Fara í efni
18. jan 2022
Flatahverfi á Hvanneyri
Í samræmi við 1. mgr. 41. gr. skipulagslaga nr. 123/2010 er hér með auglýst tillaga breyting á deiliskipulagi í Borgarbyggð.

Deiliskipulag Flatahverfi á Hvanneyri

Sveitarstjórn Borgarbyggðar samþykkti þann 13. janúar 2022 að auglýsa tillögu að breytingu á deiliskipulagi fyrir Flatahverfi á Hvanneyri í Borgarbyggð.

Deiliskipulagssvæðið tekur helst til breytingar á gerð húsa þar sem 12 parhúsalóðum er breytt í 9 einbýlishúsalóðir og 3 raðhúsalóðum er breytt í 2 parhúsalóðir. Bindandi byggingarlínu húsa er breytt og mænisstefna tekin út. Markmið breytingar er að svara eftirspurn eftir einbýlishúsalóðum á Hvanneyri. Tillagan samræmist aðalskipulagi Borgarbyggðar 2010-2022.

Ofangreind deiliskipulagstillaga er aðgengileg á heimasíðu Borgarbyggðar www.borgarbyggd.is frá 20. janúar 2022 til og með 3. mars 2022. Ef óskað er nánari kynningu á tillögunni þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við auglýsta skipulagstillögu og er frestur til að skila inn athugasemdum til 3. mars 2022. Athugasemdum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is .

Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 20. janúar 2022

Skipulagsfulltrúi Borgarbyggðar