Umhverfis-, skipulags- og landbúnaðarnefnd

Lögð fram tillaga að gjaldskrá gatnagerðargjalda og annarra gjalda umhverfis- og skipulagssviðs. Samþykkt að miða við ákveðið nýtingarhlutfall á þeim lóðum þar sem ekki er kveðið á um nýtingarhlutfall í deiliskipulagi. Gjaldskráin samþykkt með áorðnum breytingum. Samþykkt að leggja hana fyrir sveitarstjórn til samþykktar, en gjaldskráin er í þremur hlutum.

Rætt um deiliskipulag á lóðunum Borgarbraut 55-59.

Nefndin samþykkir framlagða ræktunaráætlun og heimilar fyrir sitt leyti nytjaskógrækt í Stapaseli skv. framlögðum gögnum.
Stefnt verði þó að því að setja inn ákvæði um stærðarmörk leyfisskyldrar skógræktar þegar endurskoðun aðalskipulagsins fer fram.
Sigríður Júlía Brynleifsdóttir vék af fundi við afgreiðslu málsins.

Jónína sagði frá því að til stendur að fara í kynnisferð síðar í mánuðinum þar sem skoðuð verða skotæfingasvæði í öðrum sveitarfélögum.
Jafnframt kom fram að Heilbrigðiseftirlit Vesturlands er tilbúið að framkvæma hljóðmælingar á fyrirhuguðu skotæfingasvæði í samstarfi við sveitarfélagið. Forstöðumanni umhverfis- og skipulagssviðs falið að ræða við Heilbrigðiseftirlitið um framkvæmdina.

Umhverfis-, skipulags- og landbúnaðarnefnd felur skipulagsfulltrúa að undirbúa og leggja fram tillögu að aðalskipulagsbreytingu fyrir Ytri-Skeljabrekku.

Í ljósi þess að búið er að fella út göngustíg á skipulagi svæðisins milli lóðanna Gunnlaugsgötu 9 (Svarfhóll) og Helgugötu 10, er erindinu hafnað.

Jónína fór yfir kerfisáætlunina og sagði frá næstu skrefum. Lagt fram til kynningar.

Sagt frá upplýsingafundum fyrir íbúa sem fyrirhugaðir eru í sveitarfélaginu. Ákveðið að halda sérstakan fund um skipulagsmál í febrúar þar sem verða kynntar fyrirhugaðar framkvæmdir s.s. ísgöng í Langjökli og fyrirhugaðar framkvæmdir í sveitarfélaginu.

Lagt fram.

Lagt fram.

Lagt fram.

Lagt fram.

Lagt fram.