Fara í efni
20. maí 2022
Hótel Varmaland - breyting á deiliskipulagi
Í samræmi við 1. mgr. 43. gr. skipulagslaga nr. 123/2010 er hér með auglýst tillaga breyting á deiliskipulagi í Borgarbyggð.

Sveitarstjórn Borgarbyggðar samþykkti þann 12. maí 2022 að auglýsa tillögu að breytingu á deiliskipulagi íbúðabyggðar að Varmalandi fyrir Hótel Varmaland.

Tillagan tekur til breytinga á lóð Hótels Varmalands. Gert er ráð fyrir nýjum byggingarreit innan lóðamarka fyrir þjónustubyggingu á 1. hæð, bjórböð. Hámarks byggingarmagn nýrrar byggingar verður 250fm, hámarks vegg- og mænishæð 4m. Aðrir skilmálar haldast óbreyttir. Tillagan samræmist aðalskipulagi Borgarbyggðar 2010-2022.

Ofangreind breytingartillaga er aðgengileg á heimasíðu Borgarbyggðar www.borgarbyggd.is frá 20. maí til og með 2. júlí 2022. Ef óskað er nánari kynningu á tillögunni þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við skipulagstillöguna og er frestur til að skila inn athugasemdum til 2. júlí 2022. Athugasemdum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is

Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 20. maí 2022

Skipulagsfulltrúi Borgarbyggðar