Fara í efni
14. júl 2021
Bjarnastaðir
Í samræmi við 1. mgr. 41. gr. skipulagslaga nr. 123/2010 er hér með auglýst tillaga að nýju deiliskipulagi í Borgarbyggð.

Deiliskipulag Bjarnastaðir

Byggðarráð Borgarbyggðar samþykkti þann 8. júlí 2021, skv. 4. mgr. 41. gr. skipulagslaga nr. 123/2010 að auglýsa að nýju deiliskipulagstillögu fyrir Bjarnastaði L134637.

Tillagan var auglýst 19. maí til og með 2. júlí 2021 og send lögbundnum umsagnaraðilum. Gerð var breyting vegna umsagnar Minjastofnunar Íslands.

Deiliskipulagið tekur til bæjarstæðis jarðarinnar Bjarnastaða. Svæðið er um 14,5 ha að stærð og innan þess eru skilgreindar 3 íbúðarhúsalóðir ásamt landbúnaðarbyggingum. Aðkoma að lóðum er eftir núverandi heimreið Bjarnastaða og afleggjara að frístundabyggð í landi Bjarnastaða af Hvítársíðuvegi (523-02).

Ofangreind deiliskipulagstillaga er aðgengileg á heimasíðu Borgarbyggðar www.borgarbyggd.is frá 16. júlí til og með 29. ágúst 2021. Ef óskað er nánari kynningu á tillögunni þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við tillöguna og er frestur til að skila inn athugasemdum til 29. ágúst 2021. Athugasemdum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulagsfulltrui@borgarbyggd.is

Vakin er athyli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 16. júlí 2021

Skipulagsfulltrúi Borgarbyggðar