Sveitarstjórn Borgarbyggðar

2203206

2304017

2308024

2305217

2010038

2111213

2308251

2308020

2308247

2309025

2309008

2205140

1901093

2309080

2104175

2308157

2308087

2308025

2308162

2308182

2308034

2308006F

• 22.1 2308019 Skólastarf í byrjun skólaárs
  Byggðarráð Borgarbyggðar - 642 Mönnun á leikskólum og fjöldi leikskólarýma í haust gerir Borgarbyggð kleift að viðhalda því markmiði að geta boðið börnum við 12 mánaða aldurinn leikskólavist. Nokkuð betur hefur gengið að manna störf á leikskólum heldur en útlit var fyrir og lítils háttar samdráttur hefur orðið í fjölda leikskólabarna. Rými er til fjölgunar barna við leikskóla í Borgarbyggð en það er mismunandi eftir aldri og staðsetningu. Um tugur starfsmanna í leikskólum Borgarbyggðar eru nú við nám i leikskólafræðum eða framhaldsnám í málaflokknum. Það er áskorun að viðhalda háu menntastigi á leikskólastiginu og tilflutningur háskólamenntaðs starfsfólks milli skólastiga hefur komið niður á leikskólum. Nemendur við leikskóla í Borgarbyggð eru liðlega 200 talsins og starfsfólk 63 að tölu.
  Nemendur við grunnskóla í Borgarbyggð eru rúmlega 500 talsins og starfsfólk er 112 talsins. Vel horfir varðandi mönnun í grunnskólum Borgarbyggðar í haust. Breytingar hafa verið gerðar á fyrirkomulagi þrifa en þrif hafa verið boðin út. Í vor var gerð breyting á fyrirkomulagi stjórnunar hjá skólunum þannig að deildarstjórn og teymisvinna var aukin. Samhliða eru báðir grunnskólar Borgarbyggðar orðnir þátttakendur þróunarverkefni í leiðsagnarnámi á vegum Háskólans á Akureyri. Það verða gerðar lítils háttar breytingar á skólaakstri sem helgast m.a. af nýjum nemendum sem áður gengu í Laugagerðisskóla. Áhersla á kennslu barna með annað móðurmál en íslensku verður aukin samhliða vaxandi þörf, ekki síst á Varmalandi.
  Það verður áfram krefjandi að manna frístund í Borgarbyggð. Húsnæði frístundar þurfa áframhaldandi skoðunar við. Byggðarráð telur ástæðu til að skoða með opnum hug hvaða leiðir eru færar til að tryggja samfellu milli skóla- og frístundastarfs barna.
• 22.2 2307084 Samtal um stöðu og stefnu Háskólans á Bifröst
  Byggðarráð Borgarbyggðar - 642 Ljóst er að þrýst er mjög á samstarf eða sameiningu skóla á háskólastigi af hálfu ráðherra. Bifröst hefur verið þátttakandi í því samtali og hefur lýst frumkvæði af því að skoða samstarf. Sjónarmið skólans hefur verið að samstarf styrki háskólasamfélagið um land allt, ekki síst á landsbyggðinni. Það er alveg ljóst að tilkoma og starf háskólans á Bifröst lyfti grettistaki í háskólamenntun á landsbyggðinni og ekki síst á Vesturlandi. Aukin áhersla á fjarnám og sterk staða skólans á því sviði hefur styrkt stöðu hans enn frekar sem lykilþátttakanda í að efla háskólamenntun um land allt, meðal fólks sem hefur háskólamenntun síðar á lífsleiðinni og meðal landsmanna sem eiga erfitt með að sækja menntun t.d. til miðborgar Reykjavíkur.
  Húsnæðismál á Bifröst og mikil viðhaldsþörf þrýsta á frekari ákvarðanir um háskólastarf og aðra þróun á Bifröst. Borgarbyggð lýsir yfir vilja til að vera virkur þátttakandi í stefnumótun hvað það varðar.
  
  Hlöðver Ingi Gunnarsson lauk setu á fundi.
• 22.3 2308005 Stuðningur við Bjsv. Brák v. húsbyggingar
  Byggðarráð Borgarbyggðar - 642 Framlagt bréf björgunarsveitarinnar Brákar en þar er óskað eftir því að Borgarbyggð greiði fyrir malbikun á lóð björgunarsveitarinnar við Fitjar. Byggðarráð samþykkir að vísa málinu til umræðu í tengslum við gerð fjárhagsáætlunar 2024 og mun samhliða óska eftir viðræðum við fulltrúa björgunarsveitarinnar.
  
  Samþykkt samhljóða.
• 22.4 2203206 Eignasjóður Grímshús Brákarey
  Byggðarráð Borgarbyggðar - 642 Byggðarráð felur sveitarstjóra að fullvinna samningsdrögin og undirrita með fyrirvara um samþykki sveitarstjórnar.
  
  Samþykkt samhljóða.
• 22.5 2012111 Skorradalshreppur - samningar
  Byggðarráð Borgarbyggðar - 642 Byggðarráð felur sveitarstjóra að vinna málið áfram í samræmi við umræðu á fundi.
  
  Samþykkt samhljóða.
  
  Lilja Björg Ágústsdóttir sviðsstjóri stjórnsýslu- og fjármálasviðs mætti til fundarins undir þessum lið.
• 22.6 2304021 Umbætur á Microsoft-leyfum hjá Borgarbyggð
  Byggðarráð Borgarbyggðar - 642 Framlagt.
• 22.7 2308040 9 brautir fyrir Frisbee golf í Borgarnesi
  Byggðarráð Borgarbyggðar - 642 Byggðarráð þakkar fyrir og tekur jákvætt í áhugaverða hugmynd og vísar til umhverfis- og landbúnaðarnefndar.
  
  Samþykkt samhljóða.
• 22.8 2308041 Strandblakvöllur í Borgarnesi - aðgengi að ströndum Borgarness
  Byggðarráð Borgarbyggðar - 642 Byggðarráð þakkar fyrir áhugaverða hugmynd og felur sveitarstjóra að meta kostnað og önnur áhrif. Erindinu er jafnframt vísað til umræðu í umhverfis- og landbúnaðarnefnd.
  
  Samþykkt samhljóða.
• 22.9 2308024 Leyfisumsókn rallaksturskeppni
  Byggðarráð Borgarbyggðar - 642 Byggðarráð samþykkir framlagða beiðni Bifreiðaíþróttaklúbbs Reykjavíkur um rallökukeppni um Uxahryggi og Kaldadal 20. ágúst 2023.
  
  Samþykkt samhljóða.
• 22.10 2308043 Niðurfelling vegar af vegaskrá - Traðarvegur 5631-01
  Byggðarráð Borgarbyggðar - 642 Byggðarráð felur sveitarstjóra að taka afstöðu til þeirra raka sem búa að baki fyrirhugaðri ákvörðun Vegagerðarinnar, svo sem m.t.t. búsetu og atvinnustarfsemi, og koma þeirri afstöðu á framfæri við Vegagerðina ef tilefni er til.
  
  Samþykkt samhljóða.
• 22.11 2308042 Niðurfelling hluta vegar af vegaskrá - Brekkuhvammsvegur 5164-11
  Byggðarráð Borgarbyggðar - 642 Byggðarráð felur sveitarstjóra að taka afstöðu til þeirra raka sem búa að baki fyrirhugaðri ákvörðun Vegagerðarinnar, svo sem m.t.t. búsetu og atvinnustarfsemi, og koma þeirri afstöðu á framfæri við Vegagerðina ef tilefni er til.
  
  Samþykkt samhljóða.

2308017F

• 23.1 2205028 Heimasíða Borgarbyggðar
  Byggðarráð Borgarbyggðar - 643 Maria Neves samskiptastjóri sýndi fyrstu útgáfu af nýrri heimasíðu sem áætlað er að opna formlega í september. Mikil vinna hefur verið lögð í að tryggja notendavænna umhverfi með því að einfalda og endurbæta síðuna. Nýja síðan er aðgengileg og einföld í notkun og hefur upplýsingamiðlun verið bætt til muna.
  Nýja heimasíðan mun innihalda skilvirka leitarvél, notendavænna viðmót, smellir við upplýsingaleit ættu að verða mun færri og mikilvægar upplýsingar verða aðgengilegar við fyrstu snertingu. Áfram verður unnið að því að innleiða stafrænar lausnir sem gerir notendum kleift að til dæmis reikna sérstakar húsaleigubætur og sjá hvenær næsta sorptunnulosun á sér stað með því að slá inn heimilisfang svo dæmi séu nefnd.
  Það verður mikið ánægjuefni þegar heimasíðan fer í loft. Byggðarráð bindur vonir við að hún muni hafa afgerandi jákvæð áhrif á upplýsingamiðlun Borgarbyggðar og notendaupplifun íbúa og gesta.
• 23.2 2308145 Markaðsmál 2023
  Byggðarráð Borgarbyggðar - 643 Byggðarráð samþykkir að fela sveitarstjóra að vinna málið áfram og leggja fram samningsdrög á grundvelli tilboðsins.
  
  Samþykkt samhljóða.
  
  María Neves samskiptastjóri fór af fundi að afloknum þessum lið.
• 23.3 2305217 Útboð á ræstingum - Consensa
  Byggðarráð Borgarbyggðar - 643 Byggðarráð samþykkir að ganga að tilboði Sólar ehf. um ræstingar á stofnunum Borgarbyggðar með fyrirvara um samþykki sveitarstjórnar. Þá samþykkir byggðarráð framlögð drög að þjónustusamningi við Sólar ehf. um ræstingar á stofnunum Borgarbyggðar og felur sveitarstjóra að fullvinna og undirrita með fyrirvara um samþykki sveitarstjórnar. Að mati byggðarráðs gefur tilboð Sólar ehf. ekki tilefni til breytinga á fjárhagsáætlun sveitarfélagsins.
  
  Samþykkt samhljóða.
• 23.4 2308155 Boð um þátttöku í samráði - Drög að reglugerð um íbúakosningar sveitarfélaga
  Byggðarráð Borgarbyggðar - 643 Framlagt.
• 23.5 2302108 Fundargerðir Faxaflóahafna 2023.
  Byggðarráð Borgarbyggðar - 643 Framlagt.
• 23.6 2306088 Aðalfundur Faxaflóahafna sf. - fundarboð
  Byggðarráð Borgarbyggðar - 643 Fundargerð framlögð.
• 23.7 2301206 Hafnasamband Íslands - fundargerðir 2023
  Byggðarráð Borgarbyggðar - 643 Framlagt.

2309001F

• 24.1 2304017 Viðauki við fjárhagsáætlun 2023
  Byggðarráð Borgarbyggðar - 644 Lögð fram tillaga að viðauka V við fjárhagsáætlun 2023. Í tillögunni er gert ráð auknum kostnaði við flutning á gögnum í Safnahús, kostnað vegna niðurstöðu dómsmáls og lögfræðikostnað vegna þess og aukinn kostnað vegna nýbúakennslu í grunnskólum. Þá er einnig gert ráð fyrir auknum kostnaði við aukningu stöðugilda í íþróttamiðstöð, ýmsa ráðgjöf m.a. í barnaverndarmálum og kostnað vegna kynnisferðar.
  Á móti koma auknar tekjur úr Jöfnunarsjóði sveitarfélaga og einnig er gert ráð fyrir lægri launakostnaði í leikskóla.
  Á framkvæmdaáætlun er bætt við kaupum á tankbifreið fyrir slökkvilið en á móti kemur lækkun á framkvæmdakostnaði við slökkvistöð.
  Heildaráhrif viðaukans eru lækkun á handbæru fé fyrir 25,7 m.kr.
  
  Samþykkt samhljóða.
• 24.2 2307011 Fjárhagsáætlun 2024
  Byggðarráð Borgarbyggðar - 644 Vinna við fjárhagsáætlun 2024 hófst síðsumars og stendur nú yfir. Forstöðumenn stofnana vinna nú tillögu að ramma fyrir sínar stofnanir í samstarfi við fjármála- og stjórnsýslusvið. Skipulags- og umhverfissvið vinnur að nú að tillögu um fjárfestingar og viðhald í samræmi við útistandandi leiðsögn sveitarstjórnar. Í október eru áætlaðir vinnufundir sveitarstjórnar um rekstur og fjárfestingar til næstu ára. Áætlað er að tillaga að fjárhagsáætlun verði lögð fram til fyrri umræðu þann 9. nóvember og til seinni umræðu 14. desember.
  
  Eiríkur Ólafsson fór af fundi að afloknum þessum lið.
• 24.3 2010038 Hvalfjarðarsveit - Beiðni um samning vegna barnaverndarþjónustu og annarrar félagsþjónustu Borgarbyggðar
  Byggðarráð Borgarbyggðar - 644 Lagt fram og vísað til afgreiðslu sveitarstjórnar.
  
  Samþykkt samhljóða.
• 24.4 2309048 Umræða um Slökkvilið Borgarbyggðar
  Byggðarráð Borgarbyggðar - 644 Byggðarráð þakkar slökkviliðsstjóra fyrir gott samtal. Heiðar Örn tók við starfi slökkviliðsstjóra þann 1. apríl sl. og fór hann yfir fyrstu mánuði í starfi og áherslur í rekstri og fjárfestingum í komandi áætlanagerð. Slökkviliðsstjóri lýsti breyttum áherslum svo sem í boðun slökkviliðsmanna á vettvang og æfingar til að halda aftur af kostnaðarþróun á móti auknu álagi. Slökkvilið Borgarbyggðar er afar vel mannað af vel menntuðu slökkviliðsfólki. Fram kom hjá slökkviliðsstjóra að þörf er á aukinni mönnun til að sinna eldvarnareftirliti.
  Það sem af er þessu ári eru útköll slökkviliðsins samtals 48 sem er u.þ.b. tvöföldun frá því árin þar á undan. Verulegur hluti útkalla er vegna slysa á þjóðvegum á starfssvæði slökkviliðsins.
  Að mati byggðarráðs Borgarbyggðar er full ástæða til að sveitarfélögin eigi samtal við ríkisvaldið um að brunavarnir, eldvarnareftirlit og viðbragð á þjóðvegum sé hluti af almannavörnum landsins. Byggðarráð vill vekja sérstaka athygli á því að viðbragð vegna eldgosa er í auknum mæli til að verjast útbreiðslu gróðurelda. Baráttu við gróðurelda þekkir slökkviliðsfólk úr Borgarbyggð mjög vel. Byggðarráð Borgarbyggðar hvetur til þess að almannavarnir í samstarfi við sveitarfélög standi að uppbyggingu á nauðsynlegum búnaði til að verjast gróðureldum.
  
• 24.5 2205035 Fornbílafjelag Borgarfjarðar - samskipti vegna húsnæðismála
  Byggðarráð Borgarbyggðar - 644 Gott samtal fór fram við stjórnarmenn í Fornbílafjelagi Borgarfjarðar. Það kom fram vilji frá þeim þess efnis að stefnt yrði sem fyrst að uppgjöri á milli aðila um bætur frá sveitarfélaginu til Fornbílafjelagsins vegna lokunar aðstöðu þeirra í Brákarey árið 2021. Byggðarráð felur sveitarstjóra að halda áfram viðræðum við stjórn félagsins.
  
  Samþykkt samhljóða.
• 24.6 2111213 Brákarey - framtíðarskipulag
  Byggðarráð Borgarbyggðar - 644 Byggðarráð samþykkir framlögð drög og felur sveitarstjóra að undirrita með fyrirvara um samþykki sveitarstjórnar.
  
  Samþykkt samhljóða.
  
  Lilja Björg Ágústsdóttir fór af fundi að afloknum þessum lið.
• 24.7 2307228 Starfshópur um skattalegt umhverfi orkuvinnslu
  Byggðarráð Borgarbyggðar - 644 Byggðarráð samþykkir framlögð drög og felur sveitarstjóra að fullvinna og koma á framfæri.
  
  Samþykkt samhljóða.
  
  Davíð Sigurðsson fór af fundi að afloknum þessum lið.
• 24.8 2309029 Hvatning til sveitarstjórna um mótun málstefnu
  Byggðarráð Borgarbyggðar - 644 Lagt fram til kynningar.
• 24.9 2309014 Beiðni um framlag til starfsemi Stígamóta 2024.
  Byggðarráð Borgarbyggðar - 644 Framlögð umsókn Stígamóta um styrk til rekstrar fyrir árið 2024. Stígamót veita mikilvæga þjónustu fyrir landsmenn alla, þar á meðal íbúa Borgarbyggaðr. Byggðarráð leggur til að veittur verði 100.000 kr. styrkur, sem er í samræmi við styrk yfirstandandi árs, til Stígamóta og vísar afgreiðslu til fjárhagsáætlunar.
  
  Samþykkt samhljóða.
• 24.10 2309025 Haustþing SSV 2023
  Byggðarráð Borgarbyggðar - 644 Fundarboð framlagt og er aðalfulltrúum Borgarbyggðar á aðalfund SSV 2022-2026 falið að mæta á þingið fyrir hönd sveitarfélagsins en þeir eru Bjarney L. Bjarnadóttir, Brynja Þorsteinsdóttir, Eva Margrét Jónudóttir og Sigrún Ólafsdóttir.
  
  Samþykkt samhljóða.
• 24.11 2309008 Ársfundur Jöfnunarsjóðs sveitarfélaga 2023
  Byggðarráð Borgarbyggðar - 644 Fundarboð framlagt og felur byggðarráð Eiríki Ólafssyni fjármálastjóra að mæta á fundinn fyrir hönd Borgarbyggðar.
  
  Samþykkt samhljóða.

2308014F

• 25.2 2306047 Janus heilsuefling
  Velferðarnefnd Borgarbyggðar - 139 Það er samhljóma álit að fjölþætt heilsuefling 60 í Borgarbyggð sé mikilvægt verkefni til að auka þjónustu við þann hóp. Samþykkt er að gengið verði til samninga. Málið verður tekið til kynningar á næsta fundi Velferðarnefndar þegar frekari útfærsla liggur fyrir hvenær verkefnið hefst.
  
  
• 25.3 1901093 Samstarf um greiðslu gistináttagjalds í neyðarathvörfum Reykjavíkurborgar fyrir heimilislausa
  Velferðarnefnd Borgarbyggðar - 139 Rætt um verklagsreglur innan félagsþjónustu Borgarbyggðar er kemur að þjónustu við notendur í neyðarathvörfum Reykjavíkurborgar.
  
  
• 25.4 2303272 Frumkvæðisathugun GEV á gæðum þjónustu barnaverndar
  Velferðarnefnd Borgarbyggðar - 139 Velferðarnefnd leggur áherslu á að gagnaöflun fyrir GEV verði kláruð sem allra fyrst. Félagsmálastjóri fylgir því eftir. Velferðarnefnd verður jafnframt upplýst þegar niðurstöður frá GEV liggja fyrir.
• 25.5 2303023 Samræmd móttaka flóttafólks
  Velferðarnefnd Borgarbyggðar - 139 Velferðarnefnd leggur til að félagsmálastjóri vinni áfram að kostnaðargreiningu tengt verkefninu.
  Málinu er frestað fram að næsta fundi.
  
• 25.6 2201148 Breytingar á barnaverndarlögum og uppbyggingu barnaverndarþjónustu sveitafélaga.
  
  Velferðarnefnd Borgarbyggðar - 139 Velferðarnefnd leggur til að gengið verði til samninga sem allra fyrst en jafnframt er mikilvægt að fara að huga að frekari útfærslu á barnaverndarþjónustu á Vesturlandi.

2309008F

• 26.1 2201148 Breytingar á barnaverndarlögum og uppbyggingu barnaverndarþjónustu sveitafélaga
  Velferðarnefnd Borgarbyggðar - 140 Velferðarnefnd gerir ekki athugasemd við samninginn og er erindi vísað til staðfestingar hjá sveitastjórn.
• 26.2 2306047 Janus heilsuefling
  Velferðarnefnd Borgarbyggðar - 140 Áætlun er snýr að undirbúning verkefnisins liggur að mestu fyrir. Ef áætlun gengur eftir þá má gera ráð fyrir að verkefnið hefjist strax eftir áramót.
• 26.3 2303023 Samræmd móttaka flóttafólks
  Velferðarnefnd Borgarbyggðar - 140 Velferðarnefnd leggur ríka áherslu á að við móttöku flóttafólks verði horft til þess að sveitarfélagið geti sinnt lögbundinni þjónustu og gætt verði að jafnvægi á innviðum Borgarbyggðar.
  
  

2308023F

• 27.1 2308251 Breyting á aðalskipulagi - Hótel Hamar
  Skipulags- og byggingarnefnd Borgarbyggðar - 56 Skipulags- og byggingarnefnd leggur til við sveitarstjórn að samþykkja framlagða lýsingu til auglýsingar fyrir Hótel Hamar og breytingu á deiliskipulagi fyrir lóð hótelsins skv. 30. og 40. gr. skipulagslaga nr. 123/2010.
• 27.2 2210045 Breyting á aðalskipulagi - Breytt lega þjóðvegar við Borgarnes
  Skipulags- og byggingarnefnd Borgarbyggðar - 56 Skipulags- og byggingarnefnd felur skipulagsdeild að vinna málið áfram með skipulagshönnuði í samráði við Vegagerðina og leggja fyrir að nýju á næsta fundi nefndarinnar.
• 27.3 2308020 Breyting á aðalskipulagi - Hækkun á nýtingarhlutfalli - Ugluklettur
  Skipulags- og byggingarnefnd Borgarbyggðar - 56 Skipulags- og byggingarnefnd leggur til við sveitarstjórn að samþykkja breytingu á aðalskipulagi Borgarbyggðar sem felst í hækkun á nýtingarhlutfalli innan svæðis fyrir þjónustustofnanir Þ4, vegna stækkunar á leikskólanum Uglukletti. Breytingin er gerð samkvæmt 2. mgr. 36. gr. skipulagslaga nr. 123/2010. Niðurstaðan skal auglýst og send Skipulagsstofnun til staðfestingar.
• 27.4 2308247 Ugluklettur - leikskóli - br.dsk
  Skipulags- og byggingarnefnd Borgarbyggðar - 56 Skipulags- og byggingarnefnd leggur til við sveitarstjórn að samþykkja framlagða tillögu að breytingu á deiliskipulagi til auglýsingar að teknu tilliti til athugasemda nefndarinnar. Aðalskipulagsbreyting er gerð samhliða. Málsmeðferð verður samkvæmt 41. gr. skipulagslaga nr. 123/2010.
• 27.5 2308244 Brúartorg 6 L135571 - Umsókn um deiliskipulag
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða tillögu að breytingu á deiliskipulagi til auglýsingar. Lagður var fram uppdráttur dags. 16.08.2023. Málsmeðferð verður samkvæmt 41. gr. skipulagslaga nr. 123/2010.
  Skipulags- og byggingarnefnd felur skipulagsdeild að gera nýja lóðaleigusamninga við lóðarhafa í samræmi við uppfærðar lóðastærðir.
• 27.6 2305265 Hleðslugarður við Digranesgötu 4
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða tillögu að breytingu á deiliskipulagi til auglýsingar. Lagður var fram uppdráttur dags.30.08.2023. Málsmeðferð verður samkvæmt 41. gr. skipulagslaga nr. 123/2010.
• 27.7 2307194 Niðurskógur í landi Húsafells III_Hraunbrekkur 33_Breyting á deiliskipulagi
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða tillögu að breytingu á deiliskipulagi til auglýsingar. Lagður var fram uppdráttur dags. 25.05.2023. Málsmeðferð verður samkvæmt 41. gr. skipulagslaga nr. 123/2010.
  Skipulags- og byggingarnefnd fer þess á leit við landeiganda að ekki verði gerðar frekari breytingar á deiliskipulagi fyrir Niðurskóga í landi Húsafells III, heldur verði deiliskipulagið endurskoðað í heild.
• 27.8 2305258 Hraunskógur 5 L195300 - Umsókn um deiliskipulag
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, hafnar framlagðri tillögu að breytingu á deiliskipulagi. Breytingin samræmist ekki deiliskipulagi svæðisins, núverandi byggð né þeim breytingum sem gerðar hafa verið á deiliskipulaginu.
• 27.9 2308004 Ásbrún - Lóðir
  Skipulags- og byggingarnefnd Borgarbyggðar - 56 Skipulags- og byggingarnefnd felur skipulagsdeild að vinna tillögu að breytingu á deiliskipulagi á íbúðarsvæði Ásbrún í Bæjarsveit í Borgarbyggð.
• 27.10 2210236 Engjaás 2-8 - Staðfesting lóðamarka og umsókn um stækkun lóðar
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, heimilar nýja skiptinu milli lóðanna Engjaás 2-8 og Sólbakki 17 enda liggja fyrir samþykki lóðarhafa fyrir nýjum merkjum. Sólbakki 17 verður 41109fm að stærð og Engjaás 2-8 87469fm eftir skiptin. Skipulags- og byggingarnefnd felur skipulagsdeild að gera nýja lóðaleigusamninga við lóðarhafa í samræmi við uppfærðar lóðastærðir.
• 27.11 2301209 Þverholt L135953 - Krossnes L135934 - Landskipti
  Skipulags- og byggingarnefnd Borgarbyggðar - 56 Skipulags- og byggingarnefnd tekur jákvætt í erindið en kallar eftir frekari gögnum um málið.
• 27.12 2110092 Strandstígur við Borgarnes
  Skipulags- og byggingarnefnd Borgarbyggðar - 56 Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir útgáfu framkvæmdaleyfis þar sem grenndarkynning hefur farið fram skv. 44. gr. skipulagslaga nr. 123/2010. Skipulags- og byggingarnefnd felur skipulagsfulltrúa að svara framkomnum athugasemdum.
• 27.13 2308003F Afgreiðslufundur skipulagsfulltrúa - 17
  Skipulags- og byggingarnefnd Borgarbyggðar - 56 Fundagerð afgreiðslufundar skipulagsfulltrúa nr. 17 þann 2. ágúst lögð fram.
• 27.14 2308016F Afgreiðslufundur skipulagsfulltrúa - 18
  Skipulags- og byggingarnefnd Borgarbyggðar - 56 Fundagerð afgreiðslufundar skipulagsfulltrúa nr. 18 þann 18. ágúst lögð fram.
• 27.15 2308004F Afgreiðslur byggingarfulltrúa - 215
  Skipulags- og byggingarnefnd Borgarbyggðar - 56 Fundagerð afgreiðslufundar byggingarfulltrúa nr. 215 þann 3. ágúst lögð fram.

2308025F

• 28.1 2106073 Söfnun dýraleifa - gjaldskrá
  Umhverfis- og landbúnaðarnefnd - 52 Starfsmanni er falið að vinna áfram að endurskoðun og samræmingu.
• 28.2 2309019 Gámar fyrir sumarhúsabyggð á Valbjarnavöllum
  Umhverfis- og landbúnaðarnefnd - 52 Um langa hríð hefur vegurinn að Valbjarnavöllum verið í óásættanlegu ástandi. Nú er svo komið að þjónustuaðli sorphirðu í sveitarfélaginu neitar að fara veginn vegna ástand vegar.
  Umhverfis- og landbúnaðarnefnd skorar á Vegagerðina að tryggja ástand vegarins sé með þeim hætti að eðlileg þjónusta við lögbýlið og sumarhúsahverfið geti farið fram. Mikilvægt er að vegurinn sé með þeim hætti að t.d. slökkvilið geti farið um veginn.
• 28.3 2309020 Fjárhagsáætlunarumræða
  Umhverfis- og landbúnaðarnefnd - 52 Forvinna á fjárhagsáætlun hafin.
• 28.4 2301065 Refa og minkaeyðing 2023
  Umhverfis- og landbúnaðarnefnd - 52 Til fundarins mættu fimm refa- og minkaveiðimenn. Farið var yfirstöðu mála frá því í vor.

2308020F

• 29.1 2308162 Álagning fjallskila Hítardalsréttar 2023
  Fjallskilanefnd Hítardalsréttar - 37 Álagning fjallskila á fjáreigendur sem eru 13. Tala sauðfjár til fjallskila er 2596 samkvæmt haustskýrslum 2022-2023 uppgefið frá Borgarbyggð, fjölgun 101 fjár. Fjallskilagjald á kind ákveðið 850 kr. Heildarálagning 2.206.600 kr.
  Dagsverkið metið á 10.000 kr
  Dagsetningar leita og rétta hafa verið færðar fram um viku frá ákvæðum fjallskilareglugerðar.
  Leitarstjóri í öllum afréttarleitum verður Gísli Guðjónsson. Jakob A. Eyjólfsson stjórnar leitum á Svarfhólsmúla
  Réttarstjóri í öllum réttum verður Sigurjón Helgason Bókun fundar Fundargerð framlögð
• 29.2 2308163 Viðhald á girðingum
  Fjallskilanefnd Hítardalsréttar - 37 Rætt um almennt viðhald á girðingum inn í fjalli og viðhald á réttinni.

2308021F

• 30.1 2308182 Álagning fjallskila 2023
  Fjallskilanefnd Rauðsgilsréttar - 28 Hækkun á dagsverki úr 14.000.- í 17.000.-
  Hækkun á fjárgjöldum úr 550.- í 700.-
• 30.2 2308183 Önnur mál fjallskilanefndar Rauðsgilsréttar
  Fjallskilanefnd Rauðsgilsréttar - 28 Ármann Bjarnason fer af sem fjallkóngur í Fljótsdragaleit og Gunnar Bjarnason tekur við.
  Hægindi tekur ein við fyrirstöðu í Lambatungum.
  Leitarmenn geta óskað eftir að nota fjórhjól í leitum í samráði við leitarstjóra.
  Nefndi ræddi hversu bagalegt það væri að Hvítsíðungar væru búnir að fella niður sína þriðju leit, sem veldur því að engin smala á móti okkur, þeirra afrétt í seinnileit Arnvatnsheiðar.

2308018F

• 31.1 2308157 Fjallskil 2023
  Fjallskilanefnd Kaldárbakka - og Mýrdalsréttar - 31 Dagsverkin er 71 og eru 81 kindur í dagsverkinu.
  Fjallskilagjald pr. kind er kr 246.-
  Heildarfjöldi 5770 kindur.
  Ákveðið var að dagsverkið væri metið á kr 20.000.-
• 31.2 2308158 Flýting fyrstu rétt Mýrdalsréttar
  Fjallskilanefnd Kaldárbakka - og Mýrdalsréttar - 31 Fjallskilanefnd Kolbeinsstaðahrepps hefur ákveðið að flýta fyrstu Mýrdalsrétt og verður hún sunnudaginn 17 september og hefst kl 16.00

2308013F

• 32.1 2308087 Álagning fjallskila 2023
  Fjallskilanefnd Oddsstaðaréttar - 49 Álagning á kind fer úr 600 kr. í 610 kr.
  Álagningarhlutfall á fasteingamat hækkar úr 1,22% í 1,25%
  Álögð fjallskil samtals: 3.375.203 kr.
  Innheimt í peningum: 1.431.003 kr.
  Dagsverkamat í leitum helst óbreytt.
  Gengið frá fjallskilaseðli.
• 32.2 2308088 Önnur mál fjallskilanefndar Oddstaðaafréttar
  Fjallskilanefnd Oddsstaðaréttar - 49 Fjallskilanefnd telur ekkert því til fyrirstöðu enda séu slík hjól nýtt í smalamennsku á öðrum afréttum.

2308011F

• 33.1 2308034 Fjallskil 2023
  Fjallskilanefnd Brekku - og Svignaskarðsréttar - 53 Lagt var á 1380 vetrarfóðraðar kindur samkvæmt hausttölum.
  Dagsverk er metið á kr. 15.000.
  Kostnaður pr kind kr. 850,-.
  Kostnaður vegna matar er kr. 12.000.
  
  Fjallskilum jafnað niður og þau yfirfarin. Þau samþykkt og send til Borgarbyggðar til fjölritunar og dreifingar.

2308010F

• 34.1 2308025 Fjallskil 2023
  Fjallskilanefnd Grímsstaðaréttar - 37 Lagt var á 1233 vetrarfóðraðar kindur og var fækkun um 68 kindur milli ára.
  Hver kind er metin á 850 kr.
  Dagsverkið er metið á 10.000 kr.
  Kostnaður vegna matar er 10.000 kr.
  
  Fjallskilum jafnað niður og þau yfirfarin. Þau samþykkt og send til Borgarbyggðar til fjölritunar og dreifingar.