Byggðarráð Borgarbyggðar

Mættir voru:

Aðalfulltrúar:Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri:Eiríkur Ólafsson sem ritaði fundargerð

Eftirfarandi var tekið fyrir:

Framlagt yfirlit yfir tilboð sem bárust í byggingu leikskóla við Ugluklett í Borgarnesi.

Tilboð bárust frá eftirtöldum:

Byggingarfélaginu Nýverk kr. 50.496.666

Sólfelli ehf. " 53.359.213

Samþykkt með tveimur atkvæðum að semja við lægstbjóðanda.

Bjarki tók ekki þátt í afgreiðslu vegna tengsla við tilboðsaðila.

 

Framlagt bréf frá félagsmálaráðuneytinu dagsett 25.09. 2006 vegna skipunar barnaverndarnefndar.

Sveitarstjóra var falið að tilkynna Félagsmálaráðuneytinu að félagsmálanefnd hafi verið falin verkefni barnaverndarnefndar í Borgarbyggð.

Framlagt bréf frá Hvalfjarðarsveit dagsett 25.09. 2006 vegna almenningssamgangna.

Byggðarráð lýsti yfir áhuga að taka þátt í viðræðum með Hvalfjarðarsveit við aðra aðila um almenningssamgöngur.

Framlagt bréf dagsett 26.09. 2006 frá Jónínu E. Arnardóttir f.h. kennara við Tónlistarskóla Borgarfjarðar þar sem óskað er eftir styrk vegna námsferðar kennara.

Samþykkt að vísa erindinu til skólastjóra Tónlistarskólans.

Framlagt bréf dagsett 26. september s.l. frá Sorpurðun Vesturlands þar sem tilkynnt er um hækkun urðunargjalda.

Framlagt bréf dagsett 22.09. 2006 frá Jöfnunarsjóði sveitarfélaga vegna úthlutunar á aukaframlagi fyrir árið 2006.

Rætt um reglur um stuðning við tónlistarskólanemdur.

Framlögð var tillaga að gjaldskrá Borgarbyggðar um niðurgreiðslur námskostnaðar vegna tónlistarnáms utan Borgarbyggðar.

Tillagan var samþykkt með 2 atkv. Sveinbjörn sat hjá við afgreiðslu og lagði fram svohljóðandi bókun:

"Undirritaður lýsir enn og aftur yfir vonbrigðum með að málefni tónlistarnáms skuli ekki afgreidd heilstætt og málaflokknum mörkuð stefna til framtíðar."

Framlagt minnisblað forstöðumanns framkvæmdasviðs vegna áhaldshúsvinnu, garðsláttar og snjómoksturs.

Framlögð tillaga að erindisbréfi fyrir vinnuhóp vegna sameiningar slökkviliða í Borgarbyggð.

Samþykkt var að skipa Kristján Inga Pétursson, Bergþór Kristleifsson, Sigurð Helgason, Sigurð Pál Harðarson og Eirík Ólafsson í vinnuhópinn.

10. Endurbætur á stjórnsýslu Borgarbyggðar

Rætt um tilnefningar í nefnd um endurbætur á stjórnsýslu Borgarbyggðar vegna sameiningar sveitarfélaga.

Samþykkt var að tilnefna Bjarka Þorsteinsson, Sveinbjörn Eyjólfsson og Sigríði Björk Jónsdóttur í nefndina og var sveitarstjóra falið að tilnefna tvo starfsmenn í nefndina.

Rætt um skipulag á starfsemi Tónlistarskóla Borgarfjarðar.

Samþykkt var að fela sveitarstjóra að vera fulltrúa Borgarbyggðar í nefnd sem fer yfir starfsemi skólans og gerir tillögur um breytingar á rekstrarfyrirkomulagi.

Framlagt bréf frá Samtökum sveitarfélaga á Vesturlandi dags. 22.09.06 um námskeið fyrir sveitarstjórnarmenn og starfsfólk sveitarfélaga.

Samþykkt var að fela sveitarstjóra að taka saman minnisblað um áherslur sveitarfélagsins í þessum efnum.

Á fundinn mættu Guðmundur Eiríksson og Jón J. Haraldsson frá Golfklúbbi Borgarness til viðræðna um uppbyggingu á golfvellinum að Hamri.

Framlagt bréf M2-ráðgjafar dags. 26.09.06 þar sem skilað er parhúsalóðum nr. 34-36 og 38-40 við Stöðulsholt og einbýlishúsalóðunum nr. 37 og 39 við sömu götu sem fyrirtækið hafði áður fengið úthlutað.

Samþykkt að fela forstöðumanni framkvæmdasviðs að auglýsa lausar lóðir.

Framlagt bréf eigenda jarðanna Hamra, Hermundarstaða, Lundar og Hamars í Þverárhlíð varðandi smölun heimalanda.

Vísað til landbúnaðarnefndar.

Framlögð fundargerð vinnuhóps um aðalskipulag Borgarbyggðar dags. 21.09.06.

Byggðarráð telur eðlilegt að einn aðili vinni að aðalskipulagi fyrir sveitarfélagið og var samþykkt að fela sveitarstjóra að undirbúa útboð á aðalskipulagi fyrir sveitarfélagið.

Framlagt bréf forstöðumanns Safnahúss Borgarfjarðar dags. 28.09.06 varðandi skipan vinnuhóps um slit á samstarfi um Safnahúsið.

Samþykkt var að bjóða forstöðumanni Safnahússins á næsta fund byggðarráðs.

Framlögð drög að reglum fyrir Styrktarsjóð Sparisjóðs Mýrasýslu.

Rætt um vinnu við fjárhagsáætlun fyrir árið 2007.

Lögð fram tillaga að skiptingu fjármagns á milli málaflokka og gerð á henni nokkrar breytingar. Tillagan var samþykkt.

Sveinbjörn tók fram að hann samþykkti skiptingu milli málaflokka með eftirfarandi fyrirvörum:

"1. Ekki liggja fyrir upplýsingar um rauntölur fyrir árið 2006 sem sýna stöðu einstakra málaflokka.

2. Hef áhyggjur af því að fjármagn til fræðslumála dugi ekki fyrir verkefnum."

Lagt fram tilboð frá Nepal ehf. um gerð vefsíðu fyrir Borgarbyggð.

Sveitarstjóra var falið að vinna áfram að málinu.

Rætt um fyrirhugaðan fund með hreppsnefnd Eyja- og Miklaholtshrepps um sameiginleg málefni sem haldinn verður 04. október.

Samþykkt var að fela Finnboga Rögnvaldssyni umboð vegna samkomulags sveitarfélaga í Snæfellsnes- og Borgarfjarðarumdæmi um skipulags- og byggingarfulltrúa.

Sveinbjörn lagði fram svohljóðandi bókun:

"Undirritaður lýsir sérstakri ánægju með sameiginlega ferð sveitarstjórnar og starfsfólks á skrifstofu sveitarfélagsins, sem farin var um sveitarfélagið laugardaginn 29. september sl. Ferðin var í senn bæði mjög fróðleg og félagsleg og til þess fallin að auka samvinnu kjörinna fulltrúa og starfsfólks. Að endingu kann ég öllum þeim sem tóku á móti okkur bestu þakkir fyrir fróðleikinn og að hafa gefið af takmörkuðum tíma sínum."

Fleira ekki gert.

Fundargerðin upplesin og

samþykkt samhljóða.

 

Fundi slitið kl.12,00.