Byggðarráð Borgarbyggðar

Mættir voru:

Aðalfulltrúar: Sveinbjörn Eyjólfsson

Bjarki Þorsteinsson

Varafulltrúi: Þór Þorsteinsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá Röftum, bifhjólafélagi Borgarfjarðar þar sem óskað er eftir heimild til að vera með mótorcross-sýningu á sandeyrunum fyrir neðan Menntaskóla Borgarfjarðar.

Samþykkt að vísa erindinu til umsagnar umhverfis- og landbúnaðarnefndar.

Rætt um drög að ársreikningi fyrir árið 2009.

Rætt um sparnaðaraðgerðir sem koma til framkvæmda á árinu 2010.

Rætt um skólamál.

Á fundinn mætti Jökull Helgason og fór yfir stöðu á vinnu við aðalskipulag Borgarbyggðar og niðurfellingu svæðisskipulaga fyrir sveitarfélagið.

Rætt um skuldbindingar Borgarbyggðar vegna viðbyggingar við Dvalarheimili aldraðra í Borgarnesi.

Samþykkt var svohljóðandi tillaga varðandi aðgengi að ljósabekkjum.

"Með hliðsjón af tilmælum í sameiginlegri yfirlýsingu frá geislavarnarstofnunum Íslands, Finnlands, Noregs og Svíþjóðar frá 11. nóvember 2009 beinir byggðarráð Borgarbyggðar því til tómstunda- og menningarnefndar að endurskoða reglur um notkun ljósabekkja í íþróttamiðstöðvum í Borgarbyggð."

Framlögð drög að samþykkt um meðhöndlun úrgangs í Borgarbyggð.

Framlagt erindi Kjartans Ragnarssonar þar sem farið er fram á að Borgarbyggð beiti sér fyrir að fjármunir sem ríkið fékk frá Orkuveitu Reykjavíkur vegna sölu á Hitaveitu Akraness og Borgarfjarðar verði notaðir til uppbyggingar í atvinnumálum í héraðinu.

Samþykkt að óska eftir fundi með fjármálaráðherra um erindið.

Framlagt fundarboð á aðalfund Menningarráðs Vesturlands sem haldinn verður 5. maí n.k. á Akranesi.

Samþykkt að fela sveitarstjóra að velja fulltrúa á fundinn.

Framlagt fundarboð á aðalfund Veiðifélagsins Hvítár sem haldinn verður á Hótel Hamri 13. apríl n.k.

Samþykkt að Sveinbjörn Eyjólfsson verði fulltrúi Borgarbyggðar á fundinum.

Framlagt fundarboð á aðalfund Dvalarheimils aldraðra í Borgarnesi sem haldinn verður 20. apríl n.k.

Framlagt erindi Umhverfisstofnunar dags. 06.04.10 þar sem kynnt er umsókn ORF Líftækni ehf um leyfi fyrir afmarkaðri ræktun á erfðabreyttu byggi í gróðurhúsi Sólhvarfa ehf að Sólbyrgi Kleppjárnsreykjum.

Vísað til umsagnar umhverfis- og landbúnaðarnefndar.

Á fundinn mætti Ólafur Sveinsson og kynnti framvinduskýrslu átakshóps í atvinnumálum sem unnin var af SSV-þróun og ráðgjöf.

Framlagður samningur við unglingalandsmótsnefnd UMFÍ um framkvæmd unglingalandsmóts í Borgarnesi sumarið 2010.

Byggðarráð samþykkti samninginn.

Samþykkt að styrkja hvert framboð sem fram kemur vegna sveitarstjórnarkosninga í Borgarbyggð í vor um allt að kr. 150.000. Fjárhæðin verður tekin af liðnum 21-110.

Fleira ekki gert.

Fundargerðin upplesin og samþykkt samhljóða.