Umhverfis-, skipulags- og landbúnaðarnefnd

Samþykkt að hafa íbúafund n.k. miðvikudag 11. febrúar kl. 20:00 í Hjálmakletti. Þar verða kynnt áform um fyrirhuguð ísgöng í Langjökli og uppbyggingu í sveitarfélaginu.

Samþykkt að fela Umhverfis- og skipulagssviði að svara erindinu í samráði við samband íslenskra sveitarfélaga.

Umhverfis-, skipulags- og landbúnaðarnefnd samþykkir að láta grenndarkynna fyrirhugaða framkvæmd. Grenndarkynning á að ná til Böðvarsgötu 7, 7a, 10, 11, 12 og 15.

Í ljósi þess að ekki er gert ráð fyrir þessum kostnaði í fjárhagsáætlun ársins 2015 og í ljósi þess að fyrirkomulag sorphirðu í sveitarfélaginu er nú til endurskoðunar s.s. varðandi staðsetningu grenndarstöðva, leggur nefndin til að ekki verði tekið þátt í endurvinnslukortinu að þessu sinni en vísað til fjárhagsáætlunar ársins 2016.

Umhverfis- og skipulagssviði falið að mótmæla þessum áformum og gera athugasemd við gjaldtökuna, samráð um málið verði haft við samband íslenskra sveitarfélaga.

Lulu Munk kynnti gjaldskrá gatnagerðargjalda sem hlotið hefur samþykki byggðarráðs.

Deiliskipulag fyrir Húsafell 2 var auglýst frá 17. desember 2014 til 28. janúar 2015.
Engar athugasemdir bárust.
Málinu er vísað til endanlegrar afgreiðslu í sveitarstjórn.

Skipulagslýsing vegna tillögu að breytingu á aðalskipulagi Borgarbyggðar 2010-2122 hefur verið auglýst. Framkomnar athugasemdir voru lagðar fram í minnisblaði og tillögur að svörum við þeim. Samþykkt að kynna tillögu að aðalskipulagsbreytingu á kynningarfundi. Aðalskipulagstillagan er samþykkt til auglýsingar skv. skipulagslögum nr. 123/2010. Endanlegri afgreiðslu vísað til sveitarstjórnar.

Skipulagslýsing vegna tillögu að nýju deiliskipulagi afþreyingar- og ferðamannasvæðis vegna ísganga í Langjökli hefur verið auglýst. Framkomnar athugasemdir voru lagðar fram í minnisblaði og tillögur að svörum við þeim. Samþykkt að kynna tillögu að deiliskipulagi á kynningarfundi. Deiliskipulagstillagan er samþykkt til auglýsingar skv. skipulagslögum nr. 123/2010. Endanlegri afgreiðslu vísað til sveitarstjórnar.

Lulu Munk kynnti stöðu málsins.

Nefndin samþykkir fyrir sitt leyti tillögu að deiliskipulagslýsingu fyrir Munaðarnes, 1. áfanga, til auglýsingar. Tillagan er sett fram á uppdrætti og í greinargerð dags. janúar 2015 og felur m.a. í sér uppfærslu á eldri deiliskipulagi fyrir svæðið og sameiningu þeirra. Málsmeðferð verði í samræmi við ákvæði 43. greinar skipulagslaga nr. 123/2010. Endanlegri afgreiðslu vísað til sveitarstjórnar.

Nefndin samþykkir fyrir sitt leyti tillögu að deiliskipulagslýsingu fyrir Munaðarnes, 2. áfanga, til auglýsingar. Tillagan er sett fram á uppdrætti og í greinargerð dags. janúar 2015 og felur m.a. í sér uppfærslu á eldri deiliskipulagi fyrir svæðið og sameiningu þeirra. Málsmeðferð verði í samræmi við ákvæði 43. greinar skipulagslaga nr. 123/2010. Endanlegri afgreiðslu vísað til sveitarstjórnar.

Lagt fram bréf Skipulagsstofnunar varðandi Víðines, en sveitarfélagið óskaði eftir jákvæðri umsögn Skipulagsstofnunar til að breyta sumarhúsahverfi í heilsársbyggð.
Í athugasemdum Skipulagsstofnunar er óskað nánari skýringa og að gert verði grein fyrir þeim í skipulagsgögnunum.
Skipulagsfulltrúa falið að láta uppfæra gögnin og auglýsa skipulagið skv. skipulagslögum nr. 123/2010 með áorðnum breytingum. Einnig þarf að kynna breytinguna fyrir landeigendum og lóðarhöfum svæðisins.

Samþykkt að hefja vinnu við uppfærslu deiliskipulags fyrir íbúðarbyggð á Hvanneyri til auglýsingar skv. skipulagslögum nr. 123/2010.

Byggðarráð hefur samþykkt að auglýsa húsið að Kveldúlfsgötu 2b til sölu. Í dag er lóðin sameiginleg með húsinu að Borgarbraut 61.
Lóðin Kveldúlfsgata 2b er 1.749 m2 skv. þjóðskrá og er á svæði sem skilgreint er ”miðsvæði“ en í aðalskipulagi Borgarbyggðar 2010-2022 segir um miðsvæði:
“ Á miðsvæði Borgarness verði blönduð landnotkun íbúða, þjónustustofnana, verslunar og þjónustu.
Ekki hefur áður verið skilgreint miðsvæði í Borgarnesi. Með tilfærslu í skipulagi á helstu þjónustu og verslun, úr suðvesturenda bæjarins yfir í núverandi staðsetningu á Brúartorgi er talað um að miðbær Borgarness hafi færst til og nú er talað um neðri hluta nessins sem ”gamla miðbæ“. Á skilgreindu miðsvæði Borgarness er verslun, bensínstöðvar, bifreiðaviðgerðir, veitingastaðir, bankastarfsemi og ýmis önnur þjónusta, en þar er einnig leyfilegt að byggja upp íbúðasvæði. Þar sem að nokkru leyti er um þéttingu byggðar í byggðu umhverfi að ræða má reikna með að nýtingarhlutfall geti sum staðar farið upp undir 1,0. Menntaskóli Borgarfjarðar er staðsettur innan miðsvæðisins.
Nýtingarhlutfall miðsvæðis er 0,35-1,0.“
Tillaga að lóðarblaði samþykkt og umhverfis- og skipulagssviði falið að vinna á fram að málinu.

Umferðar- og samgönguþing verða haldin fimmtudaginn 19. febrúar í Hörpu í Reykjavík. Þingin eru skipulögð af innanríkisráðuneytinu, samgönguráði og Samgöngustofu. Umferðarþingið verður haldið milli klukkan 9 og 12.15 en samgönguþingið stendur frá klukkan 13.15 til 17.
Lagt fram til kynningar.

Lögð fram umsögn Sambands Íslenskra sveitarfélaga um tillögu að landsskipulagsstefnu sem send hefur verið til Skipulagsstofnunar. Umsögnin er jafnframt aðgengileg á heimasíðu sambandsins.
Frestur til að koma umsögn sveitarfélagsins á framfæri við Skipulagsstofnun er til 13. febrúar n.k.
Nefndin tekur undir þær athugasemdir sem Samband íslenskra sveitarfélaga gerir við tillögu að landsskipulagsstefnu.

Nefndin samþykkir að grenndarkynna byggingaráformin. Grenndarkynning á að ná til Þursstaða 2.

Í ljósi þess að deiliskipulagstillaga fyrir stækkun frístundabyggðar í landi Ytri-Skeljabrekku sem samþykkt var til auglýsingar í ágúst 2014, samrýmist ekki fyllilega gildandi aðalskipulagi Borgarbyggðar 2010-2022, leggur nefndin til að sveitarstjórn dragi til baka fyrri afgreiðslu um auglýsingu deiliskipulagstillögu fyrir Ytri-Skeljabrekku. Samþykkt að fela skipulagsfulltrúa að hefja vinnu við aðalskipulagsbreytingu fyrir svæðið.

Lagt fram bréf stjórnar Faxaflóahafna dags. 09.01.´15 varðandi stefnumótun í hafnamálum við Faxaflóa. Málið kynnt.

Evrópuvika sjálfbærrar orku er 15-19. júní nk. en þá skipuleggja aðilar um alla Evrópu sk. orkudaga þar sem vakin er athygli á verkefnum viðkomandi sem tengjast sjálfbærri orku. Lagt fram til kynningar.

Afgreiðslur byggingarfulltrúa lagðar fram og kynntar.