Byggðarráð Borgarbyggðar

Fyrir liggur að Slatti ehf. hefur óskað eftir því að endurskoða samkomulag um uppbyggingu íbúðarhúsnæðis í Bjargslandi. Sveitarstjóra er falið að leggja fram tillögur að breytingum á samstarfssamningi. Byggðarráð leggur áherslu á að ekki verði frekari tafir á uppbyggingu á svæðinu.

Byggðarráð tekur vel í hugmyndir að nýju deiliskipulagi við Kveldúlfshöfða í Borgarnesi, í framhaldi af Fjólukletti, sem skipulagsfulltrúi og deildarstjóri skipulags- og byggingarmála kynntu fyrir byggðarráði. Hugmyndirnar fela í sér að gerðar verði einbýlishúsalóðir við nýja götu í landi í eigu Borgarbyggðar við Kveldúlfshöfða í Bjargslandi. Til þess að klára verkefnið þarf að gera breytingar á aðalskipulagi Borgarbyggðar og gera nýtt deiliskipulag með það að markmiði að þétta byggð í Borgarnesi og skapa spennandi og aðlaðandi íbúðarsvæði. Heildarkostnaður við breytingar á aðalskipulagi og gerð deiliskipulags er áætlað kr. 3.250.000,- m. vsk. Áætluð gildistaka deiliskipulags er í október 2022. Byggðarráð felur sveitarstjóra að undirbúa viðauka vegna verkefnisins.

Byggðarráð ákveður að auglýsa eftir áhugasömum samstarfsaðilum um skipulagsmál og uppbyggingu í Brákarey, s.s. með stofnun þróunarfélags, þar sem unnið verður úr þeim hugmyndum og íbúafundum sem haldnir hafa verið undanfarin ár. Í slíkri uppbyggingu telur byggðarráð mikilvægt að haldið sé í sérkenni eyjunnar, þar sem meðal annars sé litið til þess að varðveita "Burstirnar þrjár" og hugsanlega fleiri byggingar sé það raunhæft fyrir uppbyggingu svæðisins. Á svæðinu skuli vera blönduð byggð, með íbúabyggð, menningartengdri starfsemi, léttum iðnaði, útivist og frístundastarfsemi, í sátt við núverandi starfsemi.

Byggðarráð hefur væntingar um að hægt sé að líta til sambærilegra verkefna sem hafa verið unnin hér á landi og erlendis á aflögðum iðnaðar- og athafnasvæðum þar sem uppbyggingin miðast við að halda í sögu og menningu svæðisins og tengja við framtíðarsýn og starfsemi sem tengist þörfum samtímans.

Byggðarráð felur sveitarstjóra að leita til Arkitektafélags Íslands og undirbúa arkitektasamkeppni um heildarskipulagningu nýrrar íbúðabyggðar handan Borgarvogs. Tilgangur samkeppninnar væri að ná sem bestri lausn í skipulagningu mögulegrar íbúabyggðar á hinu óbyggða svæði, til að gefa sem besta mynd af því hvernig hverfið gæti verið byggt upp, en gert er ráð fyrir leik- og grunnskóla á svæðinu ásamt fjölbreyttu íbúðarhúsnæði. Áætlað er að vinna við samkeppnina taki 6-7 mánuði og því er gert ráð fyrir að verkefninu ljúki eftir að ný sveitarstjórn hefur tekið við.

Sveitarstjóra er falið að óska eftir kynningu frá Arkitektafélaginu á tilhögun samkeppnarinnar á næsta fund byggðarráðs.

Byggðarráð tekur vel í beiðni skipulags- og byggingarnefndar um fjölgun funda nefndarinnar, enda gefur sá málafjöldi sem er til afgreiðslu á hverjum fundi skipulags- og byggingarnefndar tilefni til að fjölga fundum með það að markmiði að auka skilvirkni og flýta fyrir afgreiðslu mála.

Byggðarráð felur sveitarstjóra að gera viðauka vegna beiðnarinnar og gera ráð fyrir að fundir skipulag- og byggingarnefndar verði tveir í mánuði til og með júní 2022.

Byggðarráð telur miklar breytingar hafa orðið á verkefninu frá því atvinnu-, markaðs- og menningarmálanefnd vísaði því til byggðarráðs og vísar málinu því aftur til vinnslu í nefndinni.

Sveitarstjóri fer yfir verkefnalýsingu vegna framtíðarfyrirkomulags Safnahúss Borgarfjarðar með byggðarráði og leggur til að gerður verði samningur milli Borgarbyggðar og Strategíu vegna verkefnisins. Ekki er þörf á að gera viðauka vegna verkefnisins. Byggðarráð felur sveitarstjóra að undirrita verkefnalýsinguna f.h. Borgarbyggðar og hefja verkefnið. Gert er ráð fyrir að drög að framtíðarfyrirkomulagi verði lögð fyrir byggðarráð 7. apríl n.k.

Markmið verkefnisins er að rýna og endurskoða starfsemi safnahúss Borgarfjarðar, kanna samlegðaráhrif safnanna við aðrar stofnanir sveitarfélagsins og koma með tillögur að framtíðarskipan safnanna.

Byggðarráð tilnefnir eftirfarandi aðila til þess að sitja í stýrihóp um verkefnið: Magnús Smári Snorrason og Guðveig Lind Eyglóardóttir. Auk þeirra sitji í hópnum þrír fulltrúar sveitarfélagsins og menningarfulltrúi SSV.

Byggðarráð felur sveitarstjóra að gera breytingar á erindisbréfinu í samræmi við umræður á fundinum og leggja fyrir byggðarráð að nýju.

Sveitarstjóri greindi frá fundi sínum, sviðsstjóra stjórnsýslu- og þjónustusviðs og formanni stýrihóps um framtíðaruppbyggingu íþróttamannvirkja í Borgarnesi. Í framhaldi af þeim fundi leggur sveitarstjóri til við byggðarráð að stofnuð verði byggingarnefnd um byggingu íþróttamannvirkja í Borgarnesi.

Byggðarráð felur sveitarstjóra að gera breytingar á erindisbréfinu í samræmi við umræður á fundinum og leggja fyrir næsta fund byggðarráðs.

Ákveðið hefur verið að hefja þurfi skipulagvinnu við fyrirhugaða íbúabyggð norðan Borgarvogs. Fulltrúum byggðarráðs Borgarbyggðar finnst mikilvægt að tekið sé tillit til þeirra breytinga og óska eftir því að fá tíma til að ljúka þeirri vinnu áður en að lengra er haldið með tillögu friðlýsingar Borgarvogsins.

Byggðarráð þakkar umsagnir fræðslunefndar og ungmennaráðs.

Byggðarráð felur sveitarstjóra að halda áfram með verkefnið í samræmi við fjárhagsáætlun ársins og nýta það fjármagn sem áætlað er í endurnýjun á biðskýlunum í samræmi við umsagnir fræðslunefndar og ungmennaráðs og umræður á fundinum.

Byggðarráð samþykkir fyrirliggjandi drög að leigusamningi við Golfklúbb Borgarness um golfaðstöðu í sal á Hjálmakletti og leigusamningi við Bifhjólafélagið Raftana um félagsaðstöðu í Þinghamri á Varmalandi. Byggðarráð felur sveitarstjóra að ganga frá samningum við leigutaka og miða við að þeir taki gildi við undirritun. Enn fremur hefur verið tekið jákvætt í erindi golfklúbbsins um aðkomu sveitarfélagsins að uppbyggingu lýðheilsustöðvar að Hamri. Samræður eru í gangi við formann Fornbílafjelagsins um kaup þeirra á húsnæði í eigu Borgarbyggðar að Brákarbraut 25 í Brákarey og er sveitarstjóra falið að leggja fram tillögu að kaupsamningi við félagið fyrir byggðarráð.

Þau félagasamtök sem eftir standa eru Skotfélag Vesturlands, en kannaðir hafa verið möguleikar á útiaðstöðu skotfélagsins með heimildum til aðstöðusköpunar. Nytjamarkaður körfuknattleiksdeildar Skallagríms er að nýju orðið aðstöðulaust, en skortur er á húsnæði í Borgarnesi, sem stendur undir slíka aðstöðu.

Byggðarráð hefur leitað lausna í samstarfi við forsvarsmenn leigjenda til að bregðast við þeim vanda sem tómstundarfélögin lentu í við lokun Brákarbrautar 25-27. Ljóst er að endurbætur á húsnæðinu við Brákarbraut 25-27 myndi kosta sveitarfélagið um 600 milljónir miðað við kostnaðarmat Verkís á þeim framkvæmdum sem nauðsynlegar væru til að hægt væri hleypa starfsemi í húsnæðið.

Byggðarráð samþykkir fyrirliggjandi tillögur að reglum um styrki sveitarfélagsins til þeirra tómstundarfélaga misstu aðstöðu sína við lokun húsnæðis sveitarfélagsins í Brákarey í fyrra og vísar þeim til staðfestingar hjá sveitarstjórn. Heildarfjárhæð samningsins er allt að 7,5 m.kr. Jafnframt er sveitarstjóra falið að undirbúa vegna umræddra útgjalda.

Byggðarráð felur sveitarstjóra að semja við lögmann eigenda á grundvelli framlagðs tilboðs. Byggðarráð felur sveitarstjóra að ganga frá sölunni og undirrita nauðsynleg skjöl f.h. sveitarfélagsins með fyrirvara um samþykki sveitarstjórnar.

Byggðarráð felur sveitarstjóra að funda með leigutaka Grímshússins í Brákarey vegna áætlaðrar starfsemi í húsnæðinu og fyrirhugðum framkvæmdum á svæðinu.

Byggðarráð samþykkir framlagða umsókn Tekta ehf., um lóðina að Stekkjarholti 1, Borgarnesi.

Byggðarráð samþykkir framlagða umsókn Tekta ehf., um lóðina að Stöðulsholti 37, Borgarnesi.

Byggðarráð samþykkir framlagða umsókn Tekta ehf., um lóðina að Stöðulsholti 39, Borgarnesi.

Lagt fram til kynningar.

Lagt fram til kynningar.

Byggðarráð hyggst ekki leggja nýja vatnsveitu að Giljahlíð, L134404, og mælir sveitarfélagið því með að jöfnunarsjóður sveitarfélaga styrki fyrirhugaða framkvæmd landeiganda að Giljahlíð. Umsögn þessi er í samræmi við 1. mgr. 1. gr. reglugerðar um vatnsveitur á lögbýlum nr. 180/2016 vegna styrkumsóknar eiganda Giljahlíðar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.