Fara í efni
16. jún 2021
Stafholtsveggir II
Í samræmi við 1. mgr. 41. gr. skipulagslaga nr. 123/2010 er hér með auglýst tillaga að nýju deiliskipulagi í Borgarbyggð.

Deiliskipulag ferðaþjónustu í landi Stafholtsveggja II

Sveitarstjórn Borgarbyggðar samþykkti þann 10. júní 2021 að auglýsa tillögu að nýju deiliskipulagi í landi Stafholtsveggja II í Borgarbyggð.

Deiliskipulagið tekur til 5,7 ha svæðis og innan þess eru skilgreindar lóðir undir þjónustubyggingar og svefnskála fyrir ferðamenn. Aðkoma er af Borgarfjarðarbraut (50) um núverandi heimreið, sameiginleg með Stafholtsveggjum I og Bjargarási. Unnið er að breytingu aðalskipulags Borgarbyggðar 2010-2022, samhliða.

Ofangreind deiliskipulagstillaga er aðgengileg á heimasíðu Borgarbyggðar www.borgarbyggd.is frá 21. júní til og með 3. ágúst 2021. Ef óskað er eftir nánari kynningu á ofangreindri tillögu eða lýsingu þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við tillöguna og er frestur til að skila inn athugasemdum til 3. ágúst 2021. Athugasemdum skal skila skriflega í Ráðhús Borgarbyggðar, Bjarnabraut 8, 310 Borgarnesi, b.t. skipulagsfulltrúa eða á netfangið skipulagsfulltrui@borgarbyggd.is.

Borgarbyggð, 21. júní 2021

Skipulagsfulltrúi Borgarbyggðar.