Sveitarstjórn Borgarbyggðar samþykkti þann 8. september 2022 að auglýsa tillögu að breytingu á landnotkun í Aðalskipulagi Borgarbyggðar 2010-2022 og að breytingu deiliskipulags frístundabyggðar í Víðinesi í landi Hreðavatns frá árinu 2006 m.s.br.
Víðines í landi Hreðavatns
Fyrirhugað er að breyta landnotkun frístundabyggðar í Víðinesi í landi Hreðavatns úr frístundabyggð (F51) í íbúðarbyggð (Í8). Svæðið er um 10 ha að flatarmáli, fjöldi lóða 24, nýtingarhlutfall 0,1. Heimilt byggingarmagn verður allt að 350 fm á hverri lóð. Aðkoma að svæðinu er um veginn Víðines og Paradísarlaut af Hringvegi (1). Unnið er að breytingu á deiliskipulagi samhliða þessari aðalskipulagsbreytingu.
Íbúðasvæði Víðiness að Hreðavatni (áður Frístundabyggð að Hreðavatni)
Tillagan tekur til breytingar á frístundabyggð í íbúðarbyggð og er nafni deiliskipulags breytt í samræmi við það í ''Deiliskipulag íbúðarsvæðis Víðiness að Hreðavatni í Borgarbyggð''. Texti greinargerðar er uppfærður hvað varðar fráveitu, brunavarnir, fornminjar og byggingarskilmála auk þess sem strangari skilyrði eru sett varðandi verndun hrauns. Gerð er breyting á Aðalskipulagi Borgarbyggðar 2010-2022 samhliða.
Ofangreindar skipulagsáætlunir eru aðgengilegar á heimasíðu Borgarbyggðar www.borgarbyggd.is frá 25. nóvember til og með 13. janúar 2022. Ef óskað er nánari kynningu á áætluninni þarf að panta tíma hjá skipulagsfulltrúa.
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við áætlunirnar og er frestur til að skila inn athugasemdum til 13. janúar 2022. Athugasemdum skal skila skriflega í þjónustuver Borgarbyggðar, Digranesgötu 2, 310 Borganesi, b.t. skipulagsfulltrúa eða á netfangið skipulag@borgarbyggd.is.
Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.
Borgarbyggð, 25. nóvember 2022.
Skipulagsfulltrúi Borgarbyggðar