Vinnuskóli

Vinnuskóli Borgarbyggðar mun starfa frá 6. júní til 31. júlí sumarið 2019. Leitast verður við að veita öllum 13-16 ára (7.-10. bekkur) unglingum búsettum í Borgarbyggð starf í Vinnuskólanum.

Vinnuskólinn starfar samkvæmt samþykktum Borgarbyggðar en ekki samkvæmt lögskipaðri námskrá. Ekki er skólaskylda í Vinnuskólanum.

Starfsstöðvar Vinnuskólans verða á Bifröst, í Borgarnesi, á Hvanneyri og í Reykholti.

Þeir sem sjá um verkstýringu á vinnuskólanum í Reykholti og Hvanneyri eru Snorrastofa og Landbúnaðarháskóli Íslands. Þeir sem sækja um vinnu á Bifröst geta valið um að vinna á leikskólanum eða golfvellinum Glanna.

Ásamt því að vinna við almenn garðyrkjustörf geta nemendur óskað eftir því að vinna eftirfarandi störf en stefnt er að því að leyfa öllum að prófa önnur verkefni í 1-2 vikur yfir tímabilið. Þegar við hittumst 6.júní munu allir fá nánari upplýsingar um þennan hluta.

  • hjá stofnunum Borgarbyggðar t.d leikskólum og safnahúsi,
  • hjá íþróttafélögum,
  • í Skallagrímsgarði og á íþróttavellinum,
  • í Sumarfjöri,
  • við að leggja stund á íþróttir, tómstundir og listir.

Efnileg ungmenni sem stunda íþróttir, tómstundir og listir geta fengið að sinna sínum tómstundum á launum. Markmið Borgarbyggðar með þessu er að koma til móts við þau ungmenni sem geta ekki með sama hætti og jafnaldrar þeirra unnið sumarvinnu hjá Borgarbyggð. Nánari upplýsingar og reglur finnið þið hérna eða inn á www.borgarbyggd.is. Sótt er um á íbúagáttinni á sama umsóknareyðublaði og hjá Vinnuskólanum.

Yfir sumarið eru 4-5 dagar tileinkaðir samveru, skemmtun og forvarnarvinnu. Ferð verður farin í lok sumars sem er skipulögð af ungmennunum sjálfum.

Forráðamenn skrá unglinga í Vinnuskólann, mikilvægt að taka fram í umsókn ef það er eitthvað sem flokkstjórar þurfa að fá að vita t.d ofnæmi eða greiningar.

Skráning fer fram í íbúagátt Borgarbyggðar, opnað verður fyrir umsóknir 23.apríl og verður hægt að skrá þar til og með 12.mai.

Nánari  upplýsingar um reglur, vinnutíma og kaup finnið þið hér

Upplýsingar um Vinnuskólann veitir Sigríður Dóra Sigurgeirsdóttir, tómstundafulltrúi í tölvupósti á netfangið siggadora@umsb.is og í síma 869 8646.