Fréttasafn

Ungmennaráð Borgarbyggðar, starfshópur forvarnar, heilsueflandi og barnvæns samfélags standa fyrir ungmennaþingi og stefnumótunarfundi fyrir íbúa sveitarfélagsins til þess að móta hugmyndir um hvernig samfélagi við viljum tilheyra. Fundurinn verður haldinn 9.nóvember 2022, kl 18:00 í Hjálmakletti. Skipulag fundarins verður þannig háttað að ungmenni 12 ára og eldri verða í kjallara Hjálmakletts og aðrir íbúar verða í salnum. Öllum þátttakendum verður skipt upp í umræðuhópa og munu þeir sem standa fyrir viðburðinum nýta niðurstöður hópanna í sinni vinnu í að búa til betri Borgarbyggð Fundarstjórar eru þau Signý Óskarsdóttir og Guðjón Svansson frá Creatrix Kaffi og léttar veitingar í boði

Borgarbyggð auglýsir eftir verslunar- og þjónustuaðilum í sveitarfélaginu sem hafa áhuga á að taka á móti gjafabréfum sem eru jólagjöf til starfsmanna sveitarfélagsins. Fyrirkomulagið verður þannig háttað að starfsmenn fá gjafabréf að andvirði 10.000 kr. ásamt upptalningu á fyrirtækjum sem skrá sig í verkefnið. Gjafabréfin virka sem greiðsla á eða upp í kaup á vöru og þjónustu í Borgarbyggð. Viðkomandi fyrirtæki fá síðan upphæðina greidda hjá Borgarbyggð gegn framvísun gjafabréfsins. Gert er ráð fyrir að hægt verði að nota gjafabréfin frá 3. desember 2022 – 31. mars 2023. Skilyrði fyrir þátttöku verslunar- og þjónustuaðila er að fyrirtækið sé skráð hjá hinu opinbera og sé starfandi í Borgarbyggð. Um er að ræða ríflega 300 gjafabréf sem þurfa að afhendast í byrjun desember 2022. Skráningafrestur er til 18. nóvember n.k. Skráning fer fram á netfanginu mannaudsstjori@borgarbyggd.is og nánari upplýsingar gefur Íris Gunnarsdóttir, gæða- og mannauðsstjóri í síma 433-7100.

Öll börn í elstu árgöngum leikskólanna okkar fengu síðastliðinn mánudag, með samhentu átaki allra leikskólanna, tækifæri til að sjá og taka þátt í draumkenndu sýningunni – Bárur. Sýningin er hluti af Óperudögum 2022.

Tilgangur Uppbyggingarsjóðs er að styrkja annars vegar menningarverkefni og hinsvegar atvinnu- og nýsköpunarverkefni á Vesturlandi. Sjóðurinn er samkeppnissjóður og eru umsóknir metnar út frá þeim markmiðum og áherslum sem koma fram í Sóknaráætlun Vesturlands.

Í október býður innviðaráðuneytið, í samvinnu við landshlutasamtök sveitarfélaga, íbúum í öllum landshlutum til opins samráðs á fjarfundum í október undir yfirskriftinni Vörðum leiðina saman.

Mikið var um dýrð í leikskólanum Uglukletti í gær fimmtudaginn 20. október, en skólinn hélt upp á 15 ára starfsafmæli sitt.

Í september voru gerðar skipuritsbreytingar hjá sveitarfélaginu, nánar tiltekið á skipulags- og byggingardeild.

Í dag er lokadagur Lífsnámsviku í Menntaskóla Borgarfjarðar.

Fyrirlestur Ásdísar Haraldsdóttur þjóðfræðings 20. október 2022 kl. 17.00 í Safnahúsinu.

Í Borgarfirði eru gjöfular laxveiðiár sem eiga sér bæði langa og merkilega sögu hvað varðar veiðiaðferðir og áhrif á búsetu og landnýtingu í héraði. Í apríl síðastliðnum fékk Landbúnaðarsafn Íslands veglegan öndvegisstyrk til þriggja ára, frá Safnasjóði til að skrá sögu laxveiða í Borgarfirði. Áður hafði safnið fengið styrk til eins árs úr Uppbyggingarsjóði Vesturlands. Þessi stuðningur hefur gert starfsmönnum Landbúnaðarsafnsins kleift að halda áfram með þá vinnu.