Fara í efni
20. des 2021
Bjargsland II - deiliskipulagsbreyting
Í samræmi við 1. mgr. 43. gr. skipulagslaga nr. 123/2010 er hér með auglýst tillaga að breytingu á deiliskipulagi í Borgarbyggð.

Bjargsland II

Sveitarstjórn Borgarbyggðar samþykkti þann 9. desember 2021 að auglýsa breytingu á deiliskipulagi fyrir Bjargsland II í Borgarnesi, Borgarbyggð.

Breytingin tekur til lóðar við Egilsholt 4 og felst í því að byggingarreitur er stækkaður og færður til innan lóðarinnar, bílastæði sett meðfram Hrafnakletti, tengingu bætt við frá austurhlið lóðarinnar og bílastæðum fjölgað úr 31 í 52 stæði. Heildargrunnflötur atvinnuhúss stækkaður úr 600 fm í 1.024 fm og nýtingarhlutfall hækkað úr 0,18 í 0,31. Aðrir skilmálar haldast óbreyttir.

Ofangreind deiliskipulagstillaga er aðgengileg á heimasíðu Borgarbyggðar www.borgarbyggd.is frá 20. desember 2021 til og með 1. febrúar 2022. Ef óskað er nánari kynningu á tillögunni þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við auglýsta skipulagstillögu og er frestur til að skila inn athugasemdum til 1. febrúar 2022. Athugasemdum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is

Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 20. desember 2021.

Skipulagsfulltrúi Borgarbyggðar