Fara í efni
20. maí 2022
Aðalskipulag Borgarbyggðar 2010-2022, Landbúnaðarkafli-skilmálabreytingar
Í samræmi við 1. mgr. 30. gr. skipulagslaga nr. 123/2010 er hér með auglýst skipulagslýsing að breytingu á Aðalskipulagi Borgarbyggðar 2010-2022.

Sveitarstjórn Borgarbyggðar samþykkti þann 12. maí 2022 að auglýsa lýsingu að breytingu á Aðalskipulagi Borgarbyggðar 2010-2022, landbúnaðarkafli-skilmálabreytingar.

Fyrirhugað er að að einfalda nokkur ákvæði í landbúnaðarkafla aðalskipulagsins sem hafa reynst frekar íþyngjandi. Einnig að setja fram skýrari stefnu um uppbyggingarheimildir á landbúnaðar-svæðum til þess að tryggja hagkvæma og skynsama uppbyggingu innan landbúnaðarsvæða þannig að núverandi innviðir séu nýttir betur, ný mannvirki verði ekki úr alfaraleið og til að tryggja að gott ræktarland fari ekki til spillis.

Ofangreind lýsing að breytingu aðalskipulags er aðgengileg á heimasíðu Borgarbyggðar www.borgarbyggd.is frá 20. maí til og með 31. maí 2022. Ef óskað er eftir nánari kynningu á ofangreindri skipulagslýsingu þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að koma með ábendingar við auglýsta lýsingu og er frestur til að skila inn ábendingum til 31. maí 2022. Ábendingum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is.

Vakin er athygli á að athugasemdir og ábendingar teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 20. maí 2022

Skipulagsfulltrúi Borgarbyggðar