Umhverfis-, skipulags- og landbúnaðarnefnd

Samþykkt að fara í endurskoðun á deiliskipulaginu Bjargsland II - Svæði I með það fyrir augum að breyta einbýlishúsalóðum í par- og raðhúsalóðir.

Staðsetning fyrir svæði fyrir Motorsportfélagið á hluta iðnaðarsvæðis við Vallarás rædd. Skipulagsfulltrúa falið að vinna áfram að málinu og útbúa lýsingu að breytingu aðalskipulags sem nái einnig yfir tún við Kárastaði fyrir opin svæði til sérstakra nota.

Samþykkt að óska eftir lögfræðiáliti um stöðu Borgarbyggðar í málinu.

Drög að starfsleyfi fyrir urðunarstaðinn í Bjarnhólum frá Umhverfisstofnun liggur fyrir. Samþykkt að klára deiliskipulagið fyrir svæðið.

Málefni vatnsveitunnar rædd. Vísað til áframhaldandi vinnu hjá umhverfis- og skipulagssviði.

Umhverfis-, skipulags- og landbúnaðarnefnd samþykkir fyrir sitt leyti tillögu að breyttu deiliskipulagi fyrir Borgarbraut 55,57 og 59 til auglýsingar. Tillagan er sett fram á uppdrætti með greinargerð dags. 1. desember 2015 og felur meðal annars í sér breytt lóðafyrirkomulag og breytta byggingarskilmála. Tillagan verði auglýst í samræmi við 43. grein skipulagslaga. Endanlegri afgreiðslu er vísað til sveitarstjórnar.

Umhverfis-, skipulags- og landbúnaðarnefnd samþykkir fyrir sitt leyti nýtt deiliskipulag við Ánabakka 13 úr landi Ánastaða til auglýsingar. Tillagan er sett fram á uppdrætti og í greinargerð dags. í apríl 2015 og felur meðal annars í sér nýtt skipulag fyrir íbúðarhús og skemma/hesthús. Tillagan verði auglýst í samræmi við 41. gr. skipulagslaga. Endanlegri afgreiðslu er vísað til sveitarstjórnar.

Fyrir liggur samþykki frá eiganda af Stuttárrjóðri 1 og 2 ásamt Ferðaþjónustunni Húsafelli.
Samþykkt að veita byggingarleyfi samkvæmt 44. gr skipulagslaga.