Byggðarráð Borgarbyggðar

Mætt voru:

Aðalfulltrúar: Finnbogi Rögnvaldsson

Bjarki Þorsteinsson

Varafulltrúi: Finnbogi Leifsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá Heilsulindasamtökum Íslands dagsett 05.03.2008 þar sem Borgarbyggð er boðin aðild að samtökunum.

Samþykkt að vísa erindinu til umsagnar tómstundanefndar.

 

Framlagt minnisblað frá íþrótta- og æskulýðsfulltrúa um öryggismál sundstaða í Borgarbyggð.

Samþykkt að heimila kaup á skjám og tölvu til að hýsa myndir úr öryggismyndavélum.

Á fundi mætti Jökull Helgason forstöðumaður framkvæmdasviðs til viðræðna um viðhald á Vatnsveitu Álftanesshrepps.

Framlögð fyrirspurn dagsett 05.03. 2008 frá Ástríði Einarsdóttur deildarstjóra um framkvæmdir við Grunnskóla Borgarfjarðar á Hvanneyri og framtíðarnotkun á núverandi húsnæði leikskólans Andbæjar.

Samþykkt að fela sveitarstjóra að svara erindinu og hugmyndum um nýtingu núverandi húsnæðis leikskólans vísað til umsagnar fræðslunefndar.

 

Framlagt erindi frá Háskólanum á Bifröst þar sem óskað er eftir heimild til að taka land undan landbúnaðarnotkum, en umrætt land verður hluti af skólalóð og leiksvæði.

Byggðarráð samþykkti að taka landið úr landbúnaðarnotkun.

Á fundi mætti Þorvaldur T. Jónsson fulltrúi Borgarbyggðar í stjórn Menningarráðs Vesturlands til viðræðna um starfsemi ráðsins.

Framlögð bréf dagsett 04.03.08 frá menntamálanefnd Alþingis þar sem óskað er umsagnar um þingsályktun um stofnun háskólaseturs á Akranesi og frá samgöngunefnd Alþingis þar sem óskað er umsagnar um þingsályktun um athugun á hagkvæmni lestarsamgangna á höfuðborgarsvæðinu.

Samþykkt að fela sveitarstjóra að svara erindunum.

Jafnframt var samþykkt að fela skipulags- og byggingarnefnd að fjalla um frumvarp til laga um frístundabyggð.

Framlagt erindi frá Orkuveitu Reykjavíkur dagsett 11.03. 2008 þar sem óskað er eftir samþykki eigenda fyrir lántöku að andvirði 100 milljóna evra hjá Dexia Crédit Local.

Byggðarráð samþykkti fyrir sitt leyti að heimila lántökuna.

Framlagt minnisblað frá fundi fulltrúa úr atvinnu- og markaðsnefnd og menningarnefnd um Borgarfirðingahátíð 2008.

Rætt um breytt fyrirkomulag hátíðarhalda í Borgarbyggð.

Samþykkt að fela menningarfulltrúa, íþrótta- og æskulýðsfulltrúa og kynningarfulltrúa að gera drög að viðburðadagatali fyrir sumarið 2008 og leggja fram á næsta fundi byggðarráðs.

Rætt um almenningssamgöngur.

Framlagt fundarboð á aðalfund Lánasjóðs sveitarfélaga sem fram fer 4. apríl n.k. í Reykjavík.

Samþykkt að fela Finnboga Rögnvaldssyni að vera fulltrúi Borgarbyggðar á fundinum.

Framlagðar umsagnir frá fundi umhverfis- og landbúnaðarnefndar 12.03. 2008.

Samþykkt var erindi Sturlu Stefánssonar og Ásgerðar Pálsdóttur um að landspilda við Skáney í landi Arnarstapa verði tekin úr landbúnaðarnotkun.

Samþykkt var erindi Byggingarfélagsins Bursta ehf þar sem óskað er eftir að jörðinni Vesturholti í Borgarbyggð verði skipt í fjóra hluta en ekki er fallist á breytta landnýtingu. Endanleg afstaða til breyttrar landnýtingar verður tekin þegar fyrir liggja drög aðalskipulagshóps um landnýtingu í sveitarfélaginu.

Samþykkt var erindi Sigvalda Ásgeirssonar að 19 ha landsspilda úr landi Vilmundarstaða verði gerð að séreign.

Samþykkt var að veita framlag til merkingar á hellum í sveitarfélaginu.

Framlögð drög að samningum við menningarstofnanir um rekstrarstuðning.

Gerðar voru breytingar á samningsdrögunum og þau þannig samþykkt.

Framlögð drög að samningi við Snorrastofu um rekstur bókasafns í Reykholti.

Gerðar voru breytingar á samningsdrögunum og þau þannig samþykkt.

Á fundinn mætti Guðmundur Páll Jónsson forstöðumaður Fjöliðjunnar ásamt Ástu Pálu Harðardóttur og Arnheiði Andrésdóttur til viðræðna um starfsemi Fjöliðjunnar í Borgarnesi.

Samþykkt að fela framkvæmdasviði að leggja fram á næsta fundi gögn um húsnæði Fjöliðjunnar.

Samþykkt að fela félagsmálastjóra að leggja fram tillögur um atvinnuúrræði unglinga með skerta starfsorku.

Samþykkt að fela tómstundanefnd að leggja fram tillögur að framtíðarhúsnæði ungmennahússins Mímis.

Á fundi sveitarstjórnar 13. mars s.l. var spurningum frá Sveinbirni Eyjólfssyni varðandi fundargerðir vísað til byggðarráðs.

Málið rætt.

Rætt um dagskrártillögur á landsþingi Sambands íslenskra sveitarfélaga sem haldið verður 04. apríl n.k.

a. Fundargerð frá fundi í stjórn Faxaflóahafna 10.03.08

b. Bréf frá Vegagerðinn vegna fyrirspurna frá Borgarbyggð

c. Minnisblað frá viðtalstíma sveitarstjórnarmanna 11. mars s.l.

d. Skólamálastefna Sambands íslenskra sveitarfélaga.

e. Bréf Steinars B. Ísleifssonar og Þorsteins Þorsteinssonar til samgöngunefndar SSV um lagningu slitlags á veg um Lundarreykjadal.

Fleira ekki gert.

Fundargerðin upplesin og

samþykkt samhljóða.

Fundi slitið kl. 11,oo.