Byggðarráð Borgarbyggðar

Miðvikudaginn 27. júní 2007 kom byggðarráð Borgarbyggðar saman til fundar kl. 08.00 að Borgarbraut 14 í Borgarnesi.

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Fjármálastjóri: Linda B. Pálsdóttir sem ritaði fundargerð

Eftirfarandi var tekið fyrir:

Framlagður samningur Orkuveitu Reykjavíkur við Norðurál vegna raforkusölu. Byggðarráð samþykkir samninginn fyrir sitt leyti.

Framlögð umsókn Ragnhildar Hallgrímsdóttur deildarstjóra á leikskólanum Klettaborg um endurnýjun á námsleyfi sem ekki var nýtt á sl. ári. Byggðarráð samþykkir veitingu námsleyfisins.

Framlagt kostnaðarmat frá framkvæmdasviði vegna gatnagerðar við Flatarhverfi á Hvanneyri. Samþykkt að fela framkvæmdasviði að bjóða verkið út í samræmi við fjárhagsáætlun.

Rætt um sölu á félagslegri íbúð að Arnarkletti 4 í Borgarnesi. Samþykkt með tveimur atkvæðum að selja Arnarklett 4, 1 (SE) sat hjá.

Framlagt minnisblað frá sveitarstjóra vegna endurskoðunar á samningi við Golfklúbb Borgarness vegna framkvæmda á Hamarsvelli. Samþykktur nýr samningur við Golfklúbbinn til ársins 2017, sveitarstjóra falið að ganga frá samningnum með framkomnum breytingum.

Á fundinn mætti Sigurður Páll Harðarson forstöðumaður framkvæmdasviðs og lagði fram yfirlit yfir stöðu framkvæmda hjá Borgarbyggð.

Framlagt erindi frá Sambandi íslenskra sveitarfélaga vegna nýrra laga um gatnagerðargjald. Framkvæmdasviði falið að vinna tillögu að samþykkt um gatnagerðargjald í Borgarbyggð.

Framlögð drög að fyrirhuguðum breytingum Vegagerðarinnar á þjóðvegi 1 við Borgarbraut 62-70. Samþykkt að óska eftir umsögn framkvæmdasviðs á breytingunum.

Framlagður samningur við Landvernd um þátttöku Borgarbyggðar í verkefninu Vistvernd í verki. Byggðarráð samþykkir samninginn.

Á fundinn mættu Ársæll Guðmundsson formaður vinnuhóps um verkefnið Borgarfjarðarbrúin og Sóley Sigþórsdóttir fulltrúi starfsmanna grunnskólanna í vinnuhópnum til viðræðna um verkefnið. Byggðarráð lýsir yfir ánægju sinni með framþróun verkefnisins.

Lagt fram bréf frá lögreglustjóranum í Borgarnesi þar sem lagt er til að ein almannavarnarnefnd verði starfandi í nýju umdæmi lögreglustjórans í Borgarnesi. Byggðarráð samþykkir tillöguna.

Framlögð tillaga að gjaldskrá, samþykkt að vinna áfram að málinu.

Í erindinu kemur fram að fyrirhuguð landnýting sé búgarðabyggð, sú landnýting er ekki í samræmi við gildandi skipulag. Sveitarstjóra falið að svara bréfritara.

Rætt um atvinnumál, sveitarstjóra falið að óska eftir fundi með Orkuveitu Reykjavíkur.

Framlagt minnisblað sveitarstjóra vegna starfsmannamála.

Framlögð fundargerð vinnuhóps um málefni og samstarfssamning vegna Laugagerðisskóla ásamt minnisblaði frá formanni byggðarráðs.

a. Upplýsingar um tölur úr vorskoðun búfjáreftirlits 2007.

b. Samþykkt að halda byggðarráðsfund í Reykholti þann 18. júlí.

Fleira ekki gert.

Fundargerðin upplesin og samþykkt samhljóða.

Fundi slitið kl. 10:40.