Byggðarráð Borgarbyggðar

Mættir voru:

Aðalfulltrúar: Finnbogi Rögnvaldsson

Björn Bjarki Þorsteinsson

Sveinbjörn Eyjólfsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá leikskólastjóra við leikskólann Ugluklett þar sem óskað er eftir að þriðja deildin verði leikskólann taki til starfa í september 2007.

Byggðarráð tók jákvætt í erindið og var samþykkt að fela fræðslustjóra að meta kostnað við það fyrir næsta fund byggðarráðs.

Framlagt erindi frá Prentleikni ehf þar sem Borgarbyggð er boðið að vera með í kynningarbók “Iceland today”.

Byggðarráð samþykkti að hafna erindinu.

Framlagt erindi menningarfulltrúa vegna breytinga á skipulagsskrá Menningarsjóðs Borgarbyggðar.

Byggðarráð samþykkti breytingarnar og var stjórnarkjöri vísað til sveitarstjórnar.

Framlagður verksamningur við Signýju Einarsdóttur talmeinafræðing.

Byggðarráð samþykkti samninginn.

Framlagt fundarboð á aðalfund Menntaskóla Borgarfjarðar ehf. sem fram fer 14. september n.k. kl. 15.00 í Borgarnesi.

Samþykkt að Björn Bjarki Þorsteinsson verði fulltrúi Borgarbyggðar á fundinum.

Samþykkt var að fela fræðslustjóra að ræða við skólameistara menntaskólans um skólaakstur að við skólann.

Framlögð kostnaðaráætlun framkvæmdasviðs vegna gangstéttar við Brákarbraut 4-8 í Borgarnesi.

Samþykkt var að fela framkvæmdasviði að láta bjóða út verkið og einnig var því falið að gera tillögu að götulýsingu á svæðinu.

Samþykkt var að fela framkvæmdasviði að gera tillögu að framkvæmdum við gangstéttir í Kvíaholti.

Framlagt erindi Ólafs Egilssonar á Hundastapa þar sem óskað er eftir að settur verði upp ljósastaur við nýtt íbúðarhús í landi Hundastapa.

Byggðarráð samþykkti erindið.

Jafnframt voru framlögð drög að reglum um lýsingu í dreifbýli og var þeim vísað til afgreiðslu sveitarstjórnar.

Rætt var um beiðni íbúa í dreifbýli Borgarbyggðar að hafa aðgang að þriggja fasa rafmagni. Beiðninni hefur þegar verið komið á framfæri við Rarik og var sveitarstjóra falið að ítreka erindið.

Framlögð tillaga að nýrri gjaldskrá fyrir Skólasel á Hvanneyri.

Byggðarráð samþykkti tillöguna.

Á fundinn mætti Linda B. Pálsdóttir fjármálastjóri og lagði fram tekjuáætlun fyrir árið 2008. Auk þess mætti á fundinn Oddur Jónsson frá KPMG og kynnti vinnu við endurskoðun verkferla við fjárhagsáætlunargerð og vinnu við uppbyggingu eingasjóðs.

Lögð voru fram drög að starfsáætlunum næsta árs frá nokkrum stofnunum.

Á fundinn mætti Hjördís Hjartardóttir félagsmálastjóri til viðræðna um ályktanirnar félagsmálanefndar sem lagðar voru fram á 46. fundi byggðarráðs.

Félagsmálastjóri kynnti könnun um kjör kynjanna hjá Borgarbyggð sem lögð var fram á 46. fundi byggðarráðs.

Framlögð tillaga framkvæmdasviðs vegna breytinga á lóðarmörkum við Fálkaklett 1og 15.

Byggðarráð samþykkti að fela framkvæmdasviði að gera nýja lóðaleigusamninga við lóðarhafa að Fálkakletti 1 og 15 þar sem lóðarmörk milli lóðanna verði í beinni línu.

Rætt um eignarform á Orkuveitu Reykjavíkur.

Framlögð drög að erindisbréfi fyrir vinnuhóp um afréttar- og fjallskilamál.

Byggðarráð samþykkti erindisbréfið og vísaði til sveitarstjórnar að skipa fimm menn í vinnuhópinn.

Rætt um stöðu á vinnu við aðalskipulag fyrir Borgarbyggð.

Framlagt minnisblað frá framkvæmdastjóra Búnaðarsamtaka Vesturlands.

Samþykkt að fela sveitarstjóra að ganga til samninga við Búnaðarsamtökin á grundvelli minnisblaðs framkvæmdastjórans.

Rætt um viðhald safn- og tengivega í Borgarbyggð

Lagt fram minnisblað verkefnisstjóra á framkvæmdasviði varðandi vatnsveitu í leikskólann Hnoðraból.

Samþykkt að fela framkvæmdasviði að ræða við Orkuveitu Reykjavíkur um úrbætur á þessu máli nú þegar.

Framlagt bréf frá Þorbirni Hlyn Árnasyni sóknarpresti á Borg dags. 29.08.07 þar sem farið er fram á að sett verði upp girðing á merkjum Borgar og Borgarbyggðar vestan Borgarlækjar frá þjóðvegi að Kiðanesvogi.

Samþykkt að fela sveitarstjóra að láta setja upp girðinguna. Áætlaður kostnaður við verkið er 1 milljón króna og færist á liðinn 11-410, opin svæði.

Á fundinn mætti Indriði Jósafatsson íþrótta- og æskulýðsfulltrúi til viðræðna um tilraunaverkefni um íþróttaskóla fyrir börn í 1. og 2. bekk grunnskóla.

Samþykkt að fela íþrótta- og æskulýðsfulltrúa að leggja fram kostnaðarmat á stofnun og rekstri íþróttaskóla.

Samþykkt var að fela menningarfulltrúa að ræða við fulltrúa safna í Borgarfirði um mögulega samnýtingu á geymsluhúsnæði og samstarf um skráningu muna.

Samþykkt var að tilnefna Guðrúnu Fjeldsted í afréttarnefnd Borgarhrepps í stað Helga Helgasonar sem hefur sagt sig úr nefndinni.

Rætt var um tilnefningu í vinnuhóp um verkefnið Borgarfjarðarbrúin sem er samstarfsverkefni skóla í Borgarbyggð.

Rætt um skipan nefnda sveitarfélagsins.

a. Afrit af bréfi Brunamálastofnunar vegna slökkviliðsmála í Skorradal.

Fleira ekki gert.

Fundargerðin upplesin og samþykkt samhljóða.

Fundi slitið kl. 12,35.