Byggðarráð Borgarbyggðar

Lagt er fram minnisblað vegna tillögu að viðauka I við fjárhagsáætlun ársins 2022. Í tillögunni er gert ráð fyrir að færa 6.990 þús. kr. úr rekstraráætlun áhaldahúss yfir í fjárfestingaáætlun vegna bifreiðakaupa, hækka launakostnað skipulags- og byggingarnefndar um 800 þús. kr. vegna fjölgunar funda skipulags- og byggingarnefndar, hækka kostnað við skipulagsvinnu um 3.250 þús. kr. vegna skipulagsmála nýrrar götu og hækkun á styrkjum vegna atvinnumála um 7.500 þús. kr. Þá er einnig gert ráð fyrir hækkun á fjárfestingaáætlun um 20.000 þús. kr. vegna hönnunarsamkeppni nýrrar íbúabyggðar vestan Borgarvogs. Breyting á sjóðstreymisáætlun verður sú að handbært fé lækkar um 31.550 þús kr.

Byggðarráð þakkar erindið og þann áhuga sem Tekta ehf. sýnir á byggingu íbúðarhúsnæðis í Borgarbyggð.
Árin 2019-2021 tók byggðarráð ákvörðun um að veita tímabundið 50% afslátt af gatnagerðargjöldum og 100% afslátt af lóðargjöldum til að hvetja til byggingarframkvæmda í sveitarfélaginu. Tilgangurinn var að stuðla að húsbyggingum í sveitarfélaginu, bæði íbúðarhúsnæðis og atvinnuhúsnæðis. Verkefnið hafði mikil áhrif á úthlutun lóða fyrir íbúðarhúsnæði en öllum íbúðarhúsalóðum í Borgarnesi hefur nú verið úthlutað.
Á fundi sveitarstjórnar sem haldinn var 10. febrúar sl. var samþykkt að veita 50% afslátt af gatnagerðargjöldum og 100% afslátt af lóðagjöldum vegna atvinnuhúsalóða í Borgarbyggð til loka árs 2022, þar sem fyrra átak hafði lítil áhrif á byggingu atvinnuhúsnæðis, að hluta til er ástæðan sú að gera þurfti breytingar á deiliskipulagi til þess að hægt væri að úthluta lóðunum. Ákveðið var að framlengja ekki afslætti af gatnagerðargjöldum og lóðargjöldum vegna íbúðarhúsnæðis. Flestum íbúðarhúsalóðum í sveitarfélaginu hefur nú verið úthlutað, þar af öllum lóðum í Borgarnesi, hafði verkefnið því tilætluð áhrif, þrátt fyrir að enn sé skortur á íbúðarhúsnæði. Enn fremur hækkaði fasteignarmat á íbúðarhúsnæði töluvert frá 2019 til 2022, en á þessu tímabili hækkaði fasteignamat fjölbýlis um 24% og sérbýlis um 33%. Framundan er undirbúningur nýrra íbúðarhúsalóða, en kostnaður við þær er mikill og gatnagerðargjöldum og lóðargjöldum er ætla að svara slíkum kostnaði.
Byggðarráð hafnar því beiðni um afslátt af gatnagerðargjöldum. Þrátt fyrir framangreint vonumst við til góðs samstarfs við Tekta ehf. sem og aðra byggingaraðila í sveitarfélaginu um ókomna tíð.

Inni í flestum kjarasamningym, sem samþykktir voru árin 2019-2020, var sett inn heimild til að gera breytingar á skipulagi vinnutíma og stytta vinnuvikuna í allt að 36 virkar vinnustundir á viku. Byggðaráð felur framkvæmdaráði, sem sviðsstjórar og sveitarstjóri sitja, að samþykkja vinnutímastyttingar sem stofnanir Borgarbyggðar leggja fram, þegar stytting vinnuvikunnar hefur ekki í för með sér kostnaðarauka eða skerðingu á þjónustu. Sé um að ræða kostnaðarauka eða þjónustuskerðingu skulu tillögur að vinnutímastyttingum lagðar fyrir byggðarráð.

Byggðarráð vísar verkefninu inn í byggingarnefnd um byggingu íþróttamannvirkja í Borgarnesi.

Byggðarráð vísar erindinu til afgreiðslu atvinnu-, markaðs- og menningarmálanefndar.

Við undirritun samningsins taka Vogir og lagnir ehf. við viðhaldi götulýsingar í Borgarbyggð, sem áður var á höndum Rarik. Gert er ráð fyrir viðhaldskostnaði götulýsingar í fjárhagsáætlun Borgarbyggðar vegna ársins 2022. Byggðarráð felur sveitarstjóra að undirrita samninginn fyrir hönd Borgarbyggðar, með fyrirvara um samþykki sveitarstjórnar.

Byggðarráð samþykkir að taka þátt í verkefninu "Samtaka um hringrásarhagkerfið" á vegum Sambands íslenskra sveitarfélaga sem unnið er með aðstoð umhverfis-, orku- og loftslagsráðuneytisins.

Byggðarráð hyggst ekki leggja nýja vatnsveitu að Grímsstöðum, L1359271, og mælir sveitarfélagið því með að jöfnunarsjóður sveitarfélaga styrki fyrirhugaða framkvæmd landeiganda að Grímsstöðum. Umsögn þessi er í samræmi við 1. mgr. 1. gr. reglugerðar um vatnsveitur á lögbýlum nr. 180/2016 vegna styrkumsóknar eiganda Grímsstaða.

Byggðarráð felur sveitarstjóra að boða til fundar með landeigendum og Skógrækt ríkisins vegna málefna Ystutungugirðingar.

Byggðarráð hvetur alla sveitarstjórnarmenn og sveitarstjóra að taka þátt í samráðs- og upplýsingafundum Sambands íslenskra sveitarfélaga vegna undirbúnings stefnumótunarvinnu á landsþingi.

Lagt fram til kynningar.

Byggðarráð fagnar því að samþykkt kauptilboð vegna Þorsteinsgötu 5 í Borgarnesi liggur fyrir. Tilboðið var gert í samræmi við fjárhagsáætlun sveitarfélagsins fyrir árið 2022, en kaupin á fasteigninni mun verða þáttur í uppbyggingu íþróttamannvirkja í Borgarbyggð og gerð á grundvelli vinnu starfshóps um uppbyggingu íþróttamannvirkja. Byggðarráð felur sveitarstjóra að undirrita kaupsamning vegna eignanna, með fyrirvara um samþykki sveitarstjórnar.

Byggðarráð felur sveitarstjóra að mæta til fundarins fyrir hönd sveitarfélagsins og fara með atkvæði þess.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.