Byggðarráð Borgarbyggðar

Byggðarráð felur sveitarstjóra að uppfæra gögn í samræmi við framlögð gögn fyrir fyrri umræðu sveitarstjórnar um fjárhagsáætlun 2022. Ljóst er að frekari umræða á eftir að eiga sér stað um framkvæmdir og forgangsröðun á milli fyrri og seinni umræðu um fjárhagsáætlun.

Byggðarráð felur sveitarstjóra að vinna áfram að skoðun byggingarsvæðis fyrir íþróttahús og staðsetningu fyrir gervigrasvöll. Byggðarráð samþykkir að sú fjárhæð sem stendur eftir í fjárfestingaráætlun vegna íþróttamannvirkja verði notuð til að kanna jarðveg vegna fyrirhugaðra framkvæmda. Niðurstöður verði síðan nýttar við hönnun og útfærslu við kostnaðaráætlun framkvæmdanna.

Byggðarráð óskar eftir kynningu á tillögum um endurbætur og nýbyggingu Kleppjárnsreykjadeildar Grunnskóla Borgarfjarðar fyrir sveitarstjórnarfulltrúa ásamt tillögum um áfangaskiptingu.

Steinþór Pálsson, starfsmaður fyrirtækjasviðs KPMG og Eiríkur Ólafsson, mæta til fundarins til að ræða næstu skref sveitarfélagsins gagnvart Orkuveitu Reykjavíkur vegna vilja Borgarbyggðar til gjaldskrárlækkana fráveitugjalda.

Byggðarráð felur sveitarstjóra að ljúka við gerð útboðsgagna vegna tölvuumsjónarmála sveitarfélagsins og ganga til útboðs á þeirri þjónustu sem tölvuumsjónarmaður sinnti.

Byggðarráð felur sveitarstjóra að undirrita samninginn f.h. sveitarfélagsins með fyrirvara um samþykki sveitarstjórnar og vísar samningnum til samþykktar í sveitarstjórn.

Áskorun og ákall til sveitarstjórnar Borgarbyggðar vegna starfseminnar í gamla sláturhúsinu í Brákarey var undirritað af fulltrúum Fornbílafjelags Borgarfjarðar, Golfklúbbs Borgarness, pútthóps Borgarbyggðar, Skotfélags Vesturlands og Rafta, Bifhjólafélags Borgarfjarðar. Áskorunin varðar beiðni til að leita leiða til að endurvekja starfsemi í gamla sláturhúsinu í Brákarey í samstarfi við þær tómstundir sem þar hafa verið til húsa.

28. september sl. komu fulltrúar Fornbílafjelagsins til fundar við fulltrúa byggðarráðs og fulltrúar hinna tómstundarfélaganna mæta til fundar við fulltrúa byggðarráðs að loknum byggðarráðsfundi í dag.

Öllum leigusamningum í húsnæðinu hefur verið sagt upp. Byggðarráð hefur samþykkt notkun Golfklúbbs Borgarness að sal í Hjálmakletti auk þess sem tekið hefur verið jákvætt í erindi golfklúbbsins um aðkomu sveitarfélagsins að uppbyggingu lýðheilsustöðvar að Hamri, Fornbílafjelagi Borgarfjarðar hefur verið boðið að borðinu um samtal um kaup á hluta fasteignar Borgarbyggðar að Brákarbraut 27 að vissum skilyrðum uppfylltum, Skotfélagi Vesturlands verið boðin aðstaða til uppbyggingar í sveitarfélaginu og Raftar eru að skoða mögulegt húsnæði í eigu sveitarfélagsins.

Byggðarráð hefur leitað lausna í samstarfi við forsvarsmenn leigjenda til að bregðast við þeim vanda sem tómstundarfélögin lentu í við lokun Brákarbrautar 25-27.

Ljóst er að endurbætur á húsnæðinu við Brákarbraut 25-27 myndi kosta sveitarfélagið um 600 milljónir miðað við kostnaðarmat Verkís á þeim framkvæmdum sem nauðsynlegar væru til þess að hægt væri að heimila starfsemi að nýju í húsnæðinu. Í ljósi fjárfestingarþarfar sveitarfélagsins í leikskóla-, grunnskóla- og íþróttamannvirkjum næstu árin er ekki raunhæft að standa í fjárfestingum sem tengjast ekki lögbundnu hlutverki sveitarfélagsins.

Byggðarráð felur sveitarstjóra að taka tilboði Eflu verkfræðistofu vegna eftirlits með hönnun á lagnaleiðum þeirra áfanga sem eftir eru í verkinu. Tilboðið rúmast innan fjárfestingaráætlunar ársins 2021.

Þörf er á endurnýjun malbiks á Þórðargötu í Borgarnesi og er gatan efst í forgangsröðun viðhalds gatna. Gerð var verðfyrirspurn um endurnýjun á malbiki götunnar. Byggðarráð samþykkir að taka tilboði lægstbjóðanda, Fagverks verktaka ehf. í endurnýjun malbiks á Þórðargötu. Verkið rúmast innan fjárhagsáætlunar.

Byggðarráð samþykkir, sem landeigandi, að Rarik leggi jarðstreng í gegnum hluta lands Syðra-Hrauns 2.

Byggðarráð hafnar framkominni umsókn um Rjúpuflöt 6-8, þar sem umsækjandi er þegar með úthlutaða lóð að Arnarflöt 6, Hvanneyri.

Lagt fram til kynningar.

Fundargerð lögð fram til kynningar.

Byggðarráð tekur undir framlagða ályktun bæjarráðs Árborgar um leikskólamál og felur sveitarstjóra að koma þeirri afstöðu á framfæri.