Byggðarráð Borgarbyggðar

Fyrir liggur að verulegar breytingar hafa orðið á lífeyrisskuldbindingum sveitarfélagsins vegna ársins 2021 sem valda því að endurreikna þarf stöðumat KPMG miðað við þær upplýsingar sem nýverið hafa borist.

Breytingin á lífeyrisskuldbindingunum mun jafnframt hafa verulegar breytingar á rekstrarniðurstöðu sveitarfélagsins vegna ársins 2021.

Málið verður tekið fyrir á næsta fundi byggðarráðs og er sveitarstjóra falið að afla frekari upplýsinga um ástæður þess að svo miklar breytingar séu á fjárhæð lífeyrisskuldbindinga miðað við fjárhagsáætlun ársins 2021.

Byggðarráð felur sveitarstjóra að vinna áfram með verkferillinn og fylgiskjöl hans og að farið verði eftir honum í framkvæmdum sveitarfélagsins hér eftir. Með verkferlinum er settur skýr rammi utan um framkvæmd verkefnis frá upphafi til enda og ábyrgð vel skilgreind.

Á síðasta ári lagði byggðarráð til að farið yrði í hlutlausa úttekt á ferli og eftirliti með framkvæmdum við húsnæði Grunnskólans í Borgarnesi, og var KPMG ráðið í verkið. Úttektarskýrslan liggur nú fyrir og ljóst er að annmarkar voru á vinnulagi og eftirliti stjórnsýslunnar allt frá upphafi framkvæmdar árið 2014. Má þar helst nefna að ekki lá fyrir í upphafi með ítarlegum hætti hlutverk og ábyrgð byggingarnefndar, stjórnenda og eftirlits og þar af leiðandi skorti yfirsýn og ábyrgð á stöðu verkefnis í heild sinni. Ekki var gætt með fullnægjandi hætti að gildandi innkaupreglum sveitarfélagsins hvað varðar útboðsskyldu, varðandi einstaka þætti framkvæmdarinnar og útboðsgögn voru ekki unnin með fullnægjandi hætti. Með skýrslunni kemur skýrt fram hvaða atriði það voru sem fóru úrskeiðis við framkvæmdina og telur sveitarfélagið nauðsynlegt að gera úrbætur á því ferli sem hefur verið við framkvæmdir. Á síðasta ári hófst vinna við að skoða annmarka við ferli og eftirlit framkvæmda sveitarfélagsins og í framhaldinu hefur verið unninn verkferill sem útskýrir hlutverk, ábyrgð og eftirlit allra aðila en ákveðnar úrbætur hafa þegar verið gerðar. Byggðarráð hefur á þessum fundi samþykkt að farið verði eftir framlögðum verkferli þar sem tekið hefur tillit til þeirra athugasemda sem KPMG gerði í framangreindri úttekt.

Sveitarstjóra er falið að gera erindisbréf fyrir byggingarnefnd fyrir viðbyggingu Kleppjárnsreykjadeildar grunnskóla Borgarfjarðar og leggja til hvernig skipa skuli í byggingarnefnd. Í kjölfar þess verði ráðinn verkefnastjóri fyrir verkefnið.

Byggðarráð felur sveitarstjóra að boða til fundar með fulltrúum Skorradalshrepps í næstu viku til að fara yfir tillögur að samningum vegna veitingu þjónustunnar.

Byggðarráð tilnefnir Maríu Neves, samskiptastjóra Borgarbyggðar, til setu í Ferðamálaráði Vesturlands.

Á 576. fundi byggðarráðs sem haldinn var 21. október 2021 tók byggðarráð vel í þá hugmynd að stofnuð verði húsnæðissjálfseignarstofnunar er myndi starfa á landsbyggðinni. Markmið húsnæðissjálfseignarstofnunarinnar væri að stuðla að uppbyggingu almennra íbúða þar sem þeirra er þörf á landsbyggðinni í þágu tekjulágra hópa á vinnumarkaði og þeirra hópa sem sveitarfélög bera sérstakar lagaskyldur gagnvart, meðal annars fólki með fötlun, í samstarfi við viðkomandi sveitarfélög. Byggðarráð felur sveitarstjóra að mæta á stofnfundinn f.h. sveitarfélagsins.

Framlagðar umsóknir Bílabæjar ehf. og Eiríks Ingólfssonar ehf. um lóðina að Sólbakka 31, Borgarnesi. Til fundarins kom Jón Einarsson, fulltrúi sýslumannsins á Vesturlandi. Hann hafði umsjón með útdrætti um lóðirnar. Eftirfarandi niðurstaða lá fyrir eftir að dregið var milli umsækjenda: Eiríkur Ingólfsson ehf.

Framlagðar umsóknir Bílabæjar ehf. og Eiríks Ingólfssonar ehf. um lóðina að Sólbakka 31, Borgarnesi. Til fundarins kom Jón Einarsson, fulltrúi sýslumannsins á Vesturlandi. Hann hafði umsjón með útdrætti um lóðirnar. Eftirfarandi niðurstaða lá fyrir eftir að dregið var milli umsækjenda: Eiríkur Ingólfsson ehf.

Lagt fram til kynningar.

Lagt fram til kynningar.

Lagt fram til kynningar.