Fara í efni

Upplýsingasíða Borgarbyggðar vegna COVID-19

Upplýsingar á þessari síðu eru hugsaðar fyrir íbúa Borgarbyggðar og til kynningar á þeim ráðstöfunum sem sveitarfélagið grípur til hverju sinni. Tilkynningar um aðgerðir í samræmi við viðbragðsáætlun verða kynntar eftir þörfum og miðlað hér á vefsíðunni. 

Borgarbyggð hefur gripið til nokkurra ráðstafana til að bregðast við COVID-19 faraldrinum. Ein af þeim er að taka saman upplýsingar sem gætu gagnast íbúum Borgarbyggðar og miðla þeim hér á vef sveitarfélagsins.

Borgarbyggð fylgir leiðbeiningum stjórnvalda og hefur gripið til undirbúningsráðstafana í samræmi við þær. 

Borgarbyggð hvetur íbúa til að fylgja nýjustu fyrirmælum frá Embætti Landlæknis og Almannavarnadeild Ríkislögreglustjóra.

Í viðbragðsteymi Borgarbyggðar situr sveitarstjóri, samskiptastjóri, sviðsstjóri fjármálasviðs, sviðsstjóri fjölskyldusviðs, sviðsstjóri  stjórnsýssu-og þjónustusviðs og deildarstjóri félagsþjónustunnar.

Viðbragðsáætlun Borgarbyggðar vegna COVID-19 (4. útgáfa 31. mars 2020)


Almennar reglur (23.12.2021)

  • Almennar fjöldatakmarkanir 20 manns. Börn eru ekki undanskilin.
  • Nándarregla tveir metrar. Börn fædd 2016 og síðar eru undanþegin. Á veitingastöðum og meðal gesta á sitjandi viðburðum er nándarregla 1 metri milli sitjandi gesta.
  • Grímuskylda á við ef ekki er hægt að virða 2 metra regluna. Börn fædd 2006 og síðar eru undanþegin grímuskyldu.
  • Verslanir og söfn mega taka á móti 50 manns í hverju hólfi að börnum meðtöldum, aukin réttindi eru fyrir stórar verslanir. Grímuskylda er í verslunum.
  • Sundstöðum og líkamsræktarstöðvum er heimilt að taka á móti 50% af hámarksfjölda gesta. Börn fædd 2016 og síðar teljast ekki með.
  • Viðburðir með hraðprófi:Heimilt er að hafa allt að 200 manns á skipulögðum viðburðum þar sem tekin eru hraðpróf að uppfylltum viðbótarskilyrðum.
  • Sitjandi viðburðir án hraðprófs: Allt að 50 manns mega vera viðstaddir athafnir trú- og lífsskoðunarfélaga, sviðslistar- menningar- og íþróttaviðburði, ráðstefnur, fyrirlestra og sambærilega viðburði.
  • Veitingastaðir: Opnunartími veitingastaða er til kl. 21:00. Gestir þurfa að hafa yfirgefið staðinn fyrir kl. 22:00.

Skólahald og íþróttir

  • Á öllum skólastigum miðast hámarksfjöldi barna/nemenda við 50 einstaklinga í rými.
  • Hámarksfjöldi starfsfólks í sama rými eru 20 manns og starfsfólki er heimilt að fara á milli rýma.
  • Nálægðarmörk: Almennt gildir 2 metra nálægðarregla en sé ekki unnt að tryggja 2 metra reglu er grímuskylda. Leikskólabörn eru undanskilin nálægðarreglu.
  • Grímuskylda: Almennt er skylt að nota grímu ef ekki er hægt að virða 2 metra regluna. Börn fædd 2006 og síðar eru undanþegin grímuskyldu.
  • Íþróttaæfingar og keppnir barna og fullorðinna eru heimilar, jafnt með eða án snertingar, fyrir allt að 50 manns.

Gildistími: Reglugerð sem felur í sér ofangreindar breytingar á samkomutakmörkunum innanlands mun gilda til og með 12. janúar 2022.


Upplýsingar um bólusetningu

Bólusetning gegn COVID-19 er hafin á Íslandi. Þau bóluefni sem notuð verða hér á landi við nýju kórónuveirunni (COVID-19) eru örugg og veita bestu mögulegu vernd gegn sjúkdómnum.

‍Bólusetning er og verður gjaldfrjáls og engin verður skyldaður í bólusetningu.

Hraði bólusetninga ræðst af því hversu mikið magn bóluefnis kemur til landsins á hverjum tíma. Gert er ráð fyrir að í lok mars 2021 verði komið langt með að bólusetja alla eldri en 70 ára, en í þeim hóp er um 40.000 manns.

Eins og staðan er núna þá er lögð áhersla að bólusetja aldraða, bólusetningin fer fram á hjúkrunarheimilum, sambýlum, dagdvölum og í heimahúsum (heimahjúkrun). Þeir sem ekki fá boð í bólusetningu á rafrænan hátt fá boð eftir öðrum leiðum. Það mun koma að öllum og enginn verður undanskilinn. Einnig hafa framlínustarfsmenn í heilbrigðisþjónustunni verið bólusettir.

Þeir sem hafa fengið staðfest COVID-19 með PCR greiningar prófi eða mótefnamælingu þurfa ekki að fara í bólusetningu.

Samkvæmt reglugerð nr. 1198/2020 hefur sóttvarnalæknir í samráði við heilbrigðisráðherra ákveðið hvaða hópar munu njóta forgangs við bólusetningu við COVID-19. Sóttvarnalækni er heimilt að víkja frá neðangreindri forgangsröðun ef nauðsynlegt er, svo sem vegna stöðu faraldursins hverju sinni eða tegund bóluefnis, en skal taka mið af þeirri forgangsröðun sem kveðið er á um í reglugerðinni. Vakin er athygli á að Heilsugæslustöðvar breyta ekki forgangsröðinni.

 Nánari upplýsingar um bólusetningar og tölfræði vegna bólusetninga gegn Covid-19 inn á covid.is eða hér.

Upplýsingar um Covid-19 bólusetningu á auðlesnu máli


Tilkynning til einstaklinga í sumarhúsum sem eru í sóttkví

Að gefnu tilefni er vakin athygli á því að reglur um sóttkví gilda líka um þá sem kjósa að dvelja í sumarhúsi á meðan sóttkví stendur.

  • Einstaklingar í sóttkví mega ekki fara sjálfir eftir aðföngum og þar af leiðandi ekki í matvöruverslanir. 
  • Einstaklingar í sóttkví mega ekki fara sjálfir með sorp á móttökustöðvar sveitarfélaga. 
  • Einstaklingar í sóttkví mega fara í göngutúra en verða skilyrðislaust að halda reglur um fjarlægð frá öðrum.

Vinnum saman og hindrum frekari útbreiðslu smita. 

Athygli er vakin á því að brot á reglum um sóttkví varða við lög.

Rauði kross Íslands minnir á að þeir sem eru í sóttkví, einangrun eða varnarsóttkví geta notfært sér hjálparsíma Rauða krossins 1717, ef þeir þurfa aðstoð við að fá aðföng úr verslunum, lyf eða aðrar nauðsynjar. 

Covid-19

Þjónustuver Borgarbyggðar lokar vegna sóttvarnaraðgerða

Þjónustuver Borgarbyggðar lokar fyrir gesti vegna sóttvarnaraðgerða frá og með 17. janúar nk.
Covid-19

Tilmæli sem taka gildi í dag 3. nóvember vegna fjölgunar Covid-19 smita

Í ljósi aukinna smita í Borgarbyggð er ástæða til að bregðast hratt við ástandinu í samfélaginu og breyta verklagi sveitarfélagsins frá og með deginum í dag, 3. nóvember, til og með 17. nóvember.
Covid-19

Aðgerðir sem taka í gildi frá og með 15. apríl vegna Covid-19

Heilbrigðisráðherra hefur ákveðið í samræmi við tillögu sóttvarnalæknis að draga úr samkomutakmörkunum frá og með 15. apríl nk.
Covid-19

Aðgerðir sem taka gildi frá og með 25. mars vegna Covid-19

Heilbrigðisráðherra hefur ákveðið í samræmi við tillögu sóttvarnalæknis að herða reglur um samkomubann og taka þær reglur gildi á miðnætti í dag, miðvikudaginn 24. mars.