Fara í efni
4. maí 2022
Víðines í landi Hreðavatns
Í samræmi við 1. mgr. 30. gr. skipulagslaga nr. 123/2010 er hér með auglýst skipulagslýsing að breytingu á Aðalskipulagi Borgarbyggðar 2010-2022.

Sveitarstjórn Borgarbyggðar samþykkti þann 13. apríl 2022 að auglýsa lýsingu að breytingu á Aðalskipulagi Borgarbyggðar 2010-2022 fyrir Víðines í landi Hreðavatns í Borgarbyggð.

Fyrirhugað er að breyta landnotkun landsvæðis Víðiness úr frístundabyggð (F51) í íbúðarbyggð (Í8). Svæðið er um 10 ha að stærði, fjöldi lóða eru 24 með nýtingarhlutfallið 0,1. Heimilt byggingarmagn verður 350 fm á hverri lóð. Aðkoma að svæðinu er um veginn Víðines og Paradísarlaug að Hringvegi (nr.1).

Ofangreind lýsing er aðgengileg á heimasíður Borgarbyggðar www.borgarbyggd.is frá 4. maí til og með 18. maí 2022. Ef óskað er eftir nánari kynningu á skipulagslýsingunni þarf að panta tíma hjá skipulagsfulltrúa.

Hverjum þeim aðila sem telur sig eiga hagsmuna að gæta er gefinn kostur á að gera athugasemd við skipulagslýsinguna og er frestur til að skila inn athugasemdum til 18. maí 2022. Athugasemdum skal skila skriflega í þjónustuver Borgarbyggðar, Bjarnarbraut 8, 310 Borganesi, b.t. skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is

Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

Borgarbyggð, 4. maí 2022

Skipulagsfulltrúi Borgarbyggðar