirki og lóðafrágang t.d. í kringum sorpgáma og vörumóttöku. Byggðarráð bendir enn fremur á að hluti þess svæðis tilheyri lóð sem þegar hefur verið úthlutað og byggt á að hluta. Gera þyrfti breytingar á deiliskipulagi til að hægt væri að veita byggingarleyfi.
Að því sögðu tekur byggðarráð jákvætt í þær hugmyndir sem voru kynntar, en leggur áherslu á að mikilvægt er að koma fram með forhönnun hugmynda til að hægt sé að átta sig betur á hönnun og útkomu húsnæðisins í umhverfinu.

Byggðarráð Borgarbyggðar gerir ekki athugasemdir við framlagt deiliskipulag.

Byggðarráð felur skipulagsfulltrúa að grenndarkynna byggingarleyfið fyrir aðliggjandi lóðum Skógarbrekkur 2, 6, 5 og 7 ásamt Kiðárbotnum 50, 52 og 54. Samkv. 44.gr. skipulagslaga nr. 123/2010.

Byggðarráð felur skipulagsfulltrúa að grenndarkynna byggingarleyfið fyrir aðliggjandi lóðum, Sóltún 11, 12 og 14a. samkv. 44.gr. skipulagslaga nr. 123/2010.

Byggðarráð Borgarbyggðar samþykkir erindið með þeim fyrirvara að að skilað verið inn undirrituðu samþykki allra landeigenda, hnitsettu lóðablaði og undirritað eyðublað Þjóðskrár Íslands, F-550, um skráningu nýrrar lóðar.

Byggðarráð Borgarbyggðar samþykkir fyrirliggjandi breytingar á deiliskipulagi frístundabyggðarinnar á Jarðlangsstöðum. Málið fái meðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt næstu nágrönnum á aðliggjandi lóðum, Stóri-Árás austan 01, 1, 2, Stóri-Árás vestan 2, Mið-Árás 9 og langdeigendum Jarðlangsstaða.

Byggðarráð Borgarbyggðar samþykkir fyrirliggjandi tillögu að deiliskipulagi Byggingarlóðar í landi Stóra-Áss í Borgarbyggði, L134513 sem auglýst hefur verið samkvæmt 41. gr. skipulagslaga. Málsmeðferð í samræmi við 42. gr. skipulagslaga nr. 123/2010.

Byggðarráð Borgarbyggðar samþykkir fyrirliggjandi breytingu deiliskipulagi og að málsmeðferð verði í samræmi við 2. mgr. 43. gr. skipulagslaga nr. 123/2010.

Byggðaráð, sem fer með fullnaðarákvörðunarvald sveitarstjórnar, samþykkir fyrir sitt leyti að flýta göngum og þar með réttum á svæðinu vestan Norðurár og Sanddalsár að Hítará sbr.c. lið 15. gr. fjallskilasamþykktar nr. 683/2015, þannig að öllum þremur leitum verði flýtt um eina viku og leggur þá tillögu fyrir stjórn fjallskilaumdæmis Akraneskaupstaðar, Borgarbyggðar, Hvalfjarðarsveitar og Skorradalshrepps til staðfestingar. Um er að ræða fullnaðarákvörðun innan sveitarfélagsins.

Fundargerðin lögð fram til kynningar.

Byggðarráð heimilar byggingarfulltrúa að gefa út byggingarleyfi fyrir viðbyggingu frístundahúss við Háskjólabyggð að undangenginni grenndarkynningu í samræmi við 44. gr. skipulagslaga nr. 123/2010 með fyrirvara um niðurstöðu grenndarkynningar.

Byggðarráð samþykkir að farið verði í uppsetningu á útikennslustofu ásamt áfastri girðingu og smáhýsi, unnið við gróður á lóð og smíðastofan innréttuð við Grunnskólann í Borgarnesi og að gerður verði viðauki að fjárhæð 9 millj kr. í fjárfestingaráætlun.

Kærumálinu var vísað frá úrskurðarnefndinni. Lagt fram til kynningar.