Byggðarráð Borgarbyggðar

Miðvikudaginn 4. júlí 2007 kom byggðarráð Borgarbyggðar saman til fundar kl. 08.00 að Borgarbraut 14 í Borgarnesi.

Mættir voru:

Aðalfulltrúar: Finnbogi Rögnvaldsson

Bjarki Þorsteinsson

Varafulltrúi Finnbogi Leifsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagðar fundargerðir skipulags- og byggingarnefndar Borgarbyggðar frá 12.06. og 26.06. 2007.

Fundargerðirnar voru samþykktar.

FR sat hjá við afgreiðslu 7. liðar fundargerðar nr. 22 vegna tengsla við málið.

Framlagður samningur við Golfklúbb Borgarness um framkvæmdir á golfvellinum að Hamri í Borgarnesi. Jafnframt er framlögð viljayfirlýsing um eflingu unglingastarfs á vegum klúbbsins.

Byggðarráð samþykkti samninginn og var honum vísað til endurskoðunar fjárhagsáætlunar.

Framlagt erindi frá Deloitte hf. dagsett 21.06. 2007 þar sem óskað er eftir umsögn sveitarfélagsins vegna breytinga á landnotkun á 8 hektara svæði í landi Guðnabakka í Borgarbyggð. Óskað er meðmæla við að landið verði tekið undan landnotkun og gert að frístundasvæði í samræmi við skipulag.

Byggðarráð samþykkti erindið enda er fyrirhuguð landnýting í samræmi við gildandi deiliskipulag.

Framlagður samningur við Körfuboltadeild Skallagríms vegna sölu á íbúð að Hrafnakletti 4 í Borgarnesi.

Byggðarráð samþykkti samninginn.

Framlagt erindi frá ábúendum á Steindórsstöðum í Reykholtsdal dagsett 20.06. 2007 þar sem óskað er eftir að hafa sauðfé í heimahögum sumarið 2007.

Samþykkt að vísa erindinu til Fjallskilanefndar Rauðsgilsréttar.

Framlagt minnisblað frá framkvæmdasvið vegna fyrirhugaðra framkvæmda við þjóðveg 1 við Borgarbraut 62 til 70 í Borgarnesi.

Byggðarráð fagnar þessari fyrirhuguðu aðgerð en ítrekar fyrri afstöðu sveitarstjórnar að færsla þjóðvegar 1 við Borgarnes komi til framkvæmda sem fyrst.

Framlögð tillaga framkvæmdasviðs að hækkun á gjaldskrá gatnagerðargjalda í Borgarbyggð.

Byggðarráð samþykkti að gjaldskráin verði hækkuð og var sveitarstjóra falið að leggja fram tillögu að nýrri gjaldskrá á næsta fundi byggðarráðs.

Framlagt bréf skólameistara Fjölbrautarskóla Vesturlands á Akranesi þar sem gerð er grein fyrir stöðu framkvæmda við byggingu verknámshúss við skólann.

Framlagt bréf frá Óskari Sverrissyni f.h. lóðarhafa að Selási 1 í Borgarnesi dags. 29.06.07 þar sem hann óskar eftir lóðarstækkun samkvæmt meðfylgjandi teikningu.

Byggðarráð samþykkti að vísa erindinu til framkvæmdasviðs þar sem unnið er að deiliskipulagsvinnu við Selás.

Framlagt minnisblað frá framkvæmdasviði yfir stöðu mála á lóðinni að Hrafnakletti 1a.

Framlagt erindi landeiganda Jaðars, spildu úr landi Ánastaða í Borgarbyggð um landsskipti.

Byggðarráð samþykkti að heimila landskiptin en vekur athygli á að í heimildinni felst ekki breytt landnotkun eða skipulag.

Framlagt bréf Vegagerðarinnar dagsett 27.06. 2007 þar sem tilkynnt er um úthlutun fjármagns til styrkvega í Borgarbyggð.

Samþykkt að óska eftir tillögum frá dreifbýlisfulltrúa um skiptingu fjármagnsins og einnig óskað umsagnar landbúnaðarnefndar.

Rætt um starfsmannamál.

Framlögð fundargerð fræðslunefndar dags. 18.06.07.

Byggðarráð samþykkti fundargerðina.

Framlagður samningur við Kristján Fredrikssen um rekstur skólamötuneytis í Varmalandsskóla og leigu húsnæðis á Varmalandi.

Samningurinn er til tveggja ára.

Byggðarráð samþykkti samninginn.

Framlögð fyrirspurn Sigurðar Jakobssonar dags. 06.06.07 varðandi reglur um viðhald á ljósastaurum sem settir hafa verið upp á vegum sveitarfélaganna sem sameinuðust í Borgarbyggð.

Samþykkt að fela sveitarstjóra að svara bréfritara og einnig var sveitarstjóra falið að semja reglur um viðhald ljósastauranna.

Framlögð umsókn Nýverks ehf. um iðnaðarhúslóðina Sólbakka 26.

Samþykkt að úthluta lóðinni.

Framlögð umsókn Neshjúps ehf. um parhúsalóðina Stöðulsholt 38 - 40.

Samþykkt að úthluta lóðinni.

Framlagt bréf Límtré Vírnets dags. 16.04.07 þar sem farið er fram á að sveitarfélagið kosti lagningu nýrrar heimæðar vatns að húsnæði fyrirtækisins að Borgarbraut 74.

Byggðarráð felst ekki á erindið.

Fyrir var tekin umsókn Kristínar Hjálmarsdóttur þar sem óskað er eftir að skrá lögheimili í sumarhúsi í landi Brekku í Norðurárdal en erindið var lagt fram á fundi byggðarráðs 20. júní s.l.

Með vísan til laga nr. 149/2006 samþykkti byggðarráð að hafna beiðninni

Fyrir var tekið erindi frá Einari Magnússyni Túni Borgarbyggð þar sem óskað er eftir að stofna séreign úr landi Túns fyrir sumarbústaðalóð, alls 1,83 hektarar.

Erindið var lagt fram á fundi byggðarráðs 20. júní s.l.

Byggðarráð samþykkti erindið.

Framlögð beiðni VGS-verkfræðistofu um framkvæmdaleyfi til að byggja sendi fyrir Neyðarlínuna á Strúti.

Byggðarráð samþykkti erindið.

Byggðarráð samþykkti að þrátt fyrir lóðarstækkun Loftorku við Kárastaði verð áfram tryggð opin reiðleið eins og verið hefur.

Rætt um fundartíma byggðarráðs

a) Ársreikningur Landnáms Íslands ehf. fyrir árið 2006.

Fleira ekki gert.

Fundargerðin upplesin og samþykkt samhljóða.

Fundi slitið kl. 10,35.