Byggðarráð Borgarbyggðar

Mánudaginn 19. júní 2006 kom byggðarráð Borgarbyggðar saman til fundar kl. 08.00 að Borgarbraut 14 í Borgarnesi.

 

Mættir voru:

 

Aðalfulltrúar. Finnbogi Rögnvaldsson

Bjarki Þorsteinsson

Sveinbjörn Eyjólfsson

 

Sveitarstjóri. Páll S. Brynjarsson

Fundarritari. Eiríkur Ólafsson

 

Eftirfarandi var tekið fyrir:

 

Finnbogi Rögnvaldsson var kosinn formaður byggðaráðs og Björn Bjarki Þorsteinsson varaformaður.

 

Framlögð drög að lóðarleigusamningi vegna Brákarbrautar 11 í Borgarnesi.

Sveitarstjóra var falið að kynna samninginn fyrir lóðarhafa.

 

Framlagt fundarboð, dagsett 08.06. 2006, á framhaldsaðalfund Heilbrigðisnefndar Vesturlands sem fram fer í Borgarnesi 21.júní n.k.

Samþykkt var að Finnbogi Rögnvaldsson fari með atkvæði Borgarbyggðar á fundinum.

 

Framlagt fundarboð, dagsett 09.06. 2006, á aðalfund Orkuveitu Reykjavíkur sem fram fer í Reykjavík miðvikudaginn 21. júní n.k.

Samþykkt að Páll S. Brynjarsson sveitarstjóri verði fulltrúi Borgarbyggðar á fundinum.

 

Framlagður samningar Borgarfjarðarsveitar við Orkuveitu Reykjavíkur um kaup og rekstur vatnsveitu Borgarfjarðarsveitar sem og samkomulag um innheimtu vatnsgjalda.

 

Framlagður samningur við Unnstein Snorrason vegna vatnsbóls í landi Syðstu-Fossa.

 

Framlagt fundarboð dagsett 30.05. 2006, á aðalfund Faxaflóahafna sem fram fer í Reykjavík föstudaginn 23. júní n.k.

Samþykkt að Páll S. Brynjarsson sveitarstjóri verði fulltrúi Borgarbyggðar á fundinum og einnig var samþykkt að tilnefna Pál í stjórn Faxaflóahafna og Sveinbjörn Eyjólfsson til vara.

 

Rætt um breytingar á samþykktum fyrir Dvalarheimili aldraðra í Borgarnesi.

Samþykkt að senda fulltrúa á fundar stjórnar miðvikudaginn 21. júní n.k.

 

Framlagt bréf dags. 08.06. 2006 frá Þjónustuhópi aldraðra um fyrirhugaðar framkvæmdir við Dvalarheimili aldraðra í Borgarnesi.

Byggðaráð þakkar þjónustuhópnum góðar ábendingar.

 

Framlagður tölvupóstur frá slökkviliðsstjóra vegna helgarvakta, framlagt tilboð frá S.Magnússyni vegna slökkvibifreiðar og framlagt bréf frá Viðskiptaháskólanum á Bifröst vegna aðstöðu Brunavarna Borgarness á Bifröst.

Samþykkt var að óska eftir umsögn slökkviliðstjóra og bæjarverkfræðings um tilboð í slökkvibifreið.

Erindum um helgarvaktir og aðstöðu að Bifröst var vísað til gerðar næstu fjárhagsáætlunar.

Samþykkt að óska eftir fundi með slökkviliðs- og varaslökkviliðsstjórum beggja vegna Hvítár um sameiningu slökkviliðanna.

 

Framlögð kostnaðaráætlun Safnahúss Borgarfjarðar vegna námsvers á jarðhæð hússins.

Sveitarstjóra var falið að ræða við forstöðumann Safnahúss um búnað og aðstöðu.

 

Framlagt bréf, dagsett 06.06. 2006, frá Skipulagsstofnun vegna deiliskipulags við Ugluklett.

Í ljósi þess að fyrir liggja staðfestar aðalskipulagsbreytingar fyrir svæðið samþykkir byggðaráð að deiliskipulagið verði afgreitt með formlegum hætti.

 

Framlagt bréf, dagsett 31.05. 2006 frá Skólanefnd Tónlistarskóla Borgarfjarðar um rekstur skólans.

Byggðaráð þakkar skólanefndinni fyrir vel unnin störf.

Einnig var samþykkt að óska eftir fundi með rekstraraðilum skólans.

 

Framlagt afrit af bréfi Skipulagsstofnunar dags. 29.05.´06 til Umhverfisráðuneytis vegna aðalskipulags Hvítársíðuhrepps.

Samþykkt var að fela sveitarstjóra að vinna að stofnun vinnuhóps um aðalskipulag sveitarfélagsins í heild.

 

Framlögð fundargerð Héraðsnefndar Mýrasýslu frá 30. maí s.l.

 

Framlögð fundargerð frá fundi í deiliskipulagsnefnd á Hvanneyri sem fram fór 2. maí s.l.

Samþykkt að vísa fundargerðinni til umhverfis- og skipulagsnefndar.

Samþykkt að óska eftir fundi með Ágústi Sigurðssyni rektor Landbúnaðarháskólans um skipulagsmál.

 

Framlagðar umsóknir Önnu G. Þórhallsdóttur um styrk vegna tónlistarnáms.

Vísað til fræðslunefndar.

 

Framlagður tölvupóstur frá leikskólastjóra á Andabæ vegna biðlista við skólann.

Vísað til fræðslunefndar.

 

Rætt um viðhaldsverkefni við leikskólann Hraunborg á Bifröst og færanlega kennslustofu.

Samþykkt að fela bæjarverkfræðingi að kostnaðarmeta stækkun húsnæðisins og sveitarstjóra falið að vinna áfram að málinu.

 

Rætt um framkvæmdir við sparkvelli á Bifröst og Hvanneyri

Samþykkt var að fela bæjarverkfræðingi að vinna undirbúningsvinnu að gerð sparkvallanna.

 

Á fundinn mætti Sigurður Páll Harðarson bæjarverkfræðingur.

Rætt um frágang á lóðarmörkum við Engjaás og Sólbakka í Borgarnesi.

Samþykkt var að fela Sigurði Páli að gera drög að samkomulagi um frágang á lóðamörkum sem tengist lóðastækkun á Engjaási. Einnig var Sigurði Páli og heilbrigðisfulltrúa falið að skoða heimildir sveitarfélaga að grípa inn í umgengni fyrirtækja á lóðum.

 

Rætt um umsókn Borgarneskjötvara til að breyta húsnæði sínu í Brákarey.

Umsóknin verður tekin fyrir í skipulags- og byggingarnefnd.

 

Rætt um fyrirhuguð kaup Borgarbyggðar á fasteigninni að Brákarbraut 2.

Rætt um úthlutun lóðarinnar að Brákarbraut 2.

 

24. Framkvæmdir.

Sigurður Páll sagði frá stöðu framkvæmda á vegum sveitarfélagsins.

Samþykkt var að fela Sigurði að semja við SG-hús hf. um kaup á húsi og að bjóða út aðra verkþætti við nýjan leikskóla við Ugluklett.

Lagt var fram minnisblað frá Línuhönnun dags. 13.06.’06 í tengslum við deiliskipulag á fjölbýlishúsi við Kveldúlfsgötu 29 um breytingar á umferð við götuna í tengslum við fyrirhugað fjölbýlishús.

 

Samþykkt var að fela sveitarstjóra að tilkynna um breytt fyrirkomulag nefnda og starfsmanna er fjalla um skipulags- og byggingarmál í sameinuðu sveitarfélagi.

 

Rætt um mögulegar framkvæmdir á Bifröst

 

Rætt um drög að nýjum samþykktum, erindisbréfum og skipuriti fyrir Borgarbyggð.

 

Rætt um starfsmannamál.

 

Rætt um samskipti við nágrannasveitarfélög og sameiginleg verkefni.

Samþykkt var að fela sveitarstjóra að óska eftir fundi með Skorradalshreppi, Hvalfjarðarsveit og Eyja- og Miklaholtshrepp um byggðasamlög og samstarfsverkefni.

Samþykkt var fela sveitarstjóra að óska eftir fundi með fulltrúum Hvalfjarðarsveitar, Skorradalshrepps og Akraneskaupstaðar um samstarf sveitarfélaganna.

 

Rætt um umsókn til Jöfnunarsjóðs vegna breytinga á stjórnsýslu Borgarbyggðar

 

Samþykkt að fela sveitarstjóra að semja við Kolfinnu Jóhannesdóttir um kaup á ritgerðum um stjórnsýslu sveitarfélaga.

 

Framlögð voru drög að ráðningarsamningi við Pál S. Brynjarsson sveitarstjóra Borgarbyggðar kjörtímabilið 2006 – 2010.

Vísað til sveitarstjórnar.

 

Samþykkt var að halda næsta fund sveitarstjórnar fimmtudaginn 22. júní kl. 16,30.

 

Samþykkt var að halda næsta fund byggðaráðs miðvikudaginn 28. júní kl. 8,00.

 

a. Fundargerð frá sameiginlegum fundi sveitarstjórna Borgarbyggðar, Borgarfjarðarsveitar, Hvítársíðuhrepps og Kolbeinsstaðahrepps sem haldinn var 07. júní 2006.

b. Fundargerð stjórnarfundar Menntaskóla Borgarfjarðar ehf. dags. 01.06.’06.

 

 

Fleira ekki gert.

 

Fundargerðin upplesin og

samþykkt samhljóða.

 

Fundi slitið kl. 12,40