Fara í efni
5. maí 2022
Flatahverfi á Hvanneyri - Auglýsing um niðurstöðu sveitarstjórnar Borgarbyggðar vegna skipulags
Sveitarstjórn Borgarbyggðar samþykkti þann 13. apríl 2022 eftirfarandi tillögu samkvæmt 41. gr. skipulagslaga nr. 123/2010:
Breyting á deiliskipulagi Flatahverfi á Hvanneyri
 

Deiliskipulagssvæðið tekur helst til breytingar á gerð húsa þar sem 12 parhúsalóðum er breytt í 9 einbýlishúsalóðir og 3 raðhúsalóðum er breytt í 2 parhúsalóðir. Bindandi byggingarlínu húsa er breytt og mænisstefna tekin út. Markmið breytingar er að svara eftirspurn eftir einbýlishúsalóðum á Hvanneyri. Tillagan samræmist aðalskipulagi Borgarbyggðar 2010-2022.

Tillaga að deiliskipulagi var auglýst frá 20.01.2022-03.03.2022.

Engar athugasemdir bárust frá umsagnaraðilum.

Deiliskipulagstillagan hefur verið send Skipulagsstofnun og mun taka gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu sveitarstjórnar geta snúið sér til skipulags- og byggingardeildar Borgarbyggðar, Digranesgötu 2, Borgarnesi.

Nánari upplýsingar má nálgast á heimasíðu Borgarbyggðar á www.borgarbyggd.is

Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.

Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.

Deiliskipulag