Byggðarráð Borgarbyggðar

Flosi H. Sigurðsson, sviðsstjóri, kemur til fundar og lýsir framgangi mála er varða húsnæðismál Borgarbyggðar.

Byggðarráð samþykkir umsókn Sigurgeirs Sindra Sigurgeirssonar um heimild til að tengjast kaldavatnsveitu sveitarfélagsins í Stafholtstungum.

Byggðarráð lýsir því jafnframt að til standi að setja samþykktir og gjaldskrá um umrædda vatnsveitu.

Til fundarins kemur Hlöðver Ingi Gunnarsson, sviðsstjóri fjölskyldusviðs, sem situr fundinn undir þessum lið.

Byggðarráð tekur jákvætt í nýtt verkefni um samþættingu skólaaksturs innan sveitarfélagsins. Er sveitarstjóra falið að undirbúa samstarf með Samtökum sveitarfélaga á Vesturlandi, Vegagerðinni og Menntaskóla Borgarfjarðar um verkefnið.

Er þess óskað að þegar fyrir liggur hver kostnaður Borgarbyggðar verður og nánara fyrirkomulag að málið verði lagt að nýju fyrir byggðarráð til samþykktar.

Byggðarráð felur sveitarstjóra að greiða reikning Jörfa ehf., dags. 21. júlí 2021. Jafnframt er sveitarstjóra falið að segja upp munnlegu samkomulagi við Jörfa ehf. um viðhald á Melabraut á Hvanneyri.

Byggðarráð lýsir því yfir að viðhald á Melabraut á Hvanneyri skuli fara í viðhaldsáætlun með sama hætti og aðrir vegir og götur sem sveitarfélagið er eigandi að.

Byggðarráð samþykkir framlagða umsókn Kolbrúnar S. Guðmundsdóttur um lóðina að Fjólukletti 8.

Byggðarráð lýsir því yfir að sveitarfélagið falli frá forkaupsrétti vegna lóðarinnar Mið-Árás 5.

Byggðarráð leggur til við sveitarstjórn að Sæmundur Ágúst Óskarsson verði skráður byggingarfulltrúi Borgarbyggðar.