Fara í efni
9. mar 2022
Ásahverfi í landi Stóra-Áss - Auglýsing um niðurstöðu sveitarstjórnar Borgarbyggðar vegna skipulags
Sveitarstjórn Borgarbyggðar samþykkti þann 13. janúar 2022 eftirfarandi tillögu samkvæmt 41. gr. skipulagslaga nr. 123/2010:
Breyting á deiliskipulagi frístundabyggðar Ásahverfi í landi Stóra-Áss

Breytingin tekur til greinargerðar deiliskipulagsins þar sem heimildum er breytt. Breytingin er gerð á hámarksstærð frístundahúsa, leyfilegri vegghæð, heimilum byggingarefnum og þakhalla. Engin breyting er gerð á uppdrætti deiliskipulagsins.

Tillaga að deiliskipulagi var auglýst frá 24.11.2021-06.01.2022.

Athugasemdir bárust frá umsagnaraðilum og brugðist var við þeim.

Deiliskipulagstillagan hefur verið send Skipulagsstofnun og mun taka gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu sveitarstjórnar geta snúið sér til skipulags- og byggingardeildar Borgarbyggðar, Bjarnarbraut 8, Borgarnesi.

Nánari upplýsingar má nálgast á heimasíðu Borgarbyggðar á www.borgarbyggd.is

Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.

Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.

Deiliskipulag