Byggðarráð Borgarbyggðar

Frá Veitum mættu til fundar undir þessum lið Sólrún Kristjánsdóttir, framkvæmdastjóri, Pétur Krogh Ólafsson, þróunar- og viðskiptastjóri, Hrefna Hallgrímsdóttir, forstöðumaður hitaveitu, og Jón Trausti Kárason, forstöðumaður vatns- og fráveitu. Hrafnhildur Tryggvadóttir, deildarstjóri umhverfis- og framkvæmdadeildar, Guðný Elíasdóttir, skipulagsfulltrúi, og Eiríkur Ólafsson, sviðsstjóri fjármála, mættu jafnframt til fundarins undir þessum lið. Fram fór hreinskiptið samtal um stöðu forða og innviða. Byggðarráð leggur áherslu á auknar rannsóknir og framleiðslu á heitu og köldu vatni. Uppbygging íbúabyggðar í þéttbýli og dreifbýli veltur á traustum innviðum og aðgengi að heitu og köldu vatni. Sama má segja um fjölmörg atvinnutækifæri í sveitarfélaginu. Aðilar voru sammála um að tryggja gott flæði upplýsinga um uppbyggingaráform í sveitarfélaginu.

Drög að skýrslu Vinnueftirlitsins framlögð. Byggðarráð telur fulla ástæðu til að koma athugasemdum á framfæri við skýrsluna og felur sveitarstjóra kynna drög að athugasemdum á næsta fundi byggðaráðs 2. febrúar.

Byggðarráð samþykkir framlagða gjaldskrá og vísar til sveitarstjórnar til fullnaðarafgreiðslu.

Ákvörðun Hæstaréttar framlögð.

Byggðarráð leggur til að gerð verði breyting á lýsingu þar sem segir á bls. 4, í kafla 3, liður 3.1., undirliður 2.
„Breyting á legu þjóðvegar nr. 1 þannig að hann muni færast fjær byggðinni en hann er sýndur í gildandi aðalskipulagi. Horft verður til nokkurra kosta hvað leiðarval varðar (mynd 2) en í breytingartillögunni verður horft til leiðar 5 (græn leið) sem aðalvalkost.“
Honum verði breytt þannig að hann hljómi eftirfarandi:
"Breyting á legu þjóðvegar nr. 1 þannig að hann muni færast fjær byggðinni en hann er sýndur í gildandi aðalskipulagi. Horft verður til nokkurra kosta hvað leiðarval varðar (mynd 2) en í breytingartillögunni verði horft til blöndu af leiðum 3 og 5."
Breytingartillögu er vísað til frekari vinnu í skipulags- og byggingarnefnd.

Byggðarráð samþykkir framlagðan verksamning við Eflu og felur sveitarstjóra að undirrita með fyrirvara um fullnaðarsamþykkt sveitarstjórnar.

Byggðarráð tilnefnir Thelmu Dögg Harðardóttur sem fulltrúa Borgarbyggðar í samráðshóp um málefni náttúruverndarsvæðisins í Andakíl.

Byggðarráð þakkar Önnu Helgu gott starf og samþykkir að skipa Loga Sigurðsson í hennar stað.

Byggðarráð samþykkir hugmynd Ungmennaráðs um að haldinn verði sveitarstjórnarfundur unga fólksins fimmtudaginn 16. febrúar kl. 16.00. Fundinum verður streymt eins og venja er með sveitarstjórnarfundi.

María Neves samskiptastjóri Borgarbyggðar sat fundinn undir þessum lið. Byggðarráð þakkar kynningu á drögum að upplýsingabæklingi. Borgarbyggð vill taka vel á móti nýjum íbúum og leggja sitt af mörkum til að þeir fái sem allra bestar upplýsingar um þá fjölbreyttu þjónustu sem í boði er. Upplýsingabæklingurinn endurspeglar vel þann vilja sveitarfélagsins.

Byggðarráð staðfestir framlagðan samning við forsvarsmann Varmalandsdaga undirritaður rafrænt 20. og 23. janúar 2023 og vísar til sveitarstjórnar til fullnaðarafgreiðslu.

Byggðarráð samþykkir framlögð drög að auglýsingu eftir rekstraraðilum fyrir Grímshús og felur sveitarstjóra að fullvinna og kynna.

Fundargerð framlögð