Sveitarstjórn Borgarbyggðar samþykkti þann 12. október 2022 að auglýsa tillögu að nýju deiliskipulagi fyrir frístundabyggð í Litlu-Tunguskógi, Húsafelli og tillögu að breytingu á deiliskipulagi frístundabyggðar Galtarholts II.
Litlu-Tunguskógur – Frístundabyggð
Deiliskipulagið tekur til 25 ha frístundasvæðis í landi Húsafells 3. Áformað er að byggja 21 frístundahús á svæðinu. Um er að ræða framhald á fyrra ferli nýs deiliskipulags. Deiliskipulag þetta samræmist gildandi aðalskipulagi.
Frístundabyggð Galtarholts II
Deiliskipulagsbreytingin tekur til 97 ha svæðis af 276,5 ha og á helst við um fjölgun frístundahúsa um 9, breytta vega- og stígagerð á svæðinu, niðurfellingu á 2 hesthúsalóðum og 4 leiksvæðum. Aðkoma er að lóðum um Laxholtsveg (5307) og Stóra-Fjallsveg (5330). Tillagan samræmist Aðalskipulagi Borgarbyggðar 2010-2022.
- Litlu-Tunguskógur frístundabyggð uppdráttur
- Litlu-Tunguskógur frístundabyggð greinargerð
- Galtarholt II deiliskipulagsbreyting fyrir breytingu
- Galtarholt II deiliskipulagsbreyting eftir breytingu
- Galtarholt II deiliskipulagsbreyting greinargerð
- Galtarholt II deiliskipulagsbreyting yfirlitsmynd
Ofangreindar skipulagsáætlanir eru aðgengilegar á heimasíðu Borgarbyggðar www.borgarbyggd.is frá 18. október til og með 30. nóvember 2022. Ef óskað er nánari kynningu á áætluninni þarf að panta tíma hjá skipulagsfulltrúa.
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við áætlunina og er frestur til að skila inn athugasemdum til 30. nóvember 2022. Athugasemdum skal skila skriflega í þjónustuver Borgarbyggðar, Digranesgötu 2, 310 Borganesi, b.t. skipulagsfulltrúa eða á netfangið skipulag@borgarbyggd.is.
Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.
Borgarbyggð, 18. október 2022.
Skipulagsfulltrúi Borgarbyggðar