Fara í efni
16. jan 2020
Borgarvogur og Dílatangi í Borgarnesi
Sveitarstjórn Borgarbyggðar hefur á 192. fundi sínum þann 12.12. 2019, samþykkt að auglýsa eftirfarandi skipulagslýsingu, auglýst er skv. 30. gr. Skipulagslaga nr. 123/2010:

Borgarvogur og Dílatangi í Borgarnesi – lýsing á breytingu á Aðalskipulagi Borgarbyggðar 2010-2022

Breyta þarf aðalskipulagi vegna  tillagna að deiliskipulagi fyrir Dílatanga og Borgarvog. Á skipulagsreit fyrir Dílatanga eru hluti íbúðasvæðis Í4, íbúðasvæðin Í5 og Í6, hluti miðbæjarsvæðis M, svæði fyrir þjónustustofnanir Þ1 og opið svæði til sérstakra nota O9.  Á skipulagsreit fyrir Borgarvog eru hlutar íbúðasvæða Í1 og Í4, opin svæði til sérstakra nota O1 (íþróttasvæði), O2, O3, O6, O7 og skólasvæði Þ3.

Skriflegum ábendingum skal komið á framfæri við umhverfis- og skipulagssvið Borgarbyggðar, Borgarbraut 14, Borgarnesi eða á netfangið borgarbyggd@borgarbyggd.is eigi síðar en föstudaginn 14. febrúar 2020.

Skipulagslýsing liggur frammi í Ráðhúsi Borgarbyggðar frá 16. janúar til 14. febrúar 2020 og á www.borgarbyggd.is.

Aðalskipulagslýsing - Dílatangi og Borgarvogur