Byggðarráð Borgarbyggðar

Mætt voru:

Aðalfulltrúar: Sveinbjörn Eyjólfsson

Finnbogi Rögnvaldsson

Björn Bjarki Þorsteinsson

Skrifstofustjóri: Eiríkur Ólafsson sem ritaði fundargerð.

Eftirfarandi var tekið fyrir:

Framlagt bréf Samkeppniseftirlitsins dags. 30.06.’09 þar sem tilkynnt er um ákvörðun Samkeppniseftirlitsins varðandi kröfu um fjárhagslegan aðskilnað Borgarbyggðar á rekstri tjaldsvæða.

Niðurstaðan er sú að ekki eru lagaskilyrði til íhlutunar Samkeppniseftirlitsins í málinu.

Framlagt bréf Óskars Halldórssonar Krossi dags. 10.06.’09 þar sem farið er fram á leyfi til að flytja sauðfé framarlega á Oddstaðaafrétt.

Þar sem erindið samræmist ekki kröfu Landgræðslu ríkisins um gæðastýringu afréttarins hafnar byggðarráð erindinu.

Framlagt bréf Lögfræðistofunnar Landslög f.h. eigenda Steindórsstaða dags. 01.07.’09 varðandi efndir á samningi um vatn.

Þegar Borgarfjarðarsveit samdi við Orkuveitu Reykjavíkur um sölu á vatnsveitu Borgarfjarðarsveitar fylgdi umræddur samningur með í sölunni. Erindinu er því vísað til Orkuveitunnar.

Framlagt bréf lögmannsþjónustunnar Logos f.h. bústjóra á Skarðshömrum dags. 02.07.’09 vegna ágangs búfjár á jörðina.

Samþykkt að fá umsögn Búnaðarsamtaka Vesturlands um erindið.

Sveitarstjóra falið að vinna áfram að málinu.

Framlagður tölvupóstur frá Dansfélagi Borgarfjarðar dags. 01.07.’09 þar sem farið er fram á styrk til greiðslu á húsaleigu.

Samþykkt að vísa erindinu til umsagnar tómstunda- og menningarnefndar.

Framlagt bréf Snorrastofu dags. 25.06.’09 þar sem óskað er eftir upplýsingum um hugsanlegan stuðning Borgarbyggðar við rekstur almenningsbókasafns í Reykholti vegna ársins 2009.

Ekki hafa verið teknar ákvarðanir um frekari stuðning og var sveitarstjóra falið að svara erindinu.

Rætt um starfsmannamál.

Framlagt yfirlit um rekstrartölur úr bókhaldi Borgarbyggðar fyrstu fimm mánuði ársins.

Framlögð drög að erindisbréfi fyrir vinnuhóp um endurskoðun fræðslumála í Borgarbyggð.

Byggðarráð samþykkti erindisbréfið með áorðnum breytingum sem gerðar voru á fundinum.

Á fundinn mætti Oddur G. Jónsson frá KPMG-Endurskoðun og lagði fram árshlutauppgjör sveitarsjóðs og undirfyrirtækja fyrir fyrsta ársfjórðung ársins 2009.

Rætt um málefni Menntaborgar ehf.

Rætt um atvinnumál í Borgarbyggð.

Rætt um vinnu við gerð fjárhagsáætlunar 2010.

Framlögð drög að samningi milli Borgarbyggðar og eiganda Varmalækjar um afnot af landspildu og heimild til vatnstöku.

Framlögð drög að svarbréfi vegna beiðni um aðgegni að ýmsum gögnum hjá Borgarbyggð.

Samþykkt að fela sveitarstjóra að senda bréfið.

Framlögð drög að leigusamningi við Veiðifélag Arnarvatnsheiðar um að félagið taki á leigu sæluhús og hesthús við Álftárkrók og sæluhús og hesthús við Úlfsvatn.

Samþykkt að fela sveitarstjóra að vinna áfram að málinu.

Framlögð fundargerð 58. fundar skipulags- og byggingarnefndar sem haldinn var 07. júlí 2009.

Rætt um vatnsveitumál á Mýrum.

Samþykkt að fela forstöðumanni framkvæmdasviðs að ræða við hagsmunaaðila í gamla Borgarhreppi sem tengdir eru Vatnsveitu Álftaneshrepps um afnot þeirra af veitunni.

a. Fundargerð stjórnar Faxaflóahafna sf. 26.06.’09.

Fleira ekki gert.

Fundargerð upplesin og samþykkt samhljóða.

Fundi slitið kl.10,45.