Fara í efni

Tómstundanefnd Borgarbyggðar

103. fundur 10. júlí 2003 kl. 17:00 - 17:00 Eldri-fundur
Tómstundanefnd, fundur nr. 103 Dags : 10.07.2003
Fundur var haldinn í tómstundanefnd Borgarbyggðar á Bæjarskrifstofunni 10. júlí 2003 kl: 17:00.

Mætt voru:
aðalfulltrúar: Sóley Sigurþórsdóttir formaður
Ari Björnsson
Jóhanna Erla Jónsdóttir
Sigmar H. Gunnarsson
Þórhildur Þorsteinsdóttir
íþrótta- og
æskulýðsfulltrúi: Indriði Jósafatsson.


Dagskrá.

1. Stefnumótun íþrótta- og æskulýðsmála í sveitarfélaginu og framtíðaruppbygging.
Umræður um ”Bláu” skýrslu Tómstundanefndar, þar sem allir tóku til máls.
Unnið er að lokafrágangi skýrslunnar, stefnt að hún verði lögð fyrir bæjarráð á næsta fundi þess.
 
2. Umsóknir um störf í Íþróttamiðstöðinni Borgarnesi.
12 manns sóttu um störfin tvö og mælir tómstundanefnd með því að Guðbjörg Thelma Traustadóttir og Bjarni Guðjónsson verði ráðin í störfin með fyrirvara um að þau standist hæfnispróf sundstaða.
 
3. Vinnuskóli Borgarbyggðar
Ljóst er að fjárveitingar fyrir vinnuskólann dugar ekki út tímabilið sem var áætlað (8 vikur) þar sem mun fleiri eru í skólanum en undanfarin ár sem sennilega endurspeglar atvinnuástand bæjarfélagsins.
Bregðast verður við með styttingu tímabilsins og/eða viðbótarfjármagni.
 
4. Önnur mál.
Íþrótta- og æskulýðsfulltrúi kynnti samstarf íþróttamiðstöðvarinnar og Reykjavík Spa City verkefnisins. Borgarbyggð hefur nú hafið samstarf við verkefnið Heilsuborgin Reykjavík um kynningu á Borgarnesi sem heilsulindarbæ. Verkefnið felst í því að upplýsinga- og fræðsluefni um Borgarnes er sent með öllu því upplýsingaefni sem Heilsuborgin Reykjavík sendir frá sér árlega. Þetta efni er m.a. sent til um 600 fjölmiðla vestan hafs og austan, til um 300 ferðaheildsala í Evrópu og í Bandaríkjunum. Að auki er þessu kynningarefni dreift á ferðasýningum og markaðsfundum heilsulindasamtaka Evrópu sem Reykjavíkurborg er aðili að.
Að auki er kynningarefni um Borgarbyggð að finna á heimasíðu Spa City Reykjavik sem tengd er við ýmsar aðrar heimasíður eins og t.d. heimasíðu Flugleiða í Evrópu, heimasíðu Heilsulindasamtaka Evrópu og heimasíðu Ferðamálaráðs Íslands í Bandaríkjunum. Þá gefst tækifæri á að fá sérfræðiaðstoð frá Heilsuborginni Reykjavík og Heilsulindasamtökum Evrópu um frekari þróun Borgarness sem heilsubæjar. Nú þegar er búið að prenta kynningarefnið. Fyrir utan Íþróttamiðstöðina í Borgarnesi standa að þessu verkefni fyrirtæki á sviði heilsutengdrar ferðaþjónustu í Reykjavík.
Í gegnum þetta verkefni mun Borgarbyggð væntanlega fá aðild að Heilsulindasamtökum Evrópu. Afar brýnt er að fleiri erlenda ferðamenn utan hins hefðbundna ferðamannatíma komi á svæðið. Markaðsrannsóknir sýna að flestir þeir erlendu ferðamenn sem heimsækja Ísland yfir vetrarmánuðina koma til Reykjavíkur og dveljast þar en nánast allir þeirra hafa þó áhuga á að fara út fyrir borgarmörkin eða styttri ferðir frá Reykjavík og er þá Borgarfjörðurinn vænlegur kostur.
 

Fleira ekki gert,
Fundi slitið kl. 19:30
 
Ari Björnsson fundarritari