Byggðarráð Borgarbyggðar

Í viðaukanum er gert ráð fyrir 11 milljónum króna í hækkun á framkvæmda- og fjárfestingaráætlun vegna drenvinnu sem þarf að vinna undir Grunnskólanum í Borgarnesi samhliða því að lokið verði við göngustíg aftan við Grunnskólann. Á móti er lækkaður kostnaður við gagnstéttar í Borgarnesi, en ljóst er að sú framkvæmd sem farið verður í á árinu 2022 í tengslum við endurgerð á Borgarbraut verður ekki jafn umfangsmikil og áður var áætlað. Viðaukinn hefur því engin áhrif á ársreikning sveitarfélagsins.
Byggðarráð felur sveitarstjóra að gera endanleg drög að viðaukanum og leggur til við sveitarstjórn að samþykkja viðaukann.

Byggðarráð felur sveitarstjórn að skipa starfshópinn í samræmi við 47. gr. samþykkta um stjórn Borgarbyggðar, samþykkja framlagt erindisbréf og skipa Halldóru Lóu Þorvaldsdóttur, Magnús Smára Snorrason og Orra Jónsson í starfshópinn. Starfshópurinn skal skila tillögum til afgreiðslu á sveitarstjórnarfundi.

Fram hefur komið að bæta þurfi við húsnæði við Grunnskólann á Kleppjárnsreykjum vegna fjölgunar nemenda. Byggðarráð tekur jákvætt í það og telur mikilvægt að aðstaðan sé bætt eins og kostur er. Óskað er eftir frekari kostnaðargreiningu og upplýsingar um mögulegar lausnir.

Drög að nýrri skólastefnu hefur verið birt til umsagnar á heimsíðu Borgarbyggðar. Skólastefnan fer til afgreiðslu á fræðslunefndarfundi í næstu viku og gert er ráð fyrir að hún verði afgreidd þaðan til samþykktar á fundi sveitarstjórnar 12. maí 2022.

Byggðarráð hvetur öll þau sem hafa áhuga áhuga á skólamálum að kynna sér drögin að stefnunni og senda inn athugasemdir ef einhverjar eru.

Byggðarráð felur sveitarstjóra að auglýsa stöðu forstöðumanns menningarmála í samræmi við umræður á fundinum. Byggðarráð bindur miklar vonir við þær breytingar sem gerðar verða með stöðunni muni hafa jákvæð áhrif á menningarlega upplifun í sveitarfélaginu, í samræmi við efni skýrslu um framtíðarfyrirkomulag Safnahúss Borgarfjarðar.

Íbúar Borgarbyggðar eru tæplega 3900 talsins, mikil dulin búseta er jafnframt, sérstaklega um helgar og á sumrin, vegna fjölda sumarhúsa á þjónustusvæði Borgarbyggðar. Enn fremur liggur Borgarnes við fjölfarinn þjóðveg stutt frá höfuðborgarsvæðinu. Ein lyfjabúð er í Borgarbyggð og er stutt á milli hennar og staðsetningar áætlaðrar lyfjabúðar.

Byggðarráð leggst ekki gegn veitingu leyfis Lyfjastofnunar til umsækjanda um nýtt lyfsöluleyfi.

Byggðaráð samþykkir að heimila fjallskilanefnd Brekku- og Svignaskarðsréttar að hefja undirbúning að samkomulagi við landeigendur innan Ystutungugirðingar um að nefndin taki að sér umsjón og vörslu Ystutungugirðingar þegar samkomulag Skógræktarinnar og landeigenda rennur út í ágúst 2023. Drög að samningum skulu lagðir fyrir byggðarráð, séu þeir ásættanlegir mun byggðarráð leggja til við sveitarstjórn að samþykkja að girðingin fái skilgreint hlutverk sem afréttargirðing þegar samningur Skógræktarinnar og landeigenda rennur út.

Byggðarráð samþykkir að farið verði í útboð á grundvelli framlagðra útboðsgagna og felur sveitarstjóra að bjóða út rekstur og hýsingu tölvukerfis Borgarbyggðar í samræmi við framlögð útboðsgögn.

Sveitarstjóri greinir frá stöðunni í móttöku flóttafólks á Bifröst, sem er þar í tímabundnu úrræði sem nefnist Skjól. Verkefnið hefur gengið mjög vel og þakkar byggðarráð starfsfólki sem kemur að verkefninu kærlega vel unnið verk. Nú eru rúmlega 100 manns á Bifröst og fjölgar enn í næstu viku. Pörun íbúa á Bifröst er hafin í varanleg búsetuúrræði og þá í einhverjum tilvikum hjá sveitarfélögum sem taka þátt í samræmdri móttöku flóttafólks hjá félags- og vinnumarkaðsráðherra.

Á 126. fundi velferðarnefndar sem haldinn var 3. maí 2022, tók nefndin jákvætt í erindi félags- og vinnumarkaðsráðherra að Borgarbyggð taki þátt í samræmdri móttöku flóttafólks. Taldi nefndin eðlilegt að skoða hvað samningur um samræmda móttöku flóttafólks myndi fela í sér fyrir sveitarfélagið og vísaði erindinu til byggðarráðs.

Dalabyggð hefur jafnframt sýnt því áhuga að taka þátt, með Borgarbyggð, í samræmdri móttöku flóttafólks.
Byggðarráð tekur undir bókun velferðarnefndar og felur sveitarstjóra að kanna hvað samningar við ráðuneytið feli í sér. Byggðarráð felur sveitarstjóra enn fremur að leita upplýsinga um það húsnæði sem stendur til boða fyrir flóttafólk í sveitarfélaginu, til að greina þann fjölda sem mögulegt er að taka á móti.

Byggðarráð leggur til við svetiarstjórn að samþykkja framlagt tilboð Sölva Más Hjaltasonar á 50% hlut Borgarbyggðar í landinu Búrfell Fjallendi í Hálsasveit, 311 Borgarbyggð, landið er í óskiptri sameign. Nákvæm landstærð liggur ekki fyrir en er talin vera 2.411 hektarar skv. stofnskjali er landið hins vegar mælt í fasteignaskrá sem rúmir 2.627 hektarar. Tilboðsgjafi er meðvitaður um framangreint.

Byggðarráð fagnar því að drög að hönnunarstaðli liggur nú fyrir, en atvinnu-, markaðs- og menningarmálanefnd mun taka hönnunarstaðalinn til afgreiðslu.

Byggðarráð felur sveitarstjóra að mæta til stofnfundar Nýsköpunar- og þróunarseturs á Vesturlandi. Byggðarráð tilnefnir sveitarstjóra enn fremur í stjórn setursins.

Byggðarráð felur sveitarstjóra að mæta til fundarins og undirrita viljayfirlýsinguna fyrir hönd Borgarbyggðar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Byggðarráð felur sveitarstjóra að senda fulltrúa Borgarbyggðar til fundarins.